میرے پسندیدہ اشعار

[مومن فرحین]

وہ مجھے دیکھتا رہے اور میں
دیکھنا دیکھتا رہوں اس کا

 

[مومن فرحین]

چاہے کوئی جیسا بھی ہمسفر ہو صدیوں سے
راستہ بدلنے میں دیر کتنی لگتی ہے

فرحت عبّاس

 

[سیما علی]

کانپ اٹھتی ہوں میں یہ سوچ کے تنہائی میں
مرے چہرے پہ ترا نام نہ پڑھ لے کوئی

پروین شاکر

 

[سیما علی]

ایک لمحے کی توجہ نہیں حاصل اس کی
اور یہ دل کہ اسے حد سے سوا چاہتا ہے

پروین شاکر

 

[سیما علی]

پہچان اپنی ہو تو ملے منزل مراد
ناہید گاہے گاہے سہی، آئینہ تو دیکھ

کشور ناہید

 

[سیما علی]

آتا نہیں ہے خواب میں بھی یاراب تلک
ہیں منتظرکی دیدئہ بیداراب تلک۔۔۔۔۔۔

سب میکدہ میں مست ہیں پر ایک تجھ سوا
دیکھا نہ ایسے دورمنہشیار۔ ۔ اب تلک

لطف النساء امتیاز

 

[سیما علی]

روندے ہے نقشِ پا کی طرح خلق ياں مجھے
اے عمررفتہ چھوڑ گئی تو کہاں مجھے
میر درد

 

[سیما علی]

رندِخراب حال کو زاہد نہ چھیڑ تو
تجھ کو پرائی کیا پڑی اپنی نبیڑ تو
ابراہیم ذوق

 

[سیما علی]

دیکھے جاتے نہ تھے آنسو مرے جس سے محسن
آج ہنستے ہوئے دیکھا اسے اغیار کے بیچ
محسن نقوی

 

[سیما علی]

قتل چھپتے تھے کبھی سنگ کی دیوار کے بیچ
اب تو کھلنے لگے مقتل بھرے بازار کے بیچ

محسن نقوی

 

[شمشاد]

گھر سے نکل کر جاتا ہوں میں روز کہاں
اک دن اپنا پیچھا کر کے دیکھا جائے
بھارت بھوشن پنت

 

[شمشاد]

گر ہو شراب و خلوت و محبوب خوب رو
زاہد قسم ہے تجھ کو جو تُو ہو تو کیا کرے
(مرزا سودا)

 

[سیما علی]

اِک جبر لالہ زار کا، آنکھوں میں ہے صَباؔ
دیکھا کئے ہیں خُون اُبلتا زمِیں سے ہم

صباؔ اکبر آبادی

 

[شمشاد]

دعا کو ہات اٹھاتے ہوئے لرزتا ہوں
کبھی دعا نہیں مانگی تھی ماں کے ہوتے ہوئے
افتخار عارف

 

[سیما علی]

عالؔی اب کے کٹھن پڑا دیوالی کا تیوہار
ہم تو گئے تھے چھیلا بن کر بھیا کہہ گئی نار

جمیل الدین عالی

 

[سیما علی]

گھنی گھنی یہ پلکیں تری یہ گرماتا روپ
تو ہی بتا او نار میں تجھ کو چھاؤں کہوں یا دھوپ

جمیل الدین عالی

 

[سیما علی]

سات سروں کے سات ستارے سات ہی جن کے رنگ
سب جھلکیں اک سرگم میں پر اپنے اپنے ڈھنگ

جمیل الدین عالی

 

[شمشاد]

گو واں نہیں پہ واں کے نکالے ہوئے تو ہیں
کعبہ سے بھی ان بتوں کو نسبت ہے دور کی
(چچا)

 

[سیما علی]

گر وہاں نہیں، وہاں کے نکالے ہوئے تو ہیں
کعبہ سے بھی ان بتوں کو نسبت ہے دور کی

بہت خوب۔۔۔

 

[عطاء اللہ جیلانی]

‏سہتا رہا جفائے دوست کہتا رہا ادائے دوست
میرے خلوص نے مرا جینا محال کر دیا

فنا نظامی کانپوری