منتخب اشعار برائے بیت بازی!

[شمشاد]

شمشاد بھائی آپ ہی کی بات کہ یہ بیت بازی کا دھاگہ ہے ۔۔۔ آپ کو “ن“ یا “ ی “ سے دینا تھا۔

جناب جب تک میں نے خط پوسٹ کیا، درمیان میں اتنے ڈھیر سارے خطوط آ گئے۔

 

[شمشاد]

یہ کن نظروں سے تو نے آج دیکھا
کہ تیرا دیکھنا دیکھا نہ جائے
(احمد فراز)

 

[الف عین]

یہاں وابستگی، واں برہمی، کیا جانیے کیوں ہے؟
نہ ہم اپنی نظر سمجھے نہ ہم اُن کی ادا سمجھے
فیض

 

[شمشاد]

یہ محرومی نہیں پاسِ وفا ہے
کوئی تیرے سوا دیکھا نہ جائے
(احمد فراز)

 

[سارا]

یاد ہے مجھ کو دسمبر میں جدائی کی وہ رات
چاند کی کرنیں لہو میں بن گیئں چنگاریاں

ہجر کے ساحل پہ کس کے منتظر بیٹھے ہو تم
اس سمندر میں بھلا کب ٹوٹتی ہیں کشتیاں۔۔

 

[فریب]

نغمہ نشاطِ روح کا گایا ہے بارہا
گیتوں میں‌آنسوؤں کو چھپایا ہے بارہا

 

[شمشاد]

ہجر کے ساحل پہ کس کے منتظر بیٹھے ہو تم
اس سمندر میں بھلا کب ٹوٹتی ہیں کشتیاں

 

[ظفری]

ندی پہ ایک نرم کرن نے رکھا جو پاؤں
چاروں طرف صدا کا سمندر بکھر گیا

۔جعفر شیرازی۔​

 

[شمشاد]

آ عندلیب مل کر کریں آہ و زاریاں
تو ہائے گل پکار میں پکاروں ہائے دل

 

[ظفری]

یقین کر جو تیری آرزو میں تھا پہلے
وہ لطف تیرے سوا بھی نہیں رہا اب تو​

 

[شمشاد]

ظفری بھائی کدھر ہیں؟ شعر لام سے دینا تھا۔

 

[شمشاد]

لاکھوں کی سنا تم نے تقدیر سنواری ہے
مجھ سے یہی کہہ دیتے اب کہ تیری باری ہے
(سید شافاز شاہ چشتی)

 

[ظفری]

ظفری بھائی کدھر ہیں؟ شعر لام سے دینا تھا۔

معافی چاہتا ہوں شمشاد بھائی ۔۔۔ آپ نے صیح کہا کہ کدھر ہوں ۔

لیجیئے “ ل “ سے شعر
لبوں پہ خیر تبسم بکھر بکھر ہی گیا
یہ اور بات کہ ہنسنے کو دل ترستا تھا

۔انور مسعود۔

 

[ظفری]

لو جی آپ نے ہی پہلے ہی دے دیا ۔۔۔ اب آُپ کے ہی آخری شعر سے

یاد کرنا ہر گھڑی اس یار کا
ہے وظیفہ مجھ دلِ بیمار کا

 

[شمشاد]

آپ نے ‘ و ‘ پر شعر ختم کیا

ورثے میں ملی ہم کو شاہی بھی فقیری بھی
اور غم تو “ شفق “ گویا جاگیر ہماری ہے

 

[ظفری]

یوں تیری رہگذر سے دیوانہ وار گزرے
کاندھے پہ اپنے رکھ کے اپنا مزار گزرے

 

[شمشاد]

یہ طبیعت ہے تو خود آزار بن جائیں گے ہم
چارہ گر روہیں گے اور غمخوار بن جائیں گے ہم
(احمد فراز)

 

[ظفری]

میں نے مہتاب کی کرنوں سے بچایا تھا جسے
دھوپ اُوڑھے ہوئے پھرتا ہے وہ بازاروں میں​

 

[شمشاد]

نظر ملا نہ سکے اُس سے اُس نگاہ کے بعد
وہی ہے حال ہمارا جو ہو گناہ کے بعد
(کرشن بہاری نور)

 

[ظفری]

دل سے رُخصت ہوئی کوئی خواہش
گریہ کچھ بےسبب نہیں آتا

(میر تقی میر )