محفل متراں دی

[حامد ڈرائیور]

کَنڈے سخت گلاباں والے دوروں ویکھ نا ڈرئیے
چوباں چلئیے'رَت چوائیے' چول پُھلی تَد پرئیے

میاں محمد بخش رحمۃ الله علیہ

 

[تجمل حسین]

اے تے دِسدا ای کوئی نئی پیا ۔۔۔

چودھری صاب! اڈا وڈا تے لادتا اے ہن دسوں ایس تو وڈاں وی لاواں۔
اونج تسی اک واری ڈاکٹر نوں اکھاں چیک کرالووں۔

 

[عبدالقیوم چوہدری]

چودھری صاب! اڈا وڈا تے لادتا اے ہن دسوں ایس تو وڈاں وی لاواں۔

او کرماں آلیو۔۔۔ تسی جس کسی شئیرنگ سائیٹ تو شئیر کیتا اے۔۔۔او ایتھے سرکار نے ڈکی ہونی اے۔۔۔ ایس کر نئی دِسدا پیا۔

اونج تسی اک واری ڈاکٹر نوں اکھاں چیک کرالووں۔

 

[خالد محمود چوہدری]

ساڈے دیس دیاں کیا باتاں نیں

 

[خالد محمود چوہدری]

کسے نے اَڈّا کَھڈّا یا بارہ ٹہنی وغیرہ کھیڈی اے؟

 

[فاروق احمد بھٹی]

کسے نے اَڈّا کَھڈّا یا بارہ ٹہنی وغیرہ کھیڈی اے؟

بارہ ٹہنی تے کھیڈی اے ۔۔ اڈا کھڈا نئی چیتے اوندی پئی۔۔۔۔

 

[تجمل حسین]

کسے نے اَڈّا کَھڈّا یا بارہ ٹہنی وغیرہ کھیڈی اے؟

جی چودھری صاب!
اَڈّا کَھڈّا تے بارہ ٹہنی وی کھیڈی اے تے چالاں تے پٹھوگرم وی کھیڈے نیں۔

 

[تجمل حسین]

او کرماں آلیو۔۔۔ تسی جس کسی شئیرنگ سائیٹ تو شئیر کیتا اے۔۔۔او ایتھے سرکار نے ڈکی ہونی اے۔۔۔ ایس کر نئی دِسدا پیا۔

اے لو فیر سرکار دی ڈکی دا حل۔ اک ہور سائٹ تے لاکے ونڈ دتی اے۔

​

تے نال پتہ وی جے نا دسے تے پتہ کھول لوو۔
http://s16.postimg.org/8xk6wwvj9/001.jpg

 

[سید شہزاد ناصر]

 

[سید شہزاد ناصر]

باندر کلِا

 

[سید شہزاد ناصر]

 

[فاروق احمد بھٹی]

باندر کیلا

باندر کِلا

 

[فاروق احمد بھٹی]

 

[سید شہزاد ناصر]

الھڑ بلھڑ باوے دا
باوا کنک لیاوے گا
باوی بہہ کے چھٹے گی
چھٹ بھڑولے پاوے گی
باوی من پکاوے گی
باوا بہہ کے کھاوے گا

 

[سید شہزاد ناصر]

الھڑ بلھڑ باوے دا
باوا کپاہ لیاوے گا
باوی بہہ کے کتے گی
پریمان پونیاں پاوے گی
گوڈے بیٹھ لُکاوے گی
باوا کھِڑ کھِڑ ہسّے گا

 

[سید شہزاد ناصر]

اکڑّ دُکڑّ بَنّبھا بَھو
اَسّی نوّے پُورا سَو
سَو کلوٹا تِتر مُوٹا
چل مداری پَیسہ کھوٹا
پَیسے دِیاں رُوٹیَاں
کھانے والا کھا گیا
پچھے رہ گیا باگڑ بلّا

 

[فاروق احمد بھٹی]

کیکلی کلیر دی
پینٹ میرے ویر دی
شرٹ پا منیر دی
کوٹ میرے پائی دا
لنڈے توں لیائی دا
فٹ وی کرائی دا
دھوبی کولوں دھوائی دا
سینٹ شینٹ لائی دا
شوخی نال پائی دا
بابو بن جائی دا
فٹے منہ مہنگائی دا

 

[محمد یعقوب آسی]

تھوڑا جیہا گوہ کیتا جاوے تے ۔۔ ایہ ناں سارے بکرمی مہیناں والے ای نیں؛ ترتیب وی اوہو ای اے، بس لہجہ بدلیا ہوئیا اے۔
بوئی شاکھ (بساکھ)، جوئشٹھو (جیٹھ)، اشاڑھ (اساڑھ)، سرابون (ساون)، بھادرو (بھادروں، بھدرا)، اشوین (اسوج)، کارتک (کاتک)، اوگرہائیون (مگھر)، پوش (پوہ)، ماگھ )ماگھ، مانگھ)، فالگن (بھاگن)، چھوئترو (چیت، چیتر)۔

 

[تجمل حسین]

تھوڑا جیہا گوہ کیتا جاوے تے ۔۔ ایہ ناں سارے بکرمی مہیناں والے ای نیں؛ ترتیب وی اوہو ای اے، بس لہجہ بدلیا ہوئیا اے۔
بوئی شاکھ (بساکھ)، جوئشٹھو (جیٹھ)، اشاڑھ (اساڑھ)، سرابون (ساون)، بھادرو (بھادروں، بھدرا)، اشوین (اسوج)، کارتک (کاتک)، اوگرہائیون (مگھر)، پوش (پوہ)، ماگھ )ماگھ، مانگھ)، فالگن (بھاگن)، چھوئترو (چیت، چیتر)۔

آسی صاب۔ ایہہ بکرمی مہینے ای نیں۔ کوئی دوجے نئیں۔ تسی شاید تھوڑا جیا غور کیتا ہووے تے پتہ ہوناں کہ بنگلہ دیشیاں دی انگریزی ساڈے نالوں کجھ وکھری اے۔ اوہناں دے لفظاں دے جوڑ وی ساڈے جوڑاں نالوں وکھرے ہوندے نیں۔ بس ایہوں ای فرق اے۔

 

[محمد یعقوب آسی]

سید شہزاد ناصر ہوراں دی گل توں یاد آیا۔

اردو محفل تے تہاڈی گپ ویکھ کے یاد آیا، میں اک زمانے وچ پرانی 12 ٹہنی نوں ڈھال کے نویں گول 12 ٹہنی بنائی سی۔ بڑا چر کھیڈدے رہے۔ پھر اوہ سنگی ساتھی کھلر پلر گئے۔
لئو تسیں وی ویکھو۔