ایاز صدیقی مُنہ سے جب نامِ شہنشاہِ رسولاں نکلا.....ایاز صدیقی

[مہ جبین]

مُنہ سے جب نامِ شہنشاہِ رسولاں نکلا​

خیر مقدم کو دُرودوں کا گلستاں نکلا​

​

بچھ گئی دولتِ کونین مرے رستے میں​

میں جو طیبہ کی طرف بے سرو ساماں نکلا​

​

میں تو سمجھا تھا کہ دشوار ہے ہستی کا سفر​

اُن کی تعلیم سے یہ کام بھی آساں نکلا​

​

فکرِ مدحت میں جو پہنچا سرِ گلزارِ سخن​

ہر گُلِ حرف محمد کا ثنا خواں نکلا​

​

خاک ہو کر ہَدفِ موجِ ہَوا بن جاؤں​

درِ آقا کی رسائی کا یہ عنواں نکلا​

​

میرے آئینے میں ہے عشقِ محمد کی جِلا​

مجھ سے کترا کے غبارِ غمِ دوراں نکلا​

​

منصبِ ذہن پہ فائز ہوئی جب چشمِ خیال​

عشقِ محبوبِ خدا حاصلِ ایماں نکلا​

​

گُلِ توحید کی خوشبو سے مہکتا ہے دماغ​

میں بھی منجملہء خاصانِ گلستاں نکلا​

​

بابِ مدحت میں جو تائیدِ خدا چاہی ایاز​

رہنمائی کو ہر اک آیہء قرآں نکلا​

​

ایاز صدیقی​

 

[سید زبیر]

بہت اعلیٰ ۔۔۔۔​

میرے آئینے میں ہے عشقِ محمد کی جِلا​

مجھ سے کترا کے غبارِ غمِ دوراں نکلا​

جزاک اللہ​

 

[مہ جبین]

جزاک اللہ syed Zubair بھائی

 

[میر انیس]

فکرِ مدحت میں جو پہنچا سرِ گلزارِ سخن
ہر گُلِ حرف محمد کا ثنا خواں نکلا

واہ واہ سبحان اللہ ۔ پورا کالم ہی نہایت اعلٰی ہے

 

[مہ جبین]

بہت شکریہ میر انیس بھائی !

جزاک اللہ

 

[حسیب نذیر گِل]

سبحان اللہ بہت خوبصورت کلام ہے
شریک محفل کرنیکا شکریہ

 

[مہ جبین]

جزاک اللہ
حسیب نذیر گِل

خوش رہو

 

[نایاب]

سبحان اللہ
اک اچھی شراکت

 

[مہ جبین]

کلام کی پسندیدگی کے لئے میں بہت مشکور ہوں نایاب بھائی

جزاک اللہ