محفل کی نظامت - آپ سب دوستوں کا شکریہ

محمد وارث

لائبریرین
السلام علیکم احبابِ محفل،

ایک مختصر سی گذارش یہ ہے کہ یہ مراسلہ اس خاکسار کا بحیثیت "منتظمِ اردو محفل" آخری مراسلہ ہے۔ میں تو سوچ رہا ہوں کہ ایک مسکھڑا بھی لگا دوں لیکن علم نہیں کہ یہ خوشی کی بات ہے یا دکھ کی!

تفنن برطرف، اس خاکسار نے، پچھلے کئی سال اس محفل پر پہلے مدیرِ محفلِ ادب اور پھر منتظمِ اردو محفل کے طور پر گزارے ہیں۔ اور مقدرو بھر کوشش کی ہے کہ اپنے فرائض، محفل کی پالیسیوں، روایت اور اپنے سینئرز کی ہدایات کے مطابق اپنی بہترین صلاحیتوں اور کاوشوں کو بروئے کار لاتے ہوئے، اور سب سے اہم، اپنی ذاتی پسند و ناپسند کو طاقِ نسیاں پر رکھتے ہوئے، غیر جانبداری سے کماحقہ سرانجام دے سکوں۔

لیکن اب اپنی گرتی ہوئی صحت، بڑھتی ہوئی پیشہ وارانہ مصروفیات اور بچوں کی تعلیم کی وجہ سے اس کام کو خاطر خواہ وقت نہیں دے پا رہا تھا سو اب نظامت کو اللہ حافظ کہتے ہی بنی :)

نظامت کے عرصے میں برادران نبیل اور ابن سعید کی مکمل راہنمائی اور تعاون میرے ساتھ رہا، جس کے لیے میں اُن کا تہہِ دل سے ممنون ہوں۔ جب ناظم بنایا گیا تھا تو زیک بھی منتظم تھے اور ان کا تعاون بھی شامل تھا سو زیک کا بھی بہت شکریہ۔ سب محفلین کا بھی بہت شکریہ کہ انہوں نے بعض دفعہ میری تلخ باتوں کو بھی برداشت کر لیا۔

آخری بات، اردو محفل تو جیسے خون میں رچی بسی ہے، سو یہاں سے میں نہ کہیں گیا تھا اور نہ ہی جانا ہے۔ انشاءاللہ۔

ایک بار پھر، اردو محفل، اردو محفل کے موجودہ و سابق منتظمین و مدیران، سب ارکانِ محفل، دوستوں، بھائیوں، بہنوں کا بہت شکریہ :)
 

زیک

تکنیکی معاون
یہ ذمہ داری آپ نے کافی تندہی اور خندہ پیشانی سے انجام دی ہے۔ اس کے لئے بہت شکریہ۔

ایک سابق منتظم کی طرف سے آزادی کی بہت مبارکباد!
 
میری گزارش تو یہی ہے کہ اپنے فیصلے پر نظرِ ثانی کیجئے.
بلاشبہ ایک کٹھن کام ہے، لیکن آپ جیسے تحمل اور برداشت والے ہی اس کام کو بخوبی سر انجام دے سکتے ہیں.
 

محمد وارث

لائبریرین
وارث بھائی، صحت، مصروفیات اور بچوں کی تعلیم بہانہ لگ رہے ہیں مجھے۔ یہ معاملہ کوئی اور ہے!
نہیں راحیل صاحب، کوئی اور معاملہ نہیں ہے۔ کیا آپ یقین کریں گے کہ مجھے دو سال لگے اس فیصلے کو فیصل کرنے میں:)
 

محمد وارث

لائبریرین
یہ ذمہ داری آپ نے کافی تندہی اور خندہ پیشانی سے انجام دی ہے۔ اس کے لئے بہت شکریہ۔

ایک سابق منتظم کی طرف سے آزادی کی بہت مبارکباد!
شکریہ زیک :)

میری گزارش تو یہی ہے کہ اپنے فیصلے پر نظرِ ثانی کیجئے.
بلاشبہ ایک کٹھن کام ہے، لیکن آپ جیسے تحمل اور برداشت والے ہی اس کام کو بخوبی سر انجام دے سکتے ہیں.
ہم سب محفلین کی جانب سے استعفیٰ نامنظور کیا جاتا ہے
کاش آپ منتظم رہیں میں تو اپنی خواہش کا اظہار ہی کر سکتا ہوں باقی مرضی آپ کی
شکریہ صدیقی صاحب، خلیل صاحب اور میرے عزیز دل دل پاکستان، لیکن یہ تو ہو چکا اب :)
 
وارث صاحب امید ہے کہ اس تکلیف دہ اعلانیہ کے بعد بھی مجھ جیسے کئی ادبی بچونگڑوں کو آپ جیسی معتبر اور قدآور علمی شخصیت سے ادبی رہنمائی ضرور ملتی رہے گی۔ بلکہ مجھے تو یہ خوش گمانی ہے کہ ایک اہم انتظامی ذمہ داری کا بار ہلکا ہونے کے بعد اب آپ علم اور ادب کے تشنہ لوگوں کو تھوڑا زیادہ وقت دیں گے۔ اللہ آپ کی اگلی نسل کو علم کی شمع کی روشنی عطا فرمائے۔ ہسدے وسدے رہیں
 

محمد وارث

لائبریرین
وارث صاحب امید ہے کہ اس تکلیف دہ اعلانیہ کے بعد بھی مجھ جیسے کئی ادبی بچونگڑوں کو آپ جیسی معتبر اور قدآور علمی شخصیت سے ادبی رہنمائی ضرور ملتی رہے گی۔ بلکہ مجھے تو یہ خوش گمانی ہے کہ ایک اہم انتظامی ذمہ داری کا بار ہلکا ہونے کے بعد اب آپ علم اور ادب کے تشنہ لوگوں کو تھوڑا زیادہ وقت دیں گے۔ اللہ آپ کی اگلی نسل کو علم کی شمع کی روشنی عطا فرمائے۔ ہسدے وسدے رہیں
شکریہ سلمان صاحب۔ دراصل بڑا بیٹا نویں جماعت میں کیا گیا ہے، گویا میری تو کم بختی آ گئی ہے۔ میں پہلے صرف ریاضی اور سائنس بچوں کو پڑھاتا تھا اب اس کے بورڈ کا رزلٹ اسکی ماں کی طرف سے مجھ پر ڈال دیا گیا ہے۔ اتنا پریشر تو میں نے کبھی اپنے امتحانوں کا نہیں لیا تھا۔ خیر دیکھیے، اللہ خیر کرے گا :)
 

نور وجدان

لائبریرین
اسلام.علیکم.وارث صاحب .... وقت کے ساتھ ساتھ.ترجیحات بدلتی ہیں اور ذمہ داری کا.بار گراں اٹھانا پڑھتا ہے . اس کے باوجود میرا خیال.ہے کہ منتظم آپ جیسی یا ابن.سعید جیسی کول.ٹمپرڈ بندوں کو.ہونا چاہیے . اچھا منتظم ہی ادبی سرگرمیوں.کو.فروغ دے سکتا ہے. مجھے ڈر ہے کہ کہیں محفل کی.رونق اپ کی انتظامی صلاحیتوں کے نہ ہونے پہ متاثر .ہو ...میں.تو یہی کہوں.گی.فیصلے انسان.سوچ کے ہی کرتا ہے مگر جب سب کی.محبتیں آپ کے فیصلے کے خلاف ہوں تو کچھ نظر ثانی کا آپشن نکل.ہی آتا ہے ..
 

عبد الرحمن

لائبریرین
آپ محض نظامت سے الگ ہورہے ہیں تب بھی ایسا لگ رہا ہے محفل چھوڑ کر جارہے ہیں۔ اگر سچ میں ایسا ہی ہوتا تب پتہ نہیں اس وقت اور آنے والے وقتوں میں ہم پر کیا گزر رہی ہوتی۔
 

زیک

تکنیکی معاون
شکریہ سلمان صاحب۔ دراصل بڑا بیٹا نویں جماعت میں کیا گیا ہے، گویا میری تو کم بختی آ گئی ہے۔ میں پہلے صرف ریاضی اور سائنس بچوں کو پڑھاتا تھا اب اس کے بورڈ کا رزلٹ اسکی ماں کی طرف سے مجھ پر ڈال دیا گیا ہے۔ اتنا پریشر تو میں نے کبھی اپنے امتحانوں کا نہیں لیا تھا۔ خیر دیکھیے، اللہ خیر کرے گا :)
مجھ پر تو یہ پریشر کنڈرگارٹن سے شروع ہوا تھا اور مڈل سکول میں کافی بڑھ گیا ہے۔ معلوم نہیں ہائی سکول میں کیا ہو گا۔

گڈ لک!
 

عبد الرحمن

لائبریرین
کچھ احباب کا حس مزاح ایسا ہی ہے۔ اب کیا کیا جائے :)
آپ کی ہمت اور بلند حوصلے پر میں سات توپوں کی سلامی پیش کرتا ہوں آپ کو۔ مجھے جب پہلی بار غیر متفق کی ریٹنگ ملی تھی تب دو دن تک بخار میں مبتلا رہا تھا۔ :)
 

ابن رضا

لائبریرین
ہمارے لیے تو یہ امر ہی باعثِ تسکین ہے کہ آپ نظامت کریں نہ کریں مگر اپنی علمی اور فنی صلاحیتوں سے مستفید فرماتے رہیں گے اور اردو محفل سے رشتہ قائم رکھیں گے:)
 

arifkarim

معطل
آپ کی ہمت اور بلند حوصلے پر میں سات توپوں کی سلامی پیش کرتا ہوں آپ کو۔ مجھے جب پہلی بار غیر متفق کی ریٹنگ ملی تھی تب دو دن تک بخار میں مبتلا رہا تھا۔ :)
مغرب میں ہم اسے خلاف رائے کی آزادی سمجھتے ہوئے سراہتے ہیں۔ مجھے بخار تب ہوتا ہے جب متفق کی ریٹنگ ملے :)
نارویجن میں ایک محاورہ ہے: Når alle tenker likt tenker ingen یعنی جب سب ایک جیسا سوچیں تو سمجھ لیں کہ کوئی کچھ نہیں سوچ رہا :)
 
Top