بھٹی ہوری تے شہر دا جم پل لگدے نیں جتھے لسی نہیں لبھدی ادھ رڑکا کتھوں!
چوہدری ہوراں دا پتہ نہیں۔
میں تاں خالص پینڈو آں تہانوں پتہ ای اے۔
استادِ محترم
محمد یعقوب آسی صاحب تسی بالکل صحیح آکھیا اے میری جم پل ایتھے واہ کینٹ دی اے۔
پر میری خوش قسمتی کے میرے نانکے خاص پنڈ وچ رہندے سن بلکہ پنڈ وی دور سی کافی پنڈاں دے آل دوالے جیہڑے دور دور گھر ڈیرے ہندے نیں اینج ای میرے نانکے رہندے نیں۔ بلکہ ہن تے سسرال وی اوہو ای اے تے ۔۔۔
سکول دیاں گرمیاں دیاں چھٹیاں تے سردیاں دیاں چھٹیاں تے نالے غمیاں خوشیاں تے کافی کافی دن اوتھے ای ہوئی دا سی کئی واری تے پوریاں پوریاں گرمیاں دیاں چھٹیاں اوتھے ای لنگ جاندیاں سن۔۔۔ تے خاص پنجاب دے پنڈاں والی تقریبا ہر اک گل ویکھی تے تجربہ وی کیتا اے۔۔
صبح سویرے لسی رڑکدیاں ویکھیا وی بلکہ آپ رڑک وی لئی دی سی مجھ دی دھار وی کڈھی اے ۔۔ کھوتی تے جھُل واہنا پا کے تے پٹھے وی لیاندے نیں۔۔درانتی وی چلائی شٹلہ۔ جوار ، باجرہ، مکئی وی ڈنگراں لئی وڈھ کے لیاندی اے ۔۔ ہینڈ پمپ تے وی رج رج کے نہاندے رے آن ۔۔ نہر وچ۔۔ ٹیوب ویل تے ۔۔۔ حقہ آپ گرم وی کیتا اے تے رج کے پیتا وی بلکہ ہن وی جائی دا اے تے پین دا اتفاق ہندا رہندا اے۔۔
فیر گھر دا دیسی مکھن ، گھیو اوتھے وی کھادا اے تے ایتھے وی آ جاندا سی۔۔۔چاٹی دی لسی۔۔ادھ رڑکا۔۔مکحیر یعنی شہد وی رج کے کھادا چھلی سمیت ۔تے اوہدا شربت وی رج رج پیتا اے۔۔۔۔ ریشم دے کیڑے پلدے وی ویکھے نیں اوہناں لئی شہتوت دے پتے وی توڑ کے لیاندے نیں۔۔شکار خرگوش، سیہ، باہرلے دا وی کیتا اے ۔۔۔
کج چیزاں نئیں وی کیتیاں جیویں کے کنک دی وائی بیجی۔۔ پر گاہ ضرور کیتا اے کنک دا۔۔۔فیر توڑی وی ڈھوئی اے۔۔مکئی دی راتی راکھی وی کیتی اے۔۔۔
ہتھ والی چکی تے آٹا پیسن۔۔چرخہ چلاؤندے ہتھ۔۔۔خالص مٹی دے بغیر اینٹاں والے کمریاں وچ ستے وی آں۔۔۔
غرض بہتیرا کج کیتا اے تھوڑی جنی کبڈی وی کھیڈٰی اے ۔۔
پر ہن کافی کجھ تبدیل ہو گیا اے جدت آ گئی اے۔۔۔
