میرے پسندیدہ اشعار

[مومن فرحین]

دل لے کے مجھ سے دیتے ہو داغ جگر مجھے
یہ بات بھولنے کی نہیں عمر بھر مجھے

جگر مراد آبادی

 

[شمشاد خان]

میرے داغِ دل سے ہے روشنی، اسی روشنی سے ہے زندگی
مجھے ڈر ہے اے مرے چارہ گر یہ چراغ تو ہی بجھا نہ دے
(شکیل بدایونی)

 

[مومن فرحین]

ہمیں تھے جو تیرے آنے تلک جلے ورنہ
سبھی چراغ سر رہ گزر نہ تھے ایسے
ملے تو خیر نہ ملنے پہ رنجشیں کیسی
کہ اس سے اپنے مراسم تھے پر نہ تھے ایسے

فراز

 

[شمشاد خان]

میں آرزوئے جاں لکھوں، یا جانِ آرزؤُ
تو ہی بتا دے ناز سے، ایمانِ آرزؤُ

آنسو نکل رہے ہیں تصور میں بن کے پھول
شاداب ہو رہا ہے گلستان آرزؤُ

ایمان و جاں نثار تری اک نگاہ پر
تُو جان آرزو ہے تو ایمان آرزؤُ
(اختر شیرانی)

 

[مومن فرحین]

وہ نام حاصلِ فن ہوکے میرے فن میں رہا
کہ رُوح بن کے مری سوچ کے بدن میں رہا
سکونِ دل کے لیے میں کہاں کہاں نہ گئی
مگر یہ دل، کہ سدا اُس کی انجمن میں رہا

 

[مومن فرحین]

آرزو ہے کہ تو یہاں آئے
اور پھر عمر بھر نہ جائے کہیں

 

[شمشاد خان]

سب یاروں کے ہوتے سوتے ہم کس سے گلے مل کر روتے
کب گلیاں اپنی گلیاں تھیں کب شہر ہمارا اس دن تھا

جب تجھ سے ذرا غافل ٹھہرے ہر یاد نے دل پر دستک دی
جب لب پہ تمہارا نام نہ تھا ہر دکھ نے پکارا اس دن تھا
(احمد فراز)

 

[مومن فرحین]

تم اپنا رنج و غم اپنی پریشانی مجھے دے دو
تمہیں غم کی قسم اس دل کی ویرانی مجھے دے دو

ساحر صاحب

 

[شمشاد خان]

ہمیں پر ختم کیوں ہو داستان خانہ ویرانی
جو گھر صحرا نظر آئے تو اس میں بجلیاں رکھ دو
(زبیر رضوی)

 

[مومن فرحین]

غنچے ھیں گل ہے سبزہ ہے ابر بہار ہے
سب جمع ہو چکے ھیں تیرا انتظار ہے
اے دوست آ بھی جا کہ میں تصدیق کر سکوں
سب کہہ رہے ھیں آج فضا خوشگوار ہے

 

[مومن فرحین]

دیکھ کر اس حسین پیکر کو
نشہ سا آ گیا سمندر کو

ڈولتی ڈگمگاتی سی ناؤ
پی گئی آ کے سارے ساگر کو
(فارغ بخاری)

اک سمندر کے شوق میں رقصاں
ایک دریا کو دربدر دیکھا

 

[شمشاد خان]

یہ رحمت ابدی ہے نہ ہو جو طغیانی
اسی کی بوند میں رقصاں ہے کشف بارانی

گھٹا میں دیکھیے قطروں کی اس کے جولانی
خم شراب پہ جس سے پڑے گھڑوں پانی

یہ کیاریوں میں چمک کر گہر سے جڑتا ہے
بلائے قحط سے یہ بیچ کھیت لڑتا ہے
(نسیم امروہی)

 

[مومن فرحین]

جن کی آنکھیں تجھے تکتی ہیں تجھے چھوتی ہیں
ان کی آنکھوں کو مری عمر لگا دی جائے

 

[خالد محمود چوہدری]

ریختے كےتمہی استاد نہیں ہو غالب
کہتے ہیں اگلے زمانے ميں كوئى مير بھی تھا

 

[شمشاد خان]

عشق وجہ زندگی بھی دشمن جانی بھی ہے
یہ ندی پایاب بھی ہے اور طوفانی بھی ہے
(جواں سندیلوی)

 

[مومن فرحین]

کھلا یہ راز بھی صدیوں کی خاکساری کا
کہ عشق خاک نہ کر دے تو عشق خاک ہوا

 

[شمشاد خان]

بادل کالا، کوئل کالی، اس سے کالی رات ہے
اس سے کالی زلف تری جو ساون کی ہمراز ہے

بیلا گورا، جوہی گوری، اس سے گوری چاندنی
اس سے گورا مکھڑا تیرا جس پہ مجھ کو ناز ہے
(نقش لائلپوری)

 

[مومن فرحین]

کون سی بات ہے تم میں ایسی
اتنے اچھے کیوں لگتے ہو
ہم سے نہ پوچھو ہجر کے قصّے
اپنی کہو اب تم کیسے ہو

 

[شمشاد خان]

اس نے سکوت شب میں بھی اپنا پیام رکھ دیا
ہجر کی رات بام پر ماہ تمام رکھ دیا

آمد دوست کی نوید کوئے وفا میں عام تھی
میں نے بھی اک چراغ سا دل سر شام رکھ دیا
(احمد فراز)

 

[مومن فرحین]

اس نے نظر نظر میں ہی ایسے بھلے سخن کہے
میں نے تو اس کے پاؤں میں سارا کلام رکھ دیا