فرقان احمد
محفلین
بعض ویب سائٹس تو ٹھیک ٹھاک چل رہی ہیں، موبائل پر بھی اور لیپ ٹاپ پر بھی تاہم بعض ویب سائٹس چلنے یا لوڈ ہونے سے مسلسل انکاری ہیں۔ معلوم ہوتا ہے یہ مسئلہ وائی ٹرائب (انٹرنیٹ سروس پروائیڈر) کا ہے تاہم عجیب معاملہ ہے کہ اردو پوائنٹ اور ڈان ٹی وی جیسی معروف ویب سائٹس بھی نہیں چل رہی ہیں۔ اسی طرح دنیا بھر میں مقبول کئی اہم ویب سائٹس کے ساتھ یہی معاملہ ہے۔ ہر وہ طریقہ آزما دیکھا جو میرے علم میں تھا، وائی ٹرائب کی سپورٹ ٹیم سے مزید کسی مدد کی توقع عبث معلوم ہوتی ہے۔ ایک دو لیپ ٹاپس کے ساتھ بھی ڈیوائس کو لگایا تاہم ویب سائٹس نہ کھل پائیں۔ سام سنگ موبائل کے ساتھ کنکٹ کیا تب بھی یہی نتیجہ نکلا۔ ڈیوائس کو ری سیٹ بھی کر کے دیکھا تاہم بات نہ بن سکی۔ ہمت ہارنے سے پہلے دل میں خیال آیا، اردو محفل میں انٹری مار کر دوست احباب کو تنگ کر لیا جائے، شاید کوئی عبقری یہاں موجود ہو جو اس فقیر کا یہ مسئلہ حل کر دے!
