میری پسند

[حسرت جاوید]

آپ کے ساتھ مسکرانے میں
زندگی ایک پھول ہوتی ہے

ضیا الدین احمد شکیب

 

[حسرت جاوید]

صبر آ جائے اس کی کیا اُمید
میں وہی، دل وہی ہے، تو ہے وہی

جلیل مانک پوری

 

[حسرت جاوید]

میں خود پہ ضبط کھوتی جا رہی ہوں
جدائی کیا ستم آلود شے ہے

سیدہ عرشیہ حق

 

[عبدالقدیر 786]

میں مطلب کسی اور کو اِس کی اجازت نہ ہوگی؟

 

[حسرت جاوید]

اک تری بات کہ جس بات کی تردید محال
اک مرا خواب کہ جس خواب کی تعبیر نہیں

مبارک عظیم آبادی

 

[حسرت جاوید]

ہم اپنے آپ طالب، مطلوب آپ ہم ہیں
اس کھیل میں ہمیشہ ہم خود کو ہارتے ہیں

یاسین علی خاں مرکز

 

[حسرت جاوید]

نہ ہم سفر نہ کسی ہم نشیں سے نکلے گا
ہمارے پاؤں کا کانٹا ہمی سے نکلے گا

راحت اندوری

 

[حسرت جاوید]

مسافر ہی مسافر ہر طرف ہیں
مگر ہر شخص تنہا جا رہا ہے

احمد ندیم قاسمی

 

[حسرت جاوید]

میں نے پایا نہ اسے شہر میں نہ صحرا میں
تو نے لے جا کے مرے دل کو کہاں چھوڑ دیا

میر حسن

 

[حسرت جاوید]

اس عالمِ ویراں میں کیا انجمن آرائی
دو روز کی محفل ہے اِک عمر کی تنہائی

صوفی تبسم

 

[حسرت جاوید]

ناموں کا اک ہجوم سہی میرے آس پاس
دل سن کے ایک نام دھڑکتا ضرور ہے

ساقی فاروقی

 

[حسرت جاوید]

تمام جسم کی عریانیاں تھیں آنکھوں میں
وہ میری روح میں اترا حجاب پہنے ہوئے

ساقی فاروقی

 

[سیما علی]

غم اپنے ہی اشکوں کا خریدا ہوا ہے
دل اپنی ہی حالت کا تماشائی ہے دیکھو

زہرہ نگاہ

 

[سیما علی]

کیسی اچھی بات ہے زہرہؔ تیرا نام
بچے اپنے بچوں کو بتلاتے ہیں

زہرہ نگاہ

 

[سیما علی]

وہ ہاتھ جن پہ ہو نفرت کا زنگ صدیوں سے
وہ ہاتھ لوہے کی دیوار کاٹ دیتے ہیں

(زہرا نگاہ)

 

[سیما علی]

اب اپنے آپ سے بھی چُھپ گئی ہے
وہ لڑکی جو سب کو جانتی تھی

سحر آغاز، شب اتمامِ حجت
عجب زہرا کی وضعِ زندگی تھی

۔۔۔زہرا نگاہ

 

[سیما علی]

ثواب کی دعاؤں نے گناہ کر دیا مُجھے
بڑی ادا سے وقت نے تباہ کر دیا مجھ

ثروت زہرا

 

[سیما علی]

ہم اپنی غزل کو ہی سجاتے رہے راحتؔ
آئینہ کبھی ہم نے سنور کر نہیں دیکھا

حمیرا راحت

 

[سیما علی]

اتنی سی، زندگی میں ریاضت نہ ہو سکی
اک غم کو بھول جانے کی عادت نہ ہو سکی

محمود غزنوی

 

[حسرت جاوید]

لفظوں کی دسترس میں مکمل نہیں ہوں میں
لکھی ہوئی کتاب کے باہر بھی سن مجھے

احمد شناس