میرے پسندیدہ اشعار

[سیما علی]

سب لوگ جدھر وہ ہیں ادھر دیکھ رہے ہیں
ہم دیکھنے والوں کی نظر دیکھ رہے ہیں
داغ دہلوی

 

[سیما علی]

لگا رہا ہوں مضامین نو کے انبار
خبر کرو میرے خرمن کے خوشہ چینوں کو
میر انیس

 

[سیما علی]

حیات لے کے چلو، کائینات لے کے چلو
چلو تو سارے زمانے کو ساتھ لے کے چلو
(مخدوم محی الدین

 

[سیما علی]

نیرنگئ سیاست دوراں تو دیکھئے
منزل انھیں ملی جو شریک سفر نہ تھے
( محسن بھوپالی )

 

[سیما علی]

زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں
ساغر صدیقی

 

[سیما علی]

مے پئیں کیا کہ کچھ فضا ہی نہیں
ساقیا باغ میں گھٹا ہی نہیں
امیر مینائی

 

[سیما علی]

کسی کسی کو خدا یہ کمال دیتا ہے
جو اپنے غم کو ہوا میں اچھال دیتا ہے
سلیم اخترؔ

 

[شمشاد]

پھیلتی جائے گی چاروں سمت اک خوش رونقی
ایک موسم میرے اندر سے نکلتا جائے گا
(راجیندر منچندا بانی)

 

[شمشاد]

دنیا کے جو مزے ہیں ہرگز وہ کم نہ ہوں گے
چرچے یوں ہی رہیں گے افسوس ہم نہ ہوں گے
(آغا محمد تقی خان ترقی)

 

[شمشاد]

نہ میں سمجھا نہ آپ آئے کہیں سے
پسینہ پوچھیے اپنی جبیں سے
(انور دہلوی)

 

[شمشاد]

وقت آنے دے دکھا دیں گے تجھے اے آسماں
ہم ابھی سے کیوں بتائیں کیا ہمارے دل میں ہے
(بسمل عظیم آبادی)

 

[شمشاد]

ہم سفر ہو تو کوئی اپنا سا
چاند کے ساتھ چلو گے کب تک
(شہرت بخاری)

 

[سیما علی]

پہلے پہل تو جی نہ لگا پردیس کے ان لوگوں میں
رفتہ رفتہ اپنے ہی گھر سے سارے ناطے ٹوٹے۔۔۔۔
منیر نیازی

 

[سیما علی]

تجھے ہم دوپہر کی دھوپ میں دیکھیں گے اے غنچے
ابھی شبنم کے رونے پر ہنسی معلوم ہوتی ہے

شفیق جون پوری

 

[شمشاد]

غنچہ غنچہ ہنس رہا تھا، پتی پتی رو گیا
پھول والوں کی گلی میں گل تماشا ہو گیا
(علی اکبر ناطق)

 

[شمشاد]

کہاں چراغ جلائیں کہاں گلاب رکھیں
چھتیں تو ملتی ہیں لیکن مکاں نہیں ملتا
(ندا فاضلی)

 

[شمشاد]

اگرچہ روز مرا صبر آزماتا ہے
مگر یہ دریا مجھے تیرنا سکھاتا ہے
(رانا عامر لیاقت)

 

[شمشاد]

تھمتے تھمتے تھمیں گے آنسو
رونا ہے کچھ ہنسی نہیں ہے
(بدھ سنگھ قلندر)

 

[شمشاد]

کوئی ہندو کوئی مسلم کوئی عیسائی ہے
سب نے انسان نہ بننے کی قسم کھائی ہے
(ندا فاضلی)

 

[شمشاد]

جاہل نہ بک سکا نا کبھی مفلسی بکی
عالم بکا، شعور بکا، آگاہی بکی