مجنوں کہو نہ اس کو جو لیلیٰ میں کھو گیا ٭ راحیلؔ فاروق

محمد عدنان اکبری نقیبی نے 'پسندیدہ کلام' کی ذیل میں اس موضوع کا آغاز کیا، ‏دسمبر 2, 2019

  1. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,898
    جھنڈا:
    Pakistan
    موڈ:
    Cheerful
    مجنوں کہو نہ اس کو جو لیلیٰ میں کھو گیا
    جو جس میں کھو گیا وہی وہ آپ ہو گیا

    کیا شیخ نے بِہشت کی تصویر کھینچ دی
    ایک اور اجَل گِرِفتہ خرابات کو گیا

    مُلّا کو بھینٹ کی یہ بُری چاٹ لگ گئی
    سرمد شہید خون سے مسجد بھگو گیا

    ہجراں غُنودگی میں غنیمت گزر گئے
    آغوش میں غزل کی میں غم کھا کے سو گیا

    اے تو کہ تو نے میں نہیں رہنے دیا مجھے
    اپنا پتا پکار کہ میں خود سے کھو گیا

    اَسرار یوں تو سر میں سمانے کے تھے نہیں
    سودا سما گیا تو سبھی کچھ سمو گیا

    دل باغ باغ تھا مگر اس نے خبر نہ لی
    اچھی زمین دیکھ کے غم بیج بو گیا

    سجدے نے توڑ دی تھی عَزازیل کی کمر
    عاجز وہ ہے کہ بارِ امانت بھی ڈھو گیا

    روتی گئی ہے وقت کی راہوں پہ عاشقی
    ایک ایک سنگِ میل کو سیلاب دھو گیا

    باتیں تو تھیں وہی جو ہمیشہ کی ہیں مگر
    راحیلؔ حرف حرف میں نغمے پرو گیا

    راحیلؔ فاروق
     
    • پسندیدہ پسندیدہ × 3
    • زبردست زبردست × 1
  2. چودھری مصطفی

    چودھری مصطفی محفلین

    مراسلے:
    407
    بہت خوب
     
    • دوستانہ دوستانہ × 1
  3. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,898
    جھنڈا:
    Pakistan
    موڈ:
    Cheerful
    پسنددیدگی کا شکریہ ،
     

اس صفحے کی تشہیر