میرے پسندیدہ اشعار

[سیما علی]

ہم سے یہ بارِ لطف اٹھایا نہ جائے گا
احساں یہ کیجیے کہ یہ احساں نہ کیجیے

حفیظ جالندھری

 

[سیما علی]

کون سی جا ہے جہاں جلوۂ معشوق نہیں
شوقِ دیدار اگر ہے تو نظر پیدا کر

امیر مینائی

 

[شمشاد]

وہ سردیوں کی دھوپ کی طرح غروب ہو گیا
لپٹ رہی ہے یاد جسم سے لحاف کی طرح
مصور سبزواری

 

[سیما علی]

سچے موتی چھپائے رکھتے ہیں
ہیں انوکھے سمندروں کے ڈھب

نینا عادل

 

[سیما علی]

جاگے ہوئے تھے خواب مگر سو رہا تھا میں
ہاتھوں میں تھی کتاب مگر سو رہا تھا میں


(نصیر احمد ناصر)

 

[سیما علی]

کچھ اور بھی ہیں کام ہمیں اے غم جاناں
کب تک کوئی الجھی ہی زلفوں کو سنوارے


حبیب جالب

 

[سیما علی]

یہ تو بجا کہ ذوقِ سفر ہے ثبوتِ زیست
اس دشت میں سموم و صبا دیکھ کر چلو


احسان دانش

 

[سیما علی]

نہ راہزن، نہ کسی رہنما نے لوٹ لیا
ادائے عشق کو رسمِ وفا نے لوٹ لیا


جگر مراد آبادی

 

[سیما علی]

نئی ہواؤں کی یلغار سے نمٹنے کو!
میں‌ زہر پینے لگا ہوں دوا کے لہجے میں

(ڈاکٹر فریاد آزر - دہلی)

 

[سیما علی]

دور ہے منزلِ عرفان خودی اور یہاں
بیخودی کا ہے یہ عالم کے خدا یاد نہیں
(جگر مُراد آبادی)

 

[شمشاد]

اک ڈوبتی دھڑکن کی صدا لوگ نہ سن لیں
کچھ دیر کو بجنے دو یہ شہنائی ذرا اور
آنس معین

 

[شمشاد]

قربتیں ہوتے ہوئے بھی فاصلوں میں قید ہیں
کتنی آزادی سے ہم اپنی حدوں میں قید ہیں
سلیم کوثر

 

[شمشاد]

یہ دشت وہ ہے جہاں راستہ نہیں ملتا
ابھی سے لوٹ چلو گھر ابھی اجالا ہے
اختر سعید خان

 

[سیما علی]

موج تخیل گل کا تبسم پرتو شبنم بجلی کا سایہ
دھوکا ہے دھوکا نام جوانی اس کو جوانی کوئی نہ سمجھے

نثار اٹاوی

 

[سیما علی]

یقیناً رہبر منزل کہیں پر راستا بھولا
وگرنہ قافلے کے قافلے گم ہو نہیں سکتا

 

[سیما علی]

جن کو قدرت ہے تخیل پر انہیں دکھتا نہیں
جن کی آنکھیں ٹھیک ہیں ان کو تخیل چاہئے

شجاع خاور

 

[شمشاد]

سلسلہ میرے ان اشکوں کا بکھر جاتا ہے
مجھ کو تشویش ہے کچھ روز سے میرے محبوب
حسن نعیم

 

[شمشاد]

مانگا تو تھا ہم نے اسے فجر کی نمازوں میں
پر شاید اسے چاہنے والا تہجد کا پابند تھا
(نامعلوم)

 

[سیما علی]

اور بازار سے لے آئے اگر ٹوٹ گیا
ساغر جم سے مرا جام سفال اچھا ہے


مرزا غالب

 

[شمشاد]

گر ہو شراب و خلوت و محبوب خوب رو
زاہد قسم ہے تجھ کو جو تو ہو تو کیا کرے
محمد رفیع سودا