نئی محفل فورم پر خوش آمدید

عبد اللہ بھائی، ہم نے ویسے بھی کل تبدیلی کرتے ہوئے لائن اسپیسنگ کافی کر دی تھی۔ مزید کرنے پر پورے صفحے کی اسکرول اونچائی بہت بڑھ جائے گی۔ پھر سبھی کے پاس ہائی ریزیولیوشن اسکرین نہیں ہوتا ناں۔ پھر بھی آپ سمیت کچھ اور احباب کو لگتا ہے کہ لائن اسپیسنگ مزید بڑھا دینی چاہئے تو بتا دیں۔ :)
 

سعید

محفلین
السلام علیکم دوستو!
آپ میں سے اکثر لوگ مجھے نہیں جانتے، کیونکہ سچی بات یہ ہے کہ میں اس محفل میں شریک تو بہت عرصہ سے ہوں مگر ہمیشہ فاصلے سے۔:)
میں آج یہ پیغام صرف اس لیے یہاں ارسال کرنے چلا آیا کہ میں آپ سب کو بتانا چاہتا تھا کہ یہ محفل اور اس کے اراکین کتنے خوش نصیب ہیں کہ آخر کار وہ زین فورو کے زبردست پلاٹ فورم پر اس محفل میں آج شریک ہو رہے ہیں۔ ساتھ یہ بھی بتانا مقصد تھا کہ نبیل بھائی اور سعود میاں نے اس کے لیے کتنا عرصہ انتظار کیا ہے اور کتنی محنت کی ہے۔

میں یہ بتاتا چلوں کہ میں بھی ایک فورم کا منتظم ہوں اور وی بلٹن سے ہی چند مہینے پہلےمیں نے بھی اپنا فورم زین فورو پر منتقل کیا ہے۔ پچھلے تقریبا دو سال سے وی بلٹن کے ساتھ کام کرنا کتنا مشکل ہوگیا ہے، اور اس میں کتنی مغز کھپائی شامل ہے، میں بخوبی جانتا ہوں اور نبیل بھائی اور سعود بھائی کے جذبات بھی سمجھتا ہوں۔

ان دونوں سے میری ملاقات زین فورو کے فورمز پر ہی ہوئی جہاں ہم لوگ اپنے اپنے فور م کو زین فورو پر منتقل کرنے کی لیے ضروری فیچرز اور مناسب وقت کا بے چینی سے انتظار کرتے رہے ہیں۔ اس دوران دونوں بھائیوں نے، خاص طور پر سعود بھائی نے، زین فورو کے انجن کا بخوبی معائنہ کیا اور مختلف حوالے سے مختلف اوقات پر ٹیسٹ بھی کیا۔ زین فورو کا ورژن 1.0 دائیں سا بائیں لکھی جانے والی زبانوں (مثلا اردو) کو سپورٹ نہیں کرتا تھا۔ یہ سپورٹ ورژن 1۔1 میں شامل کی گئی۔ اور آپ لوگ یقین کریں کہ 1۔1 کہ پہلے بِیٹا ورژن نکلنے کی دیر تھی کہ سعود صاحب کی راتوں کی نیندیں حرام ہوگئیں۔ یہاں تک کہ یہ یونیورسٹی میں کلاس میں بھی زین فورو کے فورمز پر موجود رہتے تھے۔ :D بِیٹا کے نکلنے کے ساتھ ہی ان کی جانب سے جو سوال و جواب کا سلسلہ شروع ہوا وہاں، وہ دیکھنے سے تعلق رکھتا تھا۔ ساتھ ہی اردو محفل کے ڈیٹابیس پر ان کی ٹیسٹنگ شروع ہوگئی، جس کے ساتھ ہی ان کی جانب سے مختلف بگز bugs کا انکشاف ہونا شروع ہوا۔ اور ابھی دھاگہ پڑھتے پڑھتے اور یہ پیغام لکھتے لکھتے مزید 3 بگز کا اضافہ کر چکے ہیں سعود میاں!

بہرحال، میں اس پیغام کو مزید لمبا نہیں کھینچوں گا۔ اور جو کچھ میں نے یہاں لکھا ہے، وہ سب میں نے خود اپنی آنکھوں سے دیکھا ہے، اور تجربے کی بنا پر میں یہ جانتا ہوں کہ حقیقت میں کسی بھی فورم کی منتقلی میں اس سے کہیں زیادہ پیچیدہ مسائل کا سامنا کرنا پڑتا ہے۔ اردو محفل کے زین فورو پر منتقل ہونے پر مجھے ذاتی طور پر بے حد خوشی ہے، اور میں آپ سب کو مبارکباد پیش کرتا ہوں۔ اور اس بات کی مبارکباد بھی کہ یہ محفل بہت خوش قسمت ہے کہ اس منتقلی کے لیے نبیل بھائی اور سعود بھائی کی خدمات اسے حاصل تھیں۔(y)

آخر میں دو مشورے دینا چاہوں گا، اگر مناسب لگیں۔ :)

1۔ تما م اراکین کے لیے ایک نوٹس چسپاں کرلیجیے، خاص طور پر نئے شامل ہونے والے اراکین کے لیے، کہ اپنے اپنے سسٹم پر جمیل نوری نستعلیق فونٹ انسٹال کرلیں۔ اس کے بغیر یہ فورم ادھورا اور ذرا بے جان سا لگتا ہے، جب کہ انسٹال کرنے کے بعد ایسا لگتا ہے جیسے 4 چاند لگ گئے ہوں۔
2۔ ایڈیٹر میں مزید اردو فونٹ (علوی، ویب نقش وغیرہ) بھی شامل کیجیے، تاکہ اگر اراکین اردو کے مختلف فونٹ استعمال کرنا چاہیں تو با آسانی کر سکیں۔ اس کے لیے ضروری ہدایات زین فورو فورمز پر آپ کو مِل جائیں گی۔

اللہ حافظ۔
ڈاکٹر سعید

ترمیم: ایک چھوٹا سا بگ
bug.png
 

نبیل

تکنیکی معاون
جزاک اللہ سعید۔ آپ کو یہاں دیکھ کر نہایت خوشی ہوئی۔ امید کرتا ہوں کہ آپ اسی طرح محبت کا ثبوت دیتے رہیں گے۔ آپ کو یاد ہو گا کہ زین فورو کی کمیونٹی فورم پر پہلے میں نے ہی آپ کو ایک مغالطے کی بناء پر مخاطب کیا تھا۔ :)

آپ کی تجاویز صائب ہیں۔ انشاءاللہ ہم ان پر جلد ہی عمل درآمد کریں گے۔ اس وقت ہم فورم کے آپریشن کو سٹیبل کرنے پر کام کر رہے ہیں۔ اردو ترجمہ اور اردو ایڈیٹر انٹگریشن بھی انشاءاللہ وقت کے ساتھ ساتھ مکمل ہوتی جائے گی۔ ایک مرتبہ پھر آپ کے تشریف لانے اور یہ محبت بھرا پیغام ارسال کرنے کا شکریہ۔
 

سعید

محفلین
انشاءاللہ ضرور۔ بالکل، مجھے اچھی طرح وہ میسج یاد ہے، البتہ اس وقت یہ معلوم نہیں تھا کہ آپ کو مغالطہ abdulbasitsaeed اور ibnesayeed کے درمیان تھا اور یہ ابنِ سعید صاحب کون تھے۔:D

بالکل، فورم کی سیٹنگز، امپورٹد ڈیٹا اور ڈیٹا بیس کی stability اس وقت کہیں زیادہ ضروری ہیں، باقی چھوٹی موٹی چیزوں کا اضافہ اور تصحیح ہوتی رہے گی انشاءاللہ۔ :)
 

نبیل

تکنیکی معاون
سعید، لگتا ہے کہ آپ کو وہ مغالطہ بھی بھول گیا ہے۔ :)
ہمارے ایک اور دوست کا نام بھی عبدالباسط سے شروع ہوتا ہے۔ یہ ہلا گلا فورم کے بانی اور ایڈمن عبدالباسط حبیب ہیں۔ اسی لیے مغالطہ لگا تھا۔ :)
 

سعید

محفلین
اچھا اچھا۔ ویسے یہ اچھا طریقہ ہے، میرے نام سے عبد الباسط نام کے ایک ایڈمن ہیں اور سعید نام کے یہ اپنے سعود "ابن سعید" ہیں۔

بہرحال، وضاحت کا شکریہ۔ :)
 
پہلا پلیٹ فارم تو نہیں دیکھا لیکن موجودہ پلیٹ فارم بہت اچھا ہے۔اس بہترین کاوش پر تمام انتظامیہ مبارک باد کی مستحق ہے۔
ویلڈن ٹو آل ٹیم۔:):):):):)
 

arshadmm

محفلین
بہت خوبصورت اور پیارا۔۔۔۔۔۔۔۔ اس کے منتخب کرنے اور نافذ کرنے اور اس کو خوبصورت اور پیارا بنانے والے سارے محفلین کو مبارکباد۔۔۔
 

نبیل

تکنیکی معاون
بہت شکریہ باسم۔ واقعی اس وقت تو پی ایچ پی بی بی سوفٹویر اور سب سلور تھیم میں بھی محفل فورم نہایت دلکش معلوم ہوتی تھی۔ :)
 

محمد امین

لائبریرین
میں نے شاید اسی وقت رجسٹر کیا تھا جب فورم کی یہ شکل تھی باسم بھائی کی بتائی ہوئی۔ نبیل بھائی میں کس نمبر کا یوزر تھا رجسٹریشن میں، یہ پتا لگ سکتا ہے؟:p
 
میں نے شاید اسی وقت رجسٹر کیا تھا جب فورم کی یہ شکل تھی باسم بھائی کی بتائی ہوئی۔ نبیل بھائی میں کس نمبر کا یوزر تھا رجسٹریشن میں، یہ پتا لگ سکتا ہے؟:p

آپ 438 ویں رکن رہے ہوں گے۔ کیوں کہ یوزر اور پیغام آئی ڈیز اب تک وہی برقرار رکھی گئی ہیں۔ :)
 
کیا آپ کو علم نہیں کہ ڈاٹا بیس انجنس آئی ڈی یا بالفاظ دیگر پرائمری کی بدلنے کی اجازت نہیں دیتے۔ ہاں حذف کر کے نہیا شامل کیا جا سکتا ہے لیکن پھر تو آپ اور بھی نچلے بیٹھنے والوں میں شمار ہونے لگیں گے۔ اس کے علواہ آئی ڈی نمبر سے دیگر سارے مواد جڑے ہوتے ہین لہٰذا اس کے ساتھ چھیڑ چھاڑ کسی کے پیغامات اور اختیارات کسی اور کے حوالے کر دیگا۔ :)
 
ہم نے محفل کو ایک مختصر سے اپگریڈ سے گزارا ہے۔ اگر احباب کو کسی حصے میں کوئی گڑبڑ نظر آئے تو بلا تکلف مطلع فرمائیں۔
 

صفدر خان

محفلین
بہت خوب۔ بہت ہی اچھا کام کیا ہے آپ لوگوں نے۔
میں اردو ویب کا مستقل قاری ہوں، رکن بھی ہوں، لیکن کبھی بھی میں نے زیادہ پوسٹ نہیں کیا تھا کیونکہ آپ کے پُرانے سافٹ وئیر پر مجھے بے انتہا اُلجھن ہوتی تھی۔ میرے اوپرا براؤزر پر تو اور بھی مشکل ہوجاتی تھی آپ کی ویب سائٹ پر پوسٹ کرنا۔ مجبوراً فائر فاکس استعمال کرنا پڑتا جو کہ مجھے سخت ناپسند تھا۔ لیکن ہجرت کے بعد اب مجھے بہت اچھا لگ رہا ہے۔ اور میں اپنے پسندیدہ براؤزر سے ہی آپ کی ویب سائٹ پر پوسٹ کرنے کے قابل ہوں۔
 
Top