میری کتاب کی پروف ریڈینگ کرنے کا کام جویریہ نے قبول کرلیا ہے

تفسیر نے 'برقیانے کیلئے کتب کی فرمائش' کی ذیل میں اس موضوع کا آغاز کیا، ‏اگست 22, 2006

  1. تفسیر

    تفسیر محفلین

    مراسلے:
    3,088
    میری کتاب " پختون کی بیٹی" کی پروف ریڈینگ کرنے کا کام جویریہ صاحبہ نے قبول کر لیا ہے۔

    یہ کتاب صوبہ سرحد کے اخلاقی ، سماجی اور معاشرتی اصولوں کاجائزہ لیتی ہے اور ان سے متعلق کچھ نئےخیالات کا اظہار کرتی ہے ۔ یہ میری خوش قسمتی ہے کہ اس محفل میں نہ صرف جویریہ موجود ہیں بلکہ وہ لائبریری کی ٹیم کی ممبر بھی ہیں۔اردو اور پشتو زبان کے ساتھ ساتھ ان کواردو اور پشتواد ب پر بھی مہارت حاصل ہے۔ میرے لئے اُن کی عِلمیت کے علاوہ اُن کا ' پختون کی بیٹی ' ہونا بھی باعث فخر ہے۔

    انہوں نے باب اوّل گُل و بُلبُل کے چار حصوں [ گل ، سکینہ ، خان ، حدود ارڈینینس ] کی پروف ریڈینگ مکمل کرلی ہے۔ وہ صرف پروف ریڈر ہی نہیں ہیں بلکہ خود کو اس کتاب کی اڈیٹر بھی بنالیا ہے ۔ اب تک انہوں نےاپنی علمیت اور ریسریچ کی بنا پر میری کئ تاریخی غلطیوں کی نشاندہی کی ہے ۔ اُنہیں میری کتاب کو ریڈ لائن کرنے میں بہت مزا آتا ہے۔ جب وہ پروف ریڈ کئے ہوئے صفحات واپس بھیجتی ہیں تو مجھے ہرطرف لال ھی لال رنگ نظر آتا ھے۔ شاید لال ان کا پسندیدہ رنگ ھوگا۔

    میراخیال ہے کہ پروف ریڈینگ کی تکمیل کے بعد اس کتاب کے مصنف کا نام سید تفسیر احمد کے بجائے مصنفہ جویریہ معسود ہوناچاہیے۔

    ہنسی مذاق علیحدہ ، میں اُن کا بہت احسان مند اور شکرگزار ہوں
     
  2. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    واہ۔ یہ بہت عمدہ کام ہو گیا ہے تفسیر بھیا۔ بہت بہت مبارکباد اور بہت بہت شکریہ جیہ
     
  3. سیدہ شگفتہ

    سیدہ شگفتہ لائبریرین

    مراسلے:
    29,439
    السلام علیکم

    تفسیر صاحب یہ تو بہت اچھی خبر سنائی ہے آپ نے۔ اور جویریہ کی کیا بات ہے جویریہ تو بس کام ہی ایسے کرتی ہیں اچھے اچھے کہ الفاظ کم پڑ جاتے ہیں۔

    تفسیر صاحب، لال رنگ کی بات آپ نے خوب کہی ، دلچسپ
     
  4. جیہ

    جیہ لائبریرین

    مراسلے:
    15,072
    جھنڈا:
    Pakistan
    موڈ:
    Blah
    السلام علیکم
    تفسیر صاحب نے کچھ زیادہ ہی لکھ دیا۔ معلومات کو علمیت نہیں کہتے۔ بہر حال شکریہ تفسیر صاحب۔
    جہاں تک آپ کی یہ بات کہ میں ایڈیٹر بن گئ ہوں تو میری کیا مجال کہ میں یہ جسارت کروں۔ ہاں یہ ہے بعض چیزوں میں غلطی کی گنجائش نہیں ہوتی۔ اب دیکھیں نا جو لڑکی (روزا) 1913 میں پیدا ہوئ ہوں وہ 1900 میں کیسے تحریک چلاسکتی ہے۔ یا آپ یوسفزیوں کو سوات سے نکال کر خیبر میں بسایئں گے تو بحیثیت ایک یوسف زئ پختون میرا فرض ہے کہ میں اصلاح کردوں۔ آپ کے 3 سطروں کے لیے(جن میں مختلف علاقوں اور قبائل کا ذکر ہے) مجھے 3 دن میں 6 کتابوں کو دیکھنا پڑا۔ تب جاکر اصلاح کرسکی۔ اور پتہ چلا کہ آپ نے اورمڑ کو عرمر اور طوری کو توریس لکھا ہے۔۔۔۔
    جہاں تک لال رنگ کی بات ہے تو وہ میرا نہیں MS Word والوں کا پسندیدہ رنگ ہے۔ کیوں کہ reviewing میں جس لفظ میں تبدیلی کی جائے وہ لال ہو جاتا ہے۔ اور جس لفظ کو مٹایا جائے وہ بھی لال ہوجاتا ہے مگر سٹرائک آوٹ کے ساتھ۔

    اور میں مصنفہ بھی نہیں بن سکتی میں تو خود سے ایک پیراگراف بھی نہیں لکھ سکتی۔

    شگفتہ بہن آپ نے کچھ مبالغہ آمیزی سے کام نہیں لیا؟؟
    :lol:
     
  5. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    بہت خوب جیہ۔ یعنی تفسیر بھائی نے تاریخی غلطیاں‌کی ہیں :D
     
  6. تفسیر

    تفسیر محفلین

    مراسلے:
    3,088
    تفسیر صاحب نے کچھ زیادہ ہی لکھ دیا۔ معلومات کو علمیت نہیں کہتے۔ بہر حال شکریہ تفسیر صاحب۔ (جویریہ)


    میں صرف ایک بات پر تبصرہ کروں باقی پر نہیں۔ :lol:

    سچ کہتا ہوں کہ جھوٹ کی عادت نہیں مجھے۔:cry: :

    “ معلومات اور علمیت میں فرق “

    حوالہ ۔صفحہ 53 - پختوں کی بیٹی- تحریر سید تفسیراحمد

    ---- شروع ----------

    ۔سعدیہ بیٹا تم تعلیم حاصل کررہی ہو“۔ اباجان نے کہا۔

    سعدیہ نے کہا۔” جی جی“۔

    ” تم مجھے بتاو کہ تم مکمل تعلیم سے کیا مطلب سمجھتی ہو؟۔“

    سعدیہ اس سوال کے لئے تیار نہیں تھی۔اس نے ہڑبڑا کر کہا۔ ” علم کو حاصل کرنا او ر کسی ہنر کو سیکھنا “۔

    اباجان نے مجھ سے کہا۔ ”سعدیہ نے کہا۔ علم کو حاصل کرنا۔ تم اسکا کیا مطلب سمجھے؟“

    ” علم کو جاننا“۔ میں نے کہا۔

    ” علم کو جاننا اور سمجھنا دو مختلف درجہ ہیں۔ علم کو بغیر جانے ، سمجھا نہیں جاسکتا اور علم کوبغیرسمجھےاسکا استعمال مشکل ہے“۔ اباجان نے کہا

    ” تعلیم اور’ تعلیم کُلیت‘ میں امتیاز کرنا چاہیے ؟ ” سعدیہ نے کہا۔

    ” ہاں“۔ سعدیہ سمجھ گئ۔ اباجان نے مسکرا کر کہا۔

    اباجان نے کہا ۔” سعدیہ کا جواب اچھا ہے۔ تعلیم یافتہ کہلانے کے لئے تین درجوں سےگزر نا پڑتاہے“

    ” وہ درجے کیا ہیں ابا جان؟“۔ میں نے حیرت سے پوچھا۔ میرے خیال میں سعدیہ کا پہلا جواب مکمل تھا۔

    ایک تعلیم کا حصول ، دوسرے تعلیم کا سمجھنا ، اور تیسرے تعلیم کا استعمال“۔جب تک آپ تعلیم کو استعمال نہ کریں تعلیم پوری نہیں ہوتی“۔

    ” ایک قسم تعلیم عامہ کہلاتی ہے اور دوسری قسم تعلیم خصوصہ“۔

    تعلیم عامہ سے مراد ’ تعلیم کا حصول اوراس کوسمجھنا ‘ ہے۔ مثال کےطور پر پروفیسرتعلیم عامہ کے ماہر ہوتے ہیں۔ وہ تعلیم کو پیش کرتے ہیں۔ تعلیم کا استعمال، صحیح معنی میں دولت کو کمانےمیں نہیں کرتے۔

    تعلیم خصوصہ سے مراد ’ تعلیم کا استعمال‘ کسی مقصد کو حاصل کرنے میں۔ مثال ، صنعت کار اس تعلیم سے دولت کماتا ہے۔

    اباجان نے کہا۔ ” تعلیم صرف ایک صورتِ امکانی ہے۔ یہ اُس وقت ایک قوت بنتی ہے جب اس کو مقصد کے حصول کے لئے منظم کیا جاتا ہے اوراس کارُخ مقررخاتمہ کی طرف کیا جائے۔ سینکڑوں لوگ یہ سمجھتے ہیں کہ اگر کوئ شخص اسکول نہ جائے تو وہ تعلیم یا فتہ نہیں ہے۔ ایجوکیشن ایک اٹالین لفظ ’ ایڈوکو‘ سے بنی ہے۔ جس کے معنی’ اندر سے ابھرنا ، انکشاف کرنا ‘۔ ضر وری نہیں کے تعلیم یافتہ شخص وہ ہے جس کے پاس تعلیم عامہ یا تعلیم خصوصہ کی بہتاب ہے تعلیم یافتہ شخص وہ ہے جس نے اپنے ذہن کو تربیت دی ہے ۔ تعلیم یافتہ شخص بغیر کسی کا حق مارے ہرا س چیز کو حاصل کرلیتا ہے جو اس کو پسند ہے“۔

    -------- ختم -------------
     
  7. تفسیر

    تفسیر محفلین

    مراسلے:
    3,088
    صحیح ۔۔۔۔ سب غلط
    ۔۔۔ :lol: :lol: :lol:
    آپ خود پڑھ کر فیصلہ کرلیں کہ میں غلط ہوں یا جویریہ صحیح ہیں :p :p :p
     
  8. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    تاریخی غلطی سے مراد یہ ہے کہ تاریخوں‌ کی غلطی :)
     
  9. ظفری

    ظفری لائبریرین

    مراسلے:
    11,808
    جھنڈا:
    UnitedStates
    موڈ:
    Question
    میں نے جب پہلے پہل دھاگے کا عنوان دیکھا تو ایسا لگا کہ محترم تفسیر صاحب نے لکھا ہو کہ “ جویریہ نے اسلام قبول کر لیا ہے “ ۔۔۔( جویریہ سے معذرت کے ساتھ ) میں دھک سا رہ گیا کہ یہ کیسے ممکن ہے کہ وہ تو الحمداللہ پہلے ہی سے مسلمان ہیں ۔ بعد میں غور کیا تو بات سمجھ آئی ۔ :lol:
     
  10. جیہ

    جیہ لائبریرین

    مراسلے:
    15,072
    جھنڈا:
    Pakistan
    موڈ:
    Blah
    تفسیر صاحب نہایت احترام کے ساتھ غالب کو بیچ میں لا رہی ہوں۔۔۔

    آگہی دامِ شنیدن جس قدر چاہے بچھائے
    مدعا عنقا ہے اپنے عالم تقریر کا

    اب آپ غالب کا یہ شعر نہ لکھیں۔۔۔۔

    یارب وہ سمجھے ہیں نہ سمجھیں گے میری بات
    دے اور دل ان کو جو نہ دے مجھ کو زبان اور :lol:
     
  11. جیہ

    جیہ لائبریرین

    مراسلے:
    15,072
    جھنڈا:
    Pakistan
    موڈ:
    Blah
    ظفری صاحب کاش میں اس آیت کے منشا کے مطابق پوری مسلمان ہوتی ۔۔۔۔ اُدخلو فی السلمِ کافّہ۔۔۔ اسلام میں پورے کے پورے داخل ہو۔۔۔

    غالب نے خود کو آدھا مسلمان کہا تھا کہ شراب پیتا تھا سؤر نہیں کھاتا تھا۔۔۔ مگر میں تو آدھا مسلمان ہونے کا بھی دعوہ نہیں کرسکتی۔۔۔ :cry:
     
  12. ظفری

    ظفری لائبریرین

    مراسلے:
    11,808
    جھنڈا:
    UnitedStates
    موڈ:
    Question
    ارے ۔۔ ارے وہ کیوں ۔۔۔ آپ کیوں دعویٰ نہیں کر سکتیں ۔۔۔ کہیں آپ ۔۔۔۔۔ ؟؟؟؟؟‌ :shock:
    (صرف مذاق ۔۔۔ برا نہیں ماننا ہاں ۔۔ ورنہ میں بُرا مان جاؤنگا ) :wink:
     
  13. تفسیر

    تفسیر محفلین

    مراسلے:
    3,088

    چلئے نہیں لکھتا۔۔۔۔ :eek:

    میں عدم سے بھی پرے ہوں ورنہ غافل بارہا
    میری آہء آتشیں سے بالِ عنقا جل گیا ​



    :lol:
     
  14. جیہ

    جیہ لائبریرین

    مراسلے:
    15,072
    جھنڈا:
    Pakistan
    موڈ:
    Blah
    اچھا جی۔ میں محفل والوں کو ناراض کرنا افورڈ نہیں کرسکتی نااا :lol:
     
  15. تفسیر

    تفسیر محفلین

    مراسلے:
    3,088

    میرے کمپیوٹر کا کیلنڈر غلط تھا۔ کیا یہ بہانہ چلےگا؟
    کسی وجہ سے 56 سال پیچھے ہوگیا۔ :evil:
    :lol: :lol: :lol: :lol:
     
  16. سیدہ شگفتہ

    سیدہ شگفتہ لائبریرین

    مراسلے:
    29,439
    جویریہ، مبالغہ آرائی بالکل بھی نہیں کیونکہ پروف ریڈنگ بہت دقیق اور ذمہ داری کا کام ہے ۔
     
  17. الف نظامی

    الف نظامی لائبریرین

    مراسلے:
    16,492
    جھنڈا:
    Pakistan
    موڈ:
    Amused
    پروف ریڈنگ کا اردو ترجمہ “پروف خوانی“ کیسا ہے
     
  18. جیہ

    جیہ لائبریرین

    مراسلے:
    15,072
    جھنڈا:
    Pakistan
    موڈ:
    Blah
    مگر پروف کا ترجمہ۔۔۔

    تصحیحِ کتابت“ کیسا رہے گا؟
     
  19. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    تصحیح کتابت بہتر رہے گا۔ میں نے اصلاح کتابت سوچا تھا، پر اصلاح سے بات کہیں اور چلی جائے گی
     

اس صفحے کی تشہیر