محبت کے موضوع پر اشعار!

[شمشاد]

ہاں یاد مجھے تم کر لینا آواز مجھے تم دے لینا
اس راہ محبت میں کوئی درپیش جو مشکل آ جائے
(بہزاد لکھنؤی)

 

[سیما علی]

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
مرزا غالب

 

[سیما علی]

دونوں جہان تیری محبت میں ہار کے
وہ جا رہا ہے کوئی شب غم گزار کے

فیض احمد فیض

 

[سیما علی]

زندگی کس طرح بسر ہوگی!!!
دل نہیں لگ رہا محبت میں
جون ایلیا

 

[مومن فرحین]

محبت بری ہے بری ہے محبت
کہے جا رہے ہیں کیے جا رہے ہیں
جون ایلیا

 

[سیما علی]

اک لفظ محبت کا ادنیٰ یہ فسانا ہے
سمٹے تو دل عاشق پھیلے تو زمانہ ہے!
جگر مراد آبادی

 

[سیما علی]

ہم سے کیا ہو سکا محبت میں
خیر تم نے تو بے وفائی کی!!

فراق گورکھپوری

 

[مومن فرحین]

لب تک آئی تھی شکایت کہ محبت نے کہا
دیکھ ! پچھتائے گا ، خاموش ، یہ دستور نہیں

 

[سیما علی]

کروں گا کیا جو محبت میں ہو گیا ناکام
مجھے تو اور کوئی کام بھی نہیں آتا!!!!!

غلام محمد قاصر

 

[سیما علی]

انجام وفا یہ ہے جس نے بھی محبت کی
مرنے کی دعا مانگی جینے کی سزا پائی!!!!!!!
نشور واحدی

 

[سیما علی]

تم محبت کو کھیل کہتے ہو۔۔
ہم نے برباد زندگی کر لی۔۔
بشیر بدر

 

[سیما علی]

مسافروں سے محبت کی بات کر لیکن
مسافروں کی محبت کا اعتبار نہ کر۔۔۔

عمر انصاری

 

[سیما علی]

مجھے اب تم سے ڈر لگنے لگا ہے
تمہیں مجھ سے محبت ہو گئی کیا۔
جون ایلیا

 

[سیما علی]

نہ پوچھو حسن کی تعریف ہم سے،،،،،
محبت جس سے ہو بس وہ حسیں ہے

عادل فاروق

 

[سیما علی]

ہم محبت میں بھی توحید کے قائل ہیں فرازؔ
ایک ہی شخص کو محبوب بنائے رکھا۔۔۔۔

احمد فرازؔ

 

[سیما علی]

سنا ہے اس کو محبت دعائیں دیتی ہے
جو دل پہ چوٹ تو کھائے مگر گلہ نہ کرے

قتیل شفائی

 

[سیما علی]

کچھ وقت کی روانی نے ہمیں یوں بدل دیا محسن۔۔۔۔
وفا پر اب بھی قائم ہیں، مگر محبت چھوڑ دی ہم نے
(محسن نقوی)

 

[سیما علی]

داستاں ختم ہونے والی ہے
تم مری آخری محبت ہو۔۔۔
جون ایلیا

 

[سیما علی]

محبت کرنے والوں کی تجارت بھی انوکھی ہے
منافع چھوڑ دیتے ہیں خسارے بانٹ لیتے ہیں۔۔

فیض احمد فیضؔ

 

[شمشاد]

اب کیوں نہ زندگی پہ محبت کو وار دیں
اس عاشقی میں جان سے جانا بہت ہوا
(احمد فراز)