میرے پسندیدہ اشعار

[شمشاد]

کسی نے حال دل پوچھا تو آنکھیں ہو گئیں پر نم
اب اس سے مختصر روداد دل کہتے تو کیا کہتے
بیتاب اعظمی

 

[محمل ابراہیم]

محمل کیا یہ آپ کا اپنا کلام ہے؟ ماشاء اللہ، بہت اچھے اشعار ہیں۔

پسندیدگی پر شکریہ قبول کریں۔۔

یُونہی آپ لوگ کے اشعار دیکھ کر تكبندی کرنے کا جی چاہا تھا۔۔۔۔ امتحان ہونے کے باعث کافی دنوں سے محفل میں حاضری نہیں دی تھی

 

[شمشاد]

پسندیدگی پر شکریہ قبول کریں۔۔

یُونہی آپ لوگ کے اشعار دیکھ کر تكبندی کرنے کا جی چاہا تھا۔۔۔۔ امتحان ہونے کے باعث کافی دنوں سے محفل میں حاضری نہیں دی تھی

کوشش جاری رکھیں اور اردو محفل اساتذہ سے اصلاح لیتی رہیں۔

 

[شمشاد]

بھولے ہیں رفتہ رفتہ انہیں مدتوں میں ہم
قسطوں میں خودکشی کا مزا ہم سے پوچھئے
(خمار بارہ بنکوی)

 

[محمل ابراہیم]

کوشش جاری رکھیں اور اردو محفل اساتذہ سے اصلاح لیتی رہیں۔

جی اصلاح و رہنمائی کی غرض سے ہی محفل میں شرکت کی تھی۔

 

[شمشاد]

جی اصلاح و رہنمائی کی غرض سے ہی محفل میں شرکت کی تھی۔

استاد محترم اعجاز عبید صاحب اور محمد خلیل الرحمن صاحب کو مخاطب کر کے پوسٹ کریں اور اصلاح والے زمرے میں پوسٹ کریں۔

 

[محمل ابراہیم]

استاد محترم اعجاز عبید صاحب اور محمد خلیل الرحمن صاحب کو مخاطب کر کے پوسٹ کریں اور اصلاح والے زمرے میں پوسٹ کریں۔

اوہو الف عین سر کا پورا نام اعجاز عبید ہے۔۔۔۔

 

[شمشاد]

اوہو الف عین سر کا پورا نام اعجاز عبید ہے۔۔۔۔

جی ان کا پورا نام اعجاز عبید ہی ہے۔

 

[شمشاد]

تا قیامت شب فرقت میں گزر جائے گی عمر
سات دن ہم پہ بھی بھاری ہیں سحر ہونے تک
(چچا)

 

[شمشاد]

محبت کی تو کوئی حد، کوئی سرحد نہیں ہوتی
ہمارے درمیاں یہ فاصلے، کیسے نکل آئے
(خالد معین)

 

[شمشاد]

انجام کو پہنچوں گا میں انجام سے پہلے
خود میری کہانی بھی سنائے گا کوئی اور
(آنس معین)

 

[شمشاد]

رگوں میں زہر خاموشی اترنے سے ذرا پہلے
بہت تڑپی کوئی آواز مرنے سے ذرا پہلے
(خوشبیر سنگھ شادؔ)

 

[شمشاد]

رونے والے تجھے رونے کا سلیقہ ہی نہیں
اشک پینے کے لیے ہیں کہ بہانے کے لیے
(آنند نرائن ملا)

 

[محمل ابراہیم]

تنگ و تاریک سا حصار ہوں میں
روحِ ارضی ترا مزار ہوں میں

کر سکی میں ادا نہ قرض ترا
زندگی تیری قرضدار ہوں میں

تہمتیں تُجھ پہ ساری ناحق تھیں
سچ تو یہ ہے ستم شعار ہوں میں

بے کلی،بے خودی کا عالم ہے
سب ہیں مدہوش وہ خمار ہوں میں

زندگی بے کلی سے ہے تعبیر
دلِ زندہ ہُوں بے قرار ہوں میں

ہے سحؔر مجھ کو خوفِ تاریکی
صرف سورج کی پاسدار ہوں میں

 

[شمشاد]

اچھی غزل ہے۔ بہتر آرا تو اساتذہ کرام ہی دے سکتے ہیں۔ آپ کو چاہیے تھا، کہ اسے "آپ کی شاعری" والے زمرے میں پوسٹ کرتیں اور اُن کی اصلاح لیتیں۔

محمل ابراہیم مقطع کے دوسرے مصرعے میں "پاسداری" کی بجائے "پاسدار" ہونا چاہیے۔ آپ کا کیا خیال ہے؟

 

[شمشاد]

کچھ نہ پوچھو فراقؔ عہد شباب
رات ہے نیند ہے کہانی ہے
فراق گورکھپوری

 

[شمشاد]

اتنا تو جذب عشق نے بارے اثر کیا
اس کو بھی اب ملال ہے میرے ملال کا
مرزارضا برق ؔ

 

[شمشاد]

بہتر تو ہے یہی کہ نہ دنیا سے دل لگے
پر کیا کریں جو کام نہ بے دل لگی چلے
شیخ ابراہیم ذوقؔ

 

[شمشاد]

عذر آنے میں بھی ہے اور بلاتے بھی نہیں
باعث ترک ملاقات بتاتے بھی نہیں
داغؔ دہلوی

 

[شمشاد]

نقش الفت مٹ گیا تو داغ لفت ہیں بہت
شکر کر اے دل کہ تیرے گھر کی دولت گھر میں ہے
جوشؔ ملسیانی