محترم م حمزہ بھائی سے مصاحبہ!

م حمزہ

محفلین
یہ شعر اقبال کا تو ہرگز نہیں ہے۔
مندرجہ بالا شعر جنابِ جوش کے اس شعر کی تحریف شدہ شکل ہے۔

سنو اے ساکنانِ خاکِ پستی! ندا کیا آرہی ہے آسماں سے
کہ آزادی کا ایک لمحہ ہے بہتر غلامی کی حیاتِ جاوداں سے
میں نے بھی اپنی طرف سے کوئی کسر نہیں چھوڑی تھی اسے اقبال سے منسوب کرنے کی۔ پر افسوس۔
روزنامہ جنگ کی ویب سائٹ میں یہ شعر اسی طرح ہے جس طرح آپ نے نقل فرمایا ہے۔ خیر جو ہونا تھا سو ہوچکا ہے۔ ویسے بھی اس سے کم ہی فرق پڑتا ہے کہ یہ کس کا شعر ہے۔ بات اپیلنگ تھی اور رہی سہی کسر حالات اور کم سنی نے پوری کردی۔ کشمیر کے ہر بچے بچے کی زبان پریہ ہوتا تھا۔ اور وہ زمانہ بھی ایسا تھا کہ ایسی بات کیلئے ثبوت مانگے ہی نہ جاتے تھے۔
 

م حمزہ

محفلین
لسلام علیکم م حمزہ بھائی !!!
ہماری جناب سے آپ کی خدمت میں سوالات باغرض جوابات پیش خدمت ہے ۔آپ پہلے پوچھے گئے سوالات کے جوابات مکمل کرلیں اور پھر ہمارے سوالات کے جوابات دینے کا آغاز فرمائیں ۔آپ اپنی پسند کے سوال کو مدنظر رکھتے ہوئے جواب دیں ۔

وعلیکم السلام ورحمۃ اللہ!
سوال تو جواب کیلئے ہی پوچھا جاتا ہے۔ خیر میں کوشش کررہا ہوں آپ کے سوالوں کا جواب دینے کی۔
 
آخری تدوین:

عظیم

محفلین
بہت خو ب بھائی @م حمزہ، لگتا ہے میری باری نہیں آئے گی ایک ایک سوال کرنے کی۔ ابھی بھائی عدنان نے بھی ایک مراسلہ سوالات کا ارسال کیا ہوا ہے !
 

م حمزہ

محفلین
01 : اردو محفل پر آمد کیسے ہوئی ، اردو محفل فورم کی ایسی کیا خصوصیات ہیں جن کی وجہ سے آپ نے محفل کی رکنیت حاصل کی؟
2015 کے اوائل کی بات ہے ایک جاننے والے نے مجھے واٹس اپ پرکئی مزاحیہ پیغامات ارسال کئے۔ مجھے اچھے لگے۔ تجسس نے چین سے رہنے نہیں دیا۔ گوگل میں ڈھوںڈا اور سیدھے یہاں۔ پھر جب ورق گردانی کی تو کئی اچھے مضامین نظر آئے ۔ خاص طور سے مذہبی مضامین پر جو بحث یہاں ہوتی تھی وہ میری دلچسپی کے مرکز بن گئے۔ لیکن مجھے خاموش قاری بن کر رہنا زیادہ اچھا لگا۔ اس لئے رکنیت اختیار نہیں کی۔

پچھلے سال اس ضمن میں ایک صاحب نے کچھ ایسی باتیں تحریر کردیں کہ میرا خون کھول اُٹھایا۔ قلم اُٹھا اور ایک لمبا بھاشن کاغذ پر لکھ ڈالا۔ پھر محفل پر اندراج بھی کرنا پڑا۔ لیکن اللہ نے کرم کیا کہ اچانک مجھے کمپیوٹر چھوڑ کر کسی کام کیلئے اٹھنا پڑا۔ اس دن مہلت نہیں ملی کہ وہ مراسلہ پوسٹ کردیتا۔ دو دن بعد واپسی ہوئی تو سارا غصہ اتر چکا تھا۔ پھر ایک بار خاموش قاری ۔۔۔ خیر 2018 میں میرا پہلا مراسلہ آپ کے نام ہی تھا۔ لیکن اس وقت بھی سوچا نہ تھا کہ اتنی دلچسپی پیدا ہوگی۔ اس کے بعد آپ کو پتا ہی ہے۔
 
آخری تدوین:

م حمزہ

محفلین
03 : اردو محفل کے کون سے محفلین سے آپ متاثر ہیں، اس کی کیا وجوہات ہیں ؟
متاَثر ہونا الگ بات ہے اور عزت کرنا الگ۔ عزت میں سب کی کرتا ہوں، بڑوں کی بھی اور چھوٹوں کی بھی۔ اور سب سے سیکھ بھی رہا ہوں۔ لیکن متاَثر ہونے میں وقت لگتا ہے۔ اور میں ابھی نیا ہی ہوں۔
 
آخری تدوین:

م حمزہ

محفلین
04 : اردو محفل کے 05 ایسے محفلین کا نام تحریر کریں جن کو آپ پسند کرتے ہیں اور پسندیدگی کس وجہ سے ہے یہ بتائیں ؟
درجہ بندی نہیں کرسکتا۔ ناممکن۔ کیوںکہ مجھے سب کے سب پسند ہیں۔ پسند سب اس لئے ہیں کہ سب کو اسی اللہ نے پیدا کیا جس نے مجھے کیا ہے۔ اللہ کی تخلیق کو ناپسند کیسے کروں۔
 

م حمزہ

محفلین
05 : اردو محفل پر ہونے والے بحث و مباحثے آپ کی نظر میں علم و تحقیق کے مطابق ہوتے ہیں یا بس وقت گزاری کی جاتی ہے ؟
کچھ بحث و مباحثے بہت ہی اچھے ہوتے ہیں جیسے شاعری یا ٹیکنالوجی کے متعلق۔ یا کبھی سیاست یا مذہب کی باپت۔ کبھی کچھ خامیاں بھی نظر سے گزرتی ہیں لیکن اتنے بڑے پلیٹ فارم پر اور اتنی ڈائیورسٹی میں ایسا ہونا کوئی اچھنبا نہیں ہے۔ ایک جگہ کسی صاحب نے قران کے یا تفسیر کے متعلق رائے دریافت کی تھی کہ وہ کونسا پڑھے۔ پھر جتنے اور جیسے اس کو جواب ملے ، اللہ خیر کرے۔
 

م حمزہ

محفلین
06 : اردو محفل آپ کی نظر میں اردو زبان کی جو خدمت کر رہی ہے تو آپ اس سے مطمئن ہے یا اس میں اور بہتری لانے کی گنجائش ہے؟
میں منتظمین اور تمام محفلین کو دل سے مبارک باد دیتا ہوں جنہوں نے اتنا گراں قدر کارنامہ سرانجام دیا ہے۔ جتنا کام یہاں پہ ہوا ہے یہ کوئی معمولی بات نہیں ہے۔ اور رضاکارانہ طور پر!!! دل سے دعا نکلتی ہے سب کیلئے خاص طور سے ابتداء سے لیکر آج تک جتنے بھی اس محفل کو منتظمین یا مدیران ملے ہیں ان کیلئے۔ اردو داں طبقہ خصوصاً جو اس محفل سے فیض حاصل کرے ان منتظمین و مدیران کا مرہونِ منت رہنا چاہیے۔ خیر اس پر پھر کبھی قلم، میرا مطلب کی بورڈ کا استعمال کروںگا۔ اس وقت اتنا ہی کافی ہے۔

رہی بہتری لانے کی گنجائش، تو وہ ہر حال اور ہر جگہ ہوتی ہے۔ اور یہاں بھی ہوسکتی ہے۔
 

م حمزہ

محفلین
07 : اردو محفل کے منتظمین کی طرف سے آپ کو مدیر بنانے کا فیصلہ کیا جائے تو آپ یہ فیصلہ قبول کریں گے ؟
دینار کتنے ملیں گے؟
یہ تو ازراہِ تفنن کہا۔ میرے اندر مدیر کیا لائبریرین بننے کی بھی صلاحیت نہیں ہے۔ میں ہدف کو حدف۔ چگ کو چکھ، پریسکرپشن کو ڈسکرپشن لکھتا ہوں، اور نہ جانے کیا کیا۔
 

م حمزہ

محفلین
09 : اردو محفل کی ترقی اور کامیابی کے لیے آپ کے پاس کیا آئیڈیاز ہیں ؟
سب سے پہلے جس کی آپ کو اور مجھے سب سے زیادہ ضرورت ہے ایسا سافٹ وئر بنایا جائے جو اردو میں لکھی جارہی املا کی غلطیوں کی ساتھ ساتھ ہی نشاندہی کرے جیسا کہ مائیکرو سافٹ آفس میں ہوتا ہے۔

مراسلے لکھنے کیلئے اتنے ہی آپشنز ہوں جتنے ایم ایس وورڈ میں ہوتے ہیں۔

محفل کی ترویج و اشاعت کا کام زیادہ سے زیادہ پھیلا جائے تاکہ اس محفل کو اور زیادہ شعرا و اُدبا میسر آجائیں جن کی تحریروں سے اس محفل کی شان میں چار چاند لگ جائیں۔

شاعری اور نثر کے مقابلے شروع کیے جاسکتے ہیں۔
 

م حمزہ

محفلین

م حمزہ

محفلین
بہت خو ب بھائی @م حمزہ، لگتا ہے میری باری نہیں آئے گی ایک ایک سوال کرنے کی۔ ابھی بھائی عدنان نے بھی ایک مراسلہ سوالات کا ارسال کیا ہوا ہے !
عظیم بھائی!
عدنان بھائی کو چلتا کردیا ہے۔ آپ شوق سے پوچھیں جو بھی پوچھنا ہو۔ جواب دینا ہماری مرضی۔
 

م حمزہ

محفلین
تو پہلا سوال یہ ہے کہ وہاں پردیس میں کون کون سا کھانا بنانا سیکھا ہے؟
میرے ایک دوست نے بھیجا فرائی کرنا سکھایا ہے۔

خیر! سچ یہ ہے کہ میں کچھ زیادہ ہی اچھا کھانا کھانے کا شوقین نہیں ہوں۔ نکھرے بھی نہیں کرتا۔ جو بھی اور جیسا بھی بن جائے کھاسکتا ہوں ۔ بس عام سے کھانے بنانے آتے ہیں۔ یہاں سوپ، فول، اور بریانی (مٹن ، چکن، انڈا وغیرہ) بنانا سیکھا ہے۔
 

عظیم

محفلین
میرے ایک دوست نے بھیجا فرائی کرنا سکھایا ہے۔

خیر! سچ یہ ہے کہ میں کچھ زیادہ ہی اچھا کھانا کھانے کا شوقین نہیں ہوں۔ نکھرے بھی نہیں کرتا۔ جو بھی اور جیسا بھی بن جائے کھاسکتا ہوں ۔ بس عام سے کھانے بنانے آتے ہیں۔ یہاں سوپ، فول، اور بریانی (مٹن ، چکن، انڈا وغیرہ) بنانا سیکھا ہے۔
فول تو بہت زیادہ کھاتے ہیں عرب والے۔ مصر کے کچھ لوگوں کے ساتھ میں نے کام کیا ہوا ہے، وہ لوگ تقریبا روزانہ ہی فول بنایا کرتے تھے۔ (مجھے نہیں)

پاکستان کے علاوہ اگر کسی ملک میں زندگی بسر کرنا پڑے تو کون سا ملک پسند کریں گے؟
 
Top