میں کون ہوں از کشور ناہید

محمد خلیل الرحمٰن نے 'پسندیدہ کلام' کی ذیل میں اس موضوع کا آغاز کیا، ‏مئی 16, 2019

  1. محمد خلیل الرحمٰن

    محمد خلیل الرحمٰن مدیر

    مراسلے:
    7,001
    جھنڈا:
    Pakistan
    موڈ:
    Festive
    میں کون ہوں
    از کشور ناہید

    موزے بیچتی جوتے بیچتی عورت میرا نام نہیں
    میں تو وہی ہوں جس کو تم دیوار میں چُن کے
    مثلِ صبا بے خوف ہوئے
    یہ نہیں جانا
    پتھر سے آواز کبھی بھی دب نہیں سکتی

    میں تو وہی ہوں رسم و رواج کے بوجھ تلے
    جسے تم نے چھپایا
    یہ نہیں جانا
    روشنی گھور اندھیروں سے کبھی ڈر نہیں سکتی

    میں تو وہی ہوں گود سے جس کی پھول چنے
    انگارے اور کانٹے ڈالے
    یہ نہیں جانا
    زنجیروں سے پھول کی خوشبو چھپ نہیں سکتی
     
    • پسندیدہ پسندیدہ × 2

اس صفحے کی تشہیر