یاس مرزا یاسؔ، یگاؔنہ، چنگیزیؔ:::::دولتِ دِیدار نے آنکھوں کوروشن کردِیا :::::yas, yagana,changezi

طارق شاہ

محفلین
ghalib-shikan-yaas-yagana-changezi-3.jpg

غزل
دولتِ دِیدار نے آنکھوں کوروشن کردِیا
مرتبہ عین الیقیں کا آج حاصِل ہو گیا

لے اُڑی خلوت سرا سے تُم کو بُوئے پَیرَہَن
آخر اِک دِن سب حجابِ ناز باطِل ہو گیا

پار اُترے، ڈُوبنے والے محیطِ عِشق کے
حلقۂ گرداب اِک آغوشِ ساحل ہوگیا

صُورت آبادِ جہاں خوابِ پریشاں تھا کوئی
دیکھتے ہی دیکھتےسب، نقشِ باطل ہوگیا

حشر کے دِن یاسؔ ناحق زاہدوں میں جا پھنسا
ہم گنہگاروں کی صف میں کیوں نہ شامِل ہوگیا


مرزا یاسؔ، یگاؔنہ، چنگیزیؔ
 

فہد اشرف

محفلین
ghalib-shikan-yaas-yagana-changezi-3.jpg

غزل
دولتِ دِیدار نے آنکھوں کوروشن کردِیا
مرتبہ عین الیقیں کا آج حاصِل ہو گیا

لے اُڑی خلوت سرا سے تُم کو بُوئے پَیرَہَن
آخر اِک دِن سب حجابِ ناز باطِل ہو گیا

پار اُترے، ڈُوبنے والے محیطِ عِشق کے
حلقۂ گرداب اِک آغوشِ ساحل ہوگیا

صُورت آبادِ جہاں خوابِ پریشاں تھا کوئی
دیکھتے ہی دیکھتےسب، نقشِ باطل ہوگیا

حشر کے دِن یاسؔ ناحق زاہدوں میں جا پھنسا
ہم گنہگاروں کی صف میں کیوں نہ شامِل ہوگیا


مرزا یاسؔ، یگاؔنہ، چنگیزیؔ
واہ جناب کیا انتخاب ہے سبحان اللہ۔
ذرا آخری شعر کا آخری مصرع دیکھ لیجیے
 

حسان خان

لائبریرین
پھر شاید صحیح ہی ہو۔ ”گیا“ کے ساتھ ”ہم“ کا صیغہ مجھے کچھ عجیب سا لگ رہا ہے
مقطع کے مصرعِ ثانی میں شاعر یہ کہہ رہا ہے: [وہ] ہم گُنہ گاروں کی صف میں کیوں نہ شامل ہو گیا۔۔
'ہو گیا' کی مُطابقت اِس محذوف 'وہ' کے ساتھ ہے۔
 
Top