میرے پسندیدہ اشعار

[محمل ابراہیم]

خرد نے کہہ بھی دیا لا الہ تو کیا حاصل
دل و نگاہ مسلماں نہیں تو کچھ بھی نہیں

 

[محمل ابراہیم]

ٹوٹے ہوئے دِلوں کو کبھی جوڑ کر تو دیکھو
نیکی یہ مختصر ہے مگر ہج سے کم نہیں

 

[مومن فرحین]

ہم نے روتی ہوئی آنکھوں کو ہنسایا ہے عدم
اس سے بہتر تو عبادت نہیں ہوتی ہم سے

 

[شمشاد]

کون انگڑائی لے رہا ہے عدمؔ
دو جہاں لڑکھڑائے جاتے ہیں
(عبد الحمید عدم)

 

[مومن فرحین]

شوخ ہو جاتی ہے اب بھی تیری آنکھوں کی چمک
گاہے گاہے تیرے دلچسپ جوابوں کی طرح

پروین شاکر

 

[شمشاد]

خواب کی طرح بکھر جانے کو جی چاہتا ہے
ایسی تنہائی کہ مر جانے کو جی چاہتا ہے
(افتخار عارف)

 

[مومن فرحین]

بھیڑ میں کھویا ہُوا بچہ تھا
اُس نے خود کو ابھی ڈھونڈا کہ نہیں !
گنگناتے ہوئے لمحوں میں اُسے
دھیان میرا کبھی آیا کہ نہیں !
بند کمرے میں کبھی میری طرح
شام کے وقت وہ رویا کہ نہیں !

پروین شاکر

 

[شمشاد]

تھکن تو اگلے سفر کے لیے بہانہ تھا
اسے تو یوں بھی کسی اور سمت جانا تھا
(افتخار عارف)

 

[مومن فرحین]

ہمیں تھے جو ترے آنے تلک جلے ورنہ
سبھی چراغ سر رہگزر نہ تھے ایسے
دل تباہ تجھے اور کیا تسلی دیں
ترے نصیب ترے چارہ گر نہ تھے ایسے
احمد فراز

 

[مومن فرحین]

تجھے خبر ہی نہیں کیا ہے انتظار کا دکھ
میں تیرے پاس کبھی دیر سے گیا ہی نہیں

 

[شمشاد]

وہ آ رہے ہیں وہ آتے ہیں آ رہے ہوں گے
شب فراق یہ کہہ کر گزار دی ہم نے
(فیض احمد فیض)

 

[مومن فرحین]

ہم تو کچھ اور ہی ارمان لئے بیٹھے تھے
آپ کی بات شکایات سے آگے نہ بڑھی

 

[شمشاد]

رونق بزم بن گئے لب پہ حکایتیں رہیں
دل میں شکایتیں رہیں لب نہ مگر ہلا سکے
(حفیظ جالندھری)

 

[مومن فرحین]

ادھر سے بھی سوا ہے کچھ ادھر کی مجبوری
کہ ہم۔ نے آہ تو کی ان سے آہ بھی نہ ہوئی

 

[شمشاد]

نادانی اور مجبوری میں یارو کچھ تو فرق کرو
اک بے بس انسان کرے کیا ٹوٹ کے دل آ جائے تو
(عندلیب شادانی)

 

[مومن فرحین]

تیرے خیال سے دامن بچا کے دیکھا ہے
دل و نظر کو بہت آزما کے دیکھا ہے
نشاط جاں کی قسم تو نہیں تو کچھ بھی نہیں
بہت دنوں تجھے ہم نے بھلا کے دیکھا ہے

 

[شمشاد]

دل دھڑکنے کا سبب یاد آیا
وہ تری یاد تھی اب یاد آیا

آج مشکل تھا سنبھلنا اے دوست
تو مصیبت میں عجب یاد آیا
(ناصر کاظمی)

 

[مومن فرحین]

کس شوق کس تمنا کس درجہ سادگی سے
ہم آپ کی شکایت کرتے ہیں آپ ہی سے

شکیل بدایونی

 

[مومن فرحین]

حال دل احوال غم شرح تمنا عرض شوق
بے خودی میں کہہ گئے افسانہ در افسانہ ہم

شکیل بدایونی

 

[شمشاد]

گر زندگی میں مل گئے پھر اتفاق سے
پوچھیں گے اپنا حال تری بے بسی سے ہم

اللہ رے فریب مشیت کہ آج تک
دنیا کے ظلم سہتے رہے خامشی سے ہم
(ساحر لدھیانوی)