محفلین کے لیے آخری اشعار

سید عاطف علی · آج بوقت 7:07 صبح

خنجر چلے کسی پہ تڑپتی ہے جاسمین
سارے جہاں کا درد بس اس کے جگر میں ہے
ٹیگ کرنے کے ضرورت ہے؟

جاسمن · آج بوقت 7:48 صبح

نہیں خیر کئی اور جگر بھی پُردرد ہیں۔

جاسمن · آج بوقت 8:10 صبح

نبیل
اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ
احمد فراز

سیما علی · آج بوقت 9:09 صبح

سید عاطف علی
بھیا

تیری حیات کا ہر لمحہ شادماں گزرے
بہار سجدہ کرے تو جہاں جہاں گزرے

خدا نصیب کرے تجھ کو دائمی خوشیاں
تو سرخ رُو رہے جب کوئی امتحاں گزرے

سیما علی · آج بوقت 9:11 صبح

محمد وارث
میاں کے نام
وہی بزم ہے وہی دھوم ہے ، وہی عاشقوں کا ہجوم ہے
ہے کمی تو بس اسی چاند کی ، جو تہہ مزار چلا گیا

سیما علی · آج بوقت 9:14 صبح

اُستادِ محترم
سنگ‌ بے قیمت تراشا اور جوہر کر دیا
شمع علم و آگہی سے دل منور کر دیا

سیما علی · آج بوقت 9:19 صبح

شمشاد
بھیا
موت اس کی ہے کرے جس کا زمانہ افسوس
یوں تو دنیا میں سبھی آئے ہیں مرنے کے لئے

سیما علی · آج بوقت 9:20 صبح

الشفاء
بھیا ؀
کچھ وصف تو ہوتا ہے دماغوں میں دلوں میں
یوں ہی کوئی سقراط و سکندر نہیں ہوتا

سیما علی · آج بوقت 10:59 صبح

محمد عبدالرؤوف
بھیا
کہتے ہیں رؤوف آپ کو ارباب بصیرت
اک سادہ سا انسان ہے باتوں کا کھرا ہے

فرخ منظور · آج بوقت 11:29 صبح

۔۔۔

سیما علی · آج بوقت 11:31 صبح

زیک
مرا وجود مری زندگی کی حد نہ سہی
کبھی جو طے ہی نہ ہو میں وہ فاصلہ بھی نہیں

فضا میں پھیل چلی میری بات کی خوشبو
ابھی تو میں نے ہواؤں سے کچھ کہا بھی نہیں

سیما علی · آج بوقت 11:40 صبح

ظفری

میں نے ہر بار تجھ سے ملتے وقت
تجھ سے ملنے کی آرزو کی ہے

تیرے جانے کے بعد بھی میں نے
تیری خوشبو سے گفتگو کی ہے

سید عاطف علی · آج بوقت 11:40 صبح

ٹوٹ گئی اخلاق کی مالا دانہ دانہ بکھر گیا
جس کو چنتے رہتے ہیں کچھ ان جیسے دیوانے لوگ
آپا میں نے آپ کو دیوانہ کہہ دیا سوری ی ی۔

سیما علی · آج بوقت 1:16 شام

سید عاطف علی نے کہا:
ٹوٹ گئی اخلاق کی مالا دانہ دانہ بکھر گیا
جس کو چنتے رہتے ہیں کچھ ان جیسے دیوانے لوگ
آپا میں نے آپ کو دیوانہ کہہ دیا سوری

جیتے رہیے شاد و آباد رہیے
آپ سب کے پیار میں ہیں ۔

سیما علی · آج بوقت 1:17 شام

مفتی صاحب
یہ تابش لب لعلیں یہ شعلۂ آواز
تمام بزم تری گفتگو سے روشن ہے

عبداللہ محمد · آج بوقت 1:21 شام