منیر نیازی میری ساری زندگی کو بے ثمر اس نے کیا

[محسن وقار علی]

میری ساری زندگی کو بے ثمر اس نے کیا
عمر میری تھی مگر اس کو بسر اس نے کیا
میں بہت کمزور تھا اس ملک میں ہجرت کے بعد
پر مجھے اس ملک میں کمزور تر اس نے کیا
راہبر میرا بنا گمراہ کرنے کے لیے
مجھ کو سیدھے راستے سے در بدر اس نے کیا
شہر میں وہ معتبر میری گواہی سے ہوا
پھر مجھے اس شہر میں نامعتبر اس نے کیا
شہر کو برباد کرکے رکھ دیا اس نے منیر
شہر پر یہ ظلم میرے نام پر اس نے کیا

 

[قیصرانی]

بے ثمر سے مجھے وہ شاعر یاد آ گئے جن کا تخلص بے پھل تھا

 

[محمداحمد]

میں بہت کمزور تھا اس ملک میں ہجرت کے بعد​

پر مجھے اس ملک میں کمزور تر اس نے کیا​

​

بہت خوب۔۔۔۔!​

ویسے یہ غزلیں محفل میں پہلے سے تو موجود نہیں ہیں؟​

 

[محمداحمد]

بے ثمر سے مجھے وہ شاعر یاد آ گئے جن کا تخلص بے پھل تھا

یہ کون سے شاعر ہیں قیصرانی بھائی؟

 

[قیصرانی]

ابھی کل ہی پڑھا تھا ایک دھاگہ جس میں شاعروں کے عجیب تخلص کا ذکر تھا، جیسے احمق پھپھوندوی۔ اسی میں یہ پوسٹ دیکھیئے۔ معذرت کہ میں نے بے پھل کہہ دیا جبکہ وہ پھل آگروی تھے

 

[محسن وقار علی]

​

میں بہت کمزور تھا اس ملک میں ہجرت کے بعد​

​

پر مجھے اس ملک میں کمزور تر اس نے کیا​

بہت خوب۔۔۔ ۔!​

ویسے یہ غزلیں محفل میں پہلے سے تو موجود نہیں ہیں؟​

میں نے ڈھونڈی تو تھی۔کم سے کم مجھے تو نہیں ملی۔

 

[سیدہ شگفتہ]

عمدہ

 

[عمر سیف]

ایک اور عمدہ شئیرنگ ۔۔