محسن نقوی میں کل تنہا تھا، خلقت سو رہی تھی

[شیزان]

میں کل تنہا تھا، خلقت سو رہی تھی
مجھے خُود سے بھی وحشت ہو رہی تھی​

​

اُسے جکڑا ہُوا تھا زندگی نے
سرہانے موت بیٹھی رو رہی تھی​

​

کُھلا مجھ پر کہ میری خوش نصیبی
میرے رستے میں کانٹے بَو رہی تھی​

​

مجھے بھی نارسائی کا ثمر دے
مجھے تیری تمنا جو رہی تھی​

​

میرا قاتِل میرے اندر چُھپا تھا
مگر بدنام خلقت ہو رہی تھی​

​

بغاوت کر کے خُود اپنے لہُو سے
غلامی داغ اپنے دھو رہی تھی​

​

لبوں پر تھا سکوتِ مرگ لیکن
میرے دِل میں قیامت سو رہی تھی​

​

بجُز موجِ فنا دنیا میں محسن
ہماری جسُتجو کِس کو رہی تھی؟​

​

​

محسن نقوی​

​