1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

ملتے جلتے اردو یونیکوڈ حروف کو تلاش کرنا

محمد تابش صدیقی نے 'اردو ایپلیکیشن پروگرامنگ' کی ذیل میں اس موضوع کا آغاز کیا، ‏ستمبر 18, 2015

  1. محمد تابش صدیقی

    محمد تابش صدیقی منتظم

    مراسلے:
    26,785
    جھنڈا:
    Pakistan
    موڈ:
    Breezy
    السلام علیکم!
    میں ایک پروگرام لکھ رہا ہوں جاوا لینگویج میں۔
    پروگرام میں تلاش کا فیچر بھی دینا ہے۔
    ایک مسئلہ یہ درپیش ہے کہ اردو یونیکوڈ میں ملتے جلتے حروف بھی ہیں، جب ان میں سے کسی ایک کو تلاش کرتا ہوں تو دوسرا نہیں ملتا۔
    مثال کے طور پر
    ڈیٹا میں موجود "میز" میں 'ي' استعمال ہوئی ہے۔ اور میں 'ی' کے ساتھ "میز" لکھ کر تلاش کر رہا ہوں۔ جس پر ڈیٹا نہیں ملتا۔
    یا "شاہین" اور "شاہیں" میں 'ں' اور 'ن'
    اس کا کیا حل کیا جائے؟ میں نے کچھ اور سافٹوئیرز اور ویبسائٹس پر اس طرح تلاش کر کے دیکھا تو یہی مسئلہ آیا۔ حتیٰ کہ گوگل پر بھی۔
    جزاک اللہ خیر
     
    آخری تدوین: ‏ستمبر 18, 2015
    • معلوماتی معلوماتی × 1
  2. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    • دوستانہ دوستانہ × 1
  3. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    میں پروگرامنگ کی باریکیاں تو نہیں جانتا البتہ اندازہ لگا سکتا ہوں کہ اگر کی اسٹروک کو یونیکوڈ کیریکٹر میں کنورٹ کر دیا جائے اور پھر سرچ کروایا جائے تو شاید افاقہ ہو۔
     
    • پسندیدہ پسندیدہ × 1
  4. محمد تابش صدیقی

    محمد تابش صدیقی منتظم

    مراسلے:
    26,785
    جھنڈا:
    Pakistan
    موڈ:
    Breezy
    ان حروف کے کیریکٹر کوڈ مختلف ہیں۔
     
    • معلوماتی معلوماتی × 1
  5. محمد تابش صدیقی

    محمد تابش صدیقی منتظم

    مراسلے:
    26,785
    جھنڈا:
    Pakistan
    موڈ:
    Breezy
    ایک طریقہ جو میرے ذہن میں ہے وہ یہ کہ ایک انڈیکس ڈیٹابیس بنا لوں اور ملتے جلتے حروف کو لنک کر دوں، مگر اس سے تلاش میں وقت زیادہ لگ جائے گا۔
     
    • معلوماتی معلوماتی × 1
  6. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    محفل پر کافی جاوا اور پروگرامنگ ایکسپرٹس موجود ہیں۔ تھوڑا حوصلہ رکھیں۔ جلد رہنمائی مل جائے گی۔
     
    • پسندیدہ پسندیدہ × 1
  7. اسد

    اسد محفلین

    مراسلے:
    1,094
    موڈ:
    Busy
    آسان حل: اگر عربی حروف کو تبدیل کرنا ممکن نہیں ہے تو پھر تلاش کی ونڈو میں کوئی چیک بوکس شامل کریں اور اسے چننے پر ریگ‌ایکس (ریگولر ایکسپریشن) استعمال کرتے ہوئے تلاش کریں۔ کوڈ میں تلاش کے الفاظ میں ی کو [ی|ي] یا جاوا کے ایکسپریشن سے تبدیل کر کے تلاش کریں۔ ایسے ہی دوسرے حروف بھی تبدیل کریں۔

    اگر محنت کرنا چاہتے ہیں تو جاوا میں ساؤنڈیکس پر مواد تلاش کریں۔
     
    • پسندیدہ پسندیدہ × 2
    • زبردست زبردست × 1
    • معلوماتی معلوماتی × 1
  8. محمد تابش صدیقی

    محمد تابش صدیقی منتظم

    مراسلے:
    26,785
    جھنڈا:
    Pakistan
    موڈ:
    Breezy
    جزاک اللہ۔
    جی پہلا حل ہے آسان لیکن بہت وقت لے گا کسی بھی لفظ کو تلاش کرنے میں۔
    ساؤنڈیکس بھی وقت لیتا ہے اور اَدھر اُدھر کے بھی کافی الفاظ تلاش کر لیتا ہے۔ کیونکہ وہ دو الفاظ میں موجود مشترکہ حروف کی بنیاد پر تلاش کرتا ہے۔
    مثلاً وہ مبین تلاش کرنے پر منیب بھی اٹھا لائے گا۔
     
    • پسندیدہ پسندیدہ × 1
  9. ابن سعید

    ابن سعید خادم

    مراسلے:
    60,174
    فوری طور پر اس کے دو حل سامنے نظر آ رہے ہیں، ایک اسپیس آپٹیمائزڈ ہے تو دوسرا ٹائم آپٹیمائزڈ۔ یعنی ایک طریقہ کار تو یہ ہو سکتا ہے کہ ایک فہرست بنا لیں جس میں مماثل حروف کے گروپ اکٹھا کر لیں، پھر جب بھی کوئی لفظ تلاش کیا جائے تو اس لفظ میں موجود تمام ایسے حروف جو ایک سے زائد مماثل رکھتے ہوں ان کے ساتھ یکے بعد دیگرے تمام "کمبینیشنز" تیار کر لیں اور پھر ان تمام کمبینیشنز والے الفاظ کو تلاش کر کے نتائج ضم کر دیں۔ اس ترکیب میں آپ چاہیں تو نتائج کو اس انداز سے مرتب کر سکتے ہیں کہ جن نتائج میں تلاش کے الفاظ بعینہ موجود ہوں ان کو سب سے پہلے پیش کریں۔ دوسرا طریقہ یہ ہوگا کہ جن ڈیٹا بیس کے کالمز میں تلاش مقصود ہوں ان کے متوازی "کینانیکل" کالم بنا لیں اور تمام مماثل حروف کے گروپوں میں سے ایک ایک حرف کو گروپ لیڈر متعین کر لیں مثلاً ن اور ں کے گروپ میں ن کو کینانیکل مان لیں۔ یوں ڈیٹا کالم کو کینانیکلائز کر کے متعلقہ کینانیکل کالم میں محفوظ کر دیں جبکہ اصلی مواد کو جوں کا توں رہنے دیں۔ اس کے بعد تلاش کے الفاظ کو تلاش کے وقت اسی قاعدے کے تحت کینانیکلائز کر کے کینانیکل کالمز میں تلاش کریں۔ البتہ جو نتائج دکھائیں ان میں مواد اصلی کالم سے حاصل کر کے دکھائیں۔ :) :) :)
     
    • زبردست زبردست × 2
    • پسندیدہ پسندیدہ × 1
  10. محمد تابش صدیقی

    محمد تابش صدیقی منتظم

    مراسلے:
    26,785
    جھنڈا:
    Pakistan
    موڈ:
    Breezy
    جزاک اللہ خیر۔
    پہلی تجویز ذہن میں تھی، لیکن تلاش کے وقت پر سمجھوتہ نہیں کرنا چاہتا۔
    دوسری تجویز قابلِ عمل ہو سکتی ہے، کیونکہ اسپیس میں گنجائش موجود ہے۔

    پھر میں نے ڈیٹا پر تھوڑا وقت لگایا ہے تو یہی کچھ کیسز سامنے آئے ہیں۔
    ں اور ن، ہ اور ھ، ی اور ي
    ي کو تو میں ڈیٹا میں ہی ی سے تبدیل کر دوں گا، کیونکہ اس سے فرق نہیں پڑتا۔
    ن اور ں کے لیے آپ کی تجویز پر عمل کر کے دیکھتا ہوں۔
    ہ اور ھ کو رہنے دیتا ہوں۔
    ایک دفعہ پھر بہت شکریہ بھائی وقت نکالنے کا۔
     
    • معلوماتی معلوماتی × 1

اس صفحے کی تشہیر