میرے پسندیدہ اشعار

[سیما علی]

یہ کیا کہ اِک جہاں کو کرو وقفِ اضطراب
‏یہ کیا کہ ایک دل کو شکیبا نہ کر سکو
‏صوفی غلام مصطفٰی تبسم

 

[گُلِ یاسمیں]

کبھی اف ،کبھی ہائے ،کبھی فریاد کرتے ہیں
خدایا وہ کیوں نہیں ملتے جنہیں ہم یاد کرتے ہیں

سرگوشی

سیما علی آپا کیسا لگا

 

[یاسر شاہ]

چلو بادِ بہاری جا رہی ہے
پِیا جی کی سواری جا رہی ہے

جون ایلیا

 

[گُلِ یاسمیں]

درد دل بھی غم دوراں کے برابر سے اٹھا
آگ صحرا میں لگی، اور دھواں گھر سے اٹھا

( مصطفی زیدی)

 

[سیما علی]

تو ہے ست رنگی دھنک اور میں گلی کوچوں کی گرد
‏تو کہاں بارش سے.پہلے ، میں کہاں بارش کے بعد

‏عباس تابش

 

[سیما علی]

ٹھہری ٹھہری ہوئی طبیعت میں روانی آئی
‏آج پھر یاد محبت کی کہانی آئی

‏آج پھر نیند کو آنکھوں سے بچھڑتے دیکھا
‏آج پھر یاد کوئی چوٹ پرانی آئی

‏مدّتوں بعد چلا اُن پہ ہمارا جادو
‏مدّتوں بعد ہمیں بات بنانی آئی

‏مدّتوں بعد پشیماں ہوا دریا ہم سے
‏مدّتوں بعد ہمیں پیاس چُھپانی آئی

 

[سیما علی]

کِسی بَدبخت سے جب دِل کا دِیا بھی نہ جَلے
‏آسمانوں سے اُترتے ہیں اندھیرے کیا کیا

‏احمد ندیم قاسمی

 

[سیما علی]

تُجھ پر بھی فسُوں دہر کا چَل جائے گا آخر
‏دُنیا کی طرح تُو بھی بَدل جائے گا آخر

‏پھیلی ہے ہر اِک سمت حَوادث کی کَڑی دُھوپ
‏پتّھر ہی سہی، وہ بھی، پِگھل جائے گا آخر

‏اے میرے بدن، رُوح کی دولت پہ نہ اِترا
‏یہ تِیر بھی ترکَش سے نِکل جائے گا آخر

‏محسن نقوی

 

[سیما علی]

اِس مصیبت کا، نہ ہے کوئی مداوا نہ علاج
‏کیا بُرا روگ ہے دل دے کے پریشاں ہونا

‏سیماب اکبرآبادی

 

[سیما علی]

پُھول گوُندھے جائیں گے اِن غُبار زُلفوں میں
‏ان اُداس چہروں پر اب جمال جاگیں گے

‏احمد ندیم قاسمی

 

[سیما علی]

لوگ اچھے ہیں بہت دل میں اتر جاتے ہیں
‏اک برائی ہے تو بس یہ ہے کہ مر جاتے ہیں

‏رئیس فروغ

 

[سیما علی]

جس کی جانب سے زمانہ ہوا نامہ نہ پیام
‏یہ غزل بھی اُسی زود فراموش کے نام

‏اُس کی قربت کے سمے اُس کی محبت کے نشے
‏اِتنے شیریں بھی نہ تھے جتنی ہے یادِ ایام
‏احمد فراز

 

[سیما علی]

یہ ترے حسن سے لپٹی ہوئی آلام کی گرد
‏اپنی دو روزہ جوانی کی شکستوں کا شمار

‏چاندنی راتوں کا بے کار دہکتا ہوا درد
‏دل کی بے سود تڑپ، جسم کی مایوس پکار

‏فیض احمد فیض

 

[سیما علی]

اس رستے میں پیچھے سے اتنی آوازیں آئیں جمال
‏ایک جگہ تو گھوم کے رہ گئی ایڑھی سیدھے پاؤں کی
‏جمال احسانی

 

[سیما علی]

اپنے ماضی کے گھنے جنگل میں
‏مجھ کو سوجھی ہے نئی راہ فرار

‏احمد ندیم قاسمی

 

[سیما علی]

عشق میں غیرتِ جذبات نے رونے نہ دیا
‏ورنہ کیا بات تھی کس بات نے رونے نہ دیا

‏آپ کہتے تھے کہ رونے سے نہ بدلیں گے نصیب
‏عُمر بھر آپ کی اس بات نے رونے نہ دیا

‏رونے والوں سے کہو اُن کا بھی رونا رو لیں
‏جن کو مجبورئ حالات نے رونے نہ دیا

‏سدھرشن فاکر

 

[یاسر شاہ]

یا قافلہ در قافلہ ان رستوں میں تھے لوگ
یا ایسے گئے یاں سے کہ پھر کھوج نہ پایا
میر تقی میر

 

[یاسر شاہ]

تھا ناز بہت ہم کو دانست پر اپنی بھی
آخر وہ برا نکلا ہم جس کو بھلا جانا
میر تقی میر

 

[گُلِ یاسمیں]

یادوں کے اضطراب نے ریکھائیں کھینچ دیں
ورنہ میرے سکون کا کاغذ سفید تھا

 

[گُلِ یاسمیں]

نگاہیں بولتی ہیں بے تحاشہ
محبت پاگلوں کی گفتگو ہے