ساغر صدیقی میں کہ آشفتہ و رُسوا سرِ بازار ہوا - ساغر صدیقی

میں کہ آشفتہ و رُسوا سرِ بازار ہوا
چاکِ داماں کا تماشا سرِ بازار ہُوا

تیری عصمت کی تجارت پسِ دیوار سہی
میری تقدیر کا سَودا سرِ بازار ہُوا

پھر کوئی اہلِ جنوں دار پہ چڑھ جائے گا
پھر تِرے حُسن کا چرچا سرِ بازار ہُوا

ہم نے رکھا ہے اسے دِل کے مکاں میں برسوں
جو کبھی ہم سے شناسا سرِ بازار ہُوا

مرحلے دیدکے دُشوار تھے لیکن ساغؔر
منزلِ طُور کا جلوہ سرِ بازار ہُوا​
ساغر صدیقی
 
Top