مزاحیہ اشعار

[عرفان سعید]

تیرے تصور سے جب دل ہوتا ہے مضمحل
لاحول و لا قوہ پڑھ کر جاتا ہے پھر سنبھل
۔۔۔ عرفان ۔۔۔

 

[عرفان سعید]

احتیاط کا دامن تھام لینے میں کیا عار؟
اس لیے ڈبل شاپر کروا لیتا ہوں ہر بار
۔۔۔ عرفان ۔۔۔

 

[جاسمن]

ناز نخرے بھی ہم اُٹھاتے ہیں
پیر بیگم کے ہم دباتے ہیں
تن کے پھرتے ہیں سامنے سب کے
گھر میں جورو کے جوتے کھاتے ہیں
(سلیم حسرت)

 

[جاسمن]

بیوی سے آنکھ لڑاﺅ تو کوئی بات بنے
سالے پہ رعب جماﺅ تو کوئی بات بنے
ڈانٹنا بچوں کو حسرت ہے کہاں کوئی کمال
ساس کو اپنی ڈراﺅ تو کوئی بات بنے
(سلیم حسرت)

 

[خلیق الرحمٰن احمد]

بیٹی شہزادی بیٹا نواب ہو گا
مجھ سے شادی کر لو کارِ ثواب ہو گا

 

[شمشاد]

بیٹی شہزادی بیٹا نواب ہو گا
مجھ سے شادی کر لو کارِ ثواب ہو گا

خلیق الرحمٰن احمد اردو محفل میں خوش آمدید

اپنا تعارف تو دیں تاکہ دیگر اراکین اردو محفل آپ سے متعارف ہو سکیں۔

یہ رہا تعارف کا زمرہ

 

[سیما علی]

وہ جو مہر بہر نکاح تھا وہ دلہن کا مجھ سے مزاح تھا
یہ تو گھر پہنچ کے پتہ چلا مری اہلیہ کوئی اور ہے!!!!!

 

[شمشاد]

یوں تو کاٹ لیتا ہوں ساری ہی سبزیاں میں خوشی سے، لیکن
جب پیاز کی باری آتی ہے تو آنکھیں بھیگ جاتی ہیں

 

[سیما علی]

مرے خیال کو اہل نظر کریں گے کیچ
مشاعرہ بھی ہے اک طرح کا کرکٹ میچ

دلاور فگار

 

[سیما علی]

شبِ وصال نہ کرنا شتر کوئی غمزہ
کہ ناروا ہے اضافت کے بعد اک ہمزہ

دلاور فگار

 

[سیما علی]

انسانیت کی قید سے سب ہو گئے بری
ان کا معالجہ ہو تو ہوگا ووٹرنری

 

[سیما علی]

تم ہوش میں نہیں ہو تو ہے بات دوسری
یہ کہہ کے گھر میں بیٹھ رہو میں نشے میں ہوں

سید محمد جعفری

 

[سیما علی]

یہ بات عقل میں بھی سماتی نہیں ہے کچھ
شہرت تو مفت ووٹ دلاتی نہیں ہے کچھ

سید محمد جعفری

 

[سیما علی]

بدمست ہو گئے ہو الیکشن میں جعفریؔ
سر میں نشے کے ساتھ ہے سودائے رہبری

 

[شمشاد]

اکبر دبے نہیں کسی سلطاں کی فوج سے
لیکن شہید ہو گئے بیوی کی نوج سے
اکبر الہ آبادی

 

[شمشاد]

لپٹ بھی جا نہ رک اکبرؔ غضب کی بیوٹی ہے
نہیں نہیں پہ نہ جا یہ حیا کی ڈیوٹی ہے
اکبر الہ آبادی

 

[شمشاد]

اس قدر تھا کھٹملوں کا چارپائی میں ہجوم
وصل کا دل سے مرے ارمان رخصت ہو گیا
اکبر الہ آبادی

 

[شمشاد]

جب غم ہوا چڑھا لیں دو بوتلیں اکٹھی
ملا کی دوڑ مسجد اکبرؔ کی دوڑ بھٹی
اکبر الہ آبادی

 

[شمشاد]

جب بھی والد کی جفا یاد آئی
اپنے دادا کی خطا یاد آئی
محمد یوسف پاپا

 

[شمشاد]

اردو سے ہو کیوں بیزار انگلش سے کیوں اتنا پیار
چھوڑو بھی یہ رٹا یار ٹوئنکل ٹوئنکل لٹل اسٹار
انور مسعود