میرا ہے , یقیں مجھ کو دلاتا بھی نہیں ہے

[رباب واسطی]

میرا ہے , یقیں مجھ کو دلاتا بھی نہیں ہے
لکھ لکھ کے مرا نام مٹاتا بھی نہیں ہے
کہتا ہے کہ آ جاوں گا , آتا بھی نہیں ہے
دل ہے کہ ستمگر کو بھلاتا بھی نہیں ہے
ہونٹوں پہ تبسم بھی ہے آنکھوں میں نمی بھی
غم ہے کہ خوشی دل کو , بتاتا بھی نہیں ہے
انکار بھی کرتا نہیں , بیگانہ روی بھی
رہتا ہے خفا مجھ سے , ستاتا بھی نہیں ہے
کیا اس سے گلہ ہو کہ وہی میرا قمر ہے
بس گھر نہیں آتا , کہیں جاتا بھی نہیں ہے

قمر زیدی