میری پسند

[حسرت جاوید]

بہت سکون سے رہتے تھے ہم اندھیرے میں
فساد پیدا ہوا روشنی کے آنے سے

عالم خورشید

 

[حسرت جاوید]

پھر مری آس بڑھا کر مجھے مایوس نہ کر
حاصلِ غم کو خدا را غمِ حاصل نہ بنا

حمایت علی شاعر

 

[حسرت جاوید]

گہرے سمندروں میں اترنے کی لے کے آس
بیٹھے ہوئے ہیں ایک کنارے ہمارے خواب

علینا عترت

 

[سیما علی]

حیرت غرور ِحسن سے شوخی سے اضطراب
دل نے بھی تیرے سیکھ لیے ہیں چلن تمام

 

[سیما علی]

ساتھ دینے کی تو سب بات کیا کرتے ہیں
تم مگر ساتھ بنھاؤ تو بات بنے

 

[سیما علی]

جو رگِ جان تھا کبھی ملتا ہے اب رُخ پھیر کر
سوچتا ہوں اس قدر وہ بیوفا کیسے ہوا

 

[حسرت جاوید]

اس نے چھو کر مجھے پتھر سے پھر انسان کیا
مدتوں بعد مری آنکھوں میں آنسو آئے

بشیر بدر

 

[سیما علی]

میرے صبر پر کوئی اجر کیا، میری دوپہر پہ یہ ابر کیوں
مجھے اوڑھنے دے اذیتیں ،میری عادتیں نہ خراب کر

 

[سیما علی]

ظلم یہ ہے کہ یکتا ہے تری بیگانہ روی
لطف یہ ہے کہ اب تک تجھے اپنا سمجھوں

(احمد ندیم قاسمی)

 

[سیما علی]

تو چو خود کنی اخترِ خویش را بد
مدار از فلک چشم نیک‌اختری را
(ناصر خسرو)

 

[سیما علی]

محبت میں نہیں ہے قید ملنے کی ،یا بچھڑنے کی
یہ ان خود غرض باتوں سے بہت آگے کی دنیا ہے

 

[سیما علی]

اے جنونِ عشق تیری کون سی منزل ہے یہ
ہوش میں آتے ہیں اب ہم،ہوش اُڑ جانے کے بعد
(اقبال اشعر)

 

[حسرت جاوید]

اٹھا لایا ہوں سارے خواب اپنے
تری یادوں کے بوسیدہ مکاں سے

رسا چغتائی

 

[حسرت جاوید]

جو رگِ جان تھا کبھی ملتا ہے اب رُخ پھیر کر
سوچتا ہوں اس قدر وہ بیوفا کیسے ہوا

الزامِ بے وفائی اُسے دوں میں کس لیے؟
راہِ جدائی میں جو ہمہ دم ہے ساتھ ساتھ

حسرت جاوید

 

[حسرت جاوید]

صحرا صحرا غم کے بگولے، بستی بستی درد کی آگ
جینے کا ماحول نہیں ہے لیکن پھر بھی جیتے ہیں

ساغر ساغر زہر گھلا ہے، قطرہ قطرہ قاتل ہے
یہ سب کچھ معلوم ہے لیکن پیاس لگی ہے پیتے ہیں

عامر عثمانی

 

[حسرت جاوید]

مجبوریوں کے نام پہ سب چھوڑنا پڑا
دل توڑنا کٹھن تھا مگر توڑنا پڑا

میری پسند اور تھی سب کی پسند اور
اتنی ذرا سی بات پہ گھر چھوڑنا پڑا

انجم رہبر

 

[حسرت جاوید]

یوں لگے تیرے تذکرہ سے اگر
نام میرا ہٹا دیا جائے

جیسے اک پھول کی کہانی سے
ذکر خوشبو اڑا دیا جائے

وسیم بریلوی

 

[حسرت جاوید]

جوانی کے زمانے یاد آئے
محبت کے فسانے یاد آئے

بھلانے پر بھی ان کی یاد آئی
مجھے وہ ہر بہانے یاد آئے

صوفی تبسم

 

[حسرت جاوید]

سورج کے خداؤں کی یہ کور نگاہی ہے
محلوں میں اجالا ہے، کٹیوں میں سیاہی ہے

محسوس یہ ہوتا ہے یہ دورِ تباہی ہے
شیشے کی عدالت ہے، پتھر کی گواہی ہے

حبیب ہاشمی

 

[حسرت جاوید]

ہر عشق کے منظر میں تھا اک ہجر کا منظر
اک وصل کا منظر کسی منظر میں نہیں تھا

عقیل عباس جعفری