ماہنامہ کمپیوٹنگ ایک بار پھر

[باسم]

ماہنامہ "کمپیوٹنگ" چار ماہ کے وقفے کے بعد ایک بار پھر چھپ گیا ہے۔
جولائی 2008 کے شمارہ کا ٹائٹل دیکھیے۔
http://computingpk.com/forums/download/file.php?id=1090

 

[arifkarim]

شکریہ باسم، اگر ہو سکے تو اسکو سکین کرکے اپلوڈ کر دینا۔ میں‌ نے پہلی بار اردو میں‌ کمپیوٹنگ کے متعلق کوئی ماہنامہ دیکھا ہے۔ یہاں‌ پر ہزاروں‌ ہر ہفتے چھپتے ہیں

 

[نبیل]

بھائی صاحب، کیوں ان کے کاروبار کو نقصان پہنچانے کی بات کر رہے ہو۔

 

[خرم]

اگر پڑھنے کا شوق ہے تو خرید کر پڑھیے۔ ان کی محنت کا انہیں معاوضہ تو دیجئے۔

 

[arifkarim]

اگر پڑھنے کا شوق ہے تو خرید کر پڑھیے۔ ان کی محنت کا انہیں معاوضہ تو دیجئے۔

اگر چند سنیپس پوسٹ کر دیں گے، صرف انڈیکس کے ہی تو کیا قیامت آجائے گی؟؟؟

 

[خرم]

چلیں انڈیکس کی حد تک تو بات سمجھ آتی ہے لیکن وہ تو ٹائپ بھی کیا جا سکتا ہے۔ بس یہ خیال رہے کہ شمارہ چھاپنے میں کئی لوگوں کی محنت لگی ہوتی ہے اور ان کا معاوضہ اسی صورت میں ادا ہو سکتا ہے جب ہم آپ خرید کر وہ شمارہ پڑھیں۔ اگر ہم اس طرح سکین کرکے انکی محنت کو مفت بانٹتے پھریں گے تو پھر ان کے گھر کا چولہا بجھانے کی ذمہ داری بھی ہماری ہوگی۔

 

[شمشاد]

شکریہ باسم، اگر ہو سکے تو اسکو سکین کرکے اپلوڈ کر دینا۔ میں‌ نے پہلی بار اردو میں‌ کمپیوٹنگ کے متعلق کوئی ماہنامہ دیکھا ہے۔ یہاں‌ پر ہزاروں‌ ہر ہفتے چھپتے ہیں

عارف بھائی صرف 35 روپے قیمت ہے یا پھر صرف 500 روپے دے کر سالانہ خریدار بن جائیں اور گھر بیٹھے یہ آپ کے گھر پہنچ جایا کرے گا۔

 

[شمشاد]

باسم بھائی بہت شکریہ۔

ٹائٹل میں لگا دیتا ہوں، علمدار بھائی بھلے ہی غصہ کریں۔

 

[arifkarim]

عارف بھائی صرف 35 روپے قیمت ہے یا پھر صرف 500 روپے دے کر سالانہ خریدار بن جائیں اور گھر بیٹھے یہ آپ کے گھر پہنچ جایا کرے گا۔

کیا بیرون ملک بھی بھجواتے ہیں‌ یہ؟‌انکی کوئی سائت لنک؟

 

[شمشاد]

جی یہ ماہنامہ بیرون ملک بھی جاتا ہے لیکن اس کے پیسے کچھ زیادہ ہوتے ہیں۔

اور یہ رہا اس کا ربط :

ماہنامہ کمپیوٹنگ

 

[شہزاد وحید]

پاکستان میں پہلے بھی کمپوٹر اور اتٹرنیٹ سے متعلق اردو میں ماہنامے شروع ہوئے تھے لیکن بند ہو جاتے ہیں، کمپیوٹنگ بھی ڈاوا ڈول ہو رہا ہے۔

 

[شمشاد]

بات تو آپ کی بجا ہے، لیکن کیا وجہ ہے کہ کمپیوٹر کے متعلق اردو کے ماہنامے کچھ عرصہ بعد بند ہو جاتے ہیں۔

 

[arifkarim]

بات تو آپ کی بجا ہے، لیکن کیا وجہ ہے کہ کمپیوٹر کے متعلق اردو کے ماہنامے کچھ عرصہ بعد بند ہو جاتے ہیں۔

ہماری فطرت میں یہ شامل ہے کہ کسی اچھی چیز کو زیادہ عرصہ تک دیکھ نہیں‌ سکتے۔۔۔۔۔۔۔۔۔
سیاسی لیڈروں کا حال آپکے سامنے ہے

 

[شمشاد]

بات کو سنجیدگی سے لیں۔ میں نے یہاں کئی ایک دوستون سے کہا ہے کہ بھائی صرف پانچسو روپے کی بات ہے، آپ سالانہ خریدار بن جائیں۔ ان میں سے سب نے ہی یہ جواب دیا کہ بھائی پڑھا تو انگریزی میں ہے اب اردو کے ماہنامے سے کیا فائدہ ہو گا؟

 

[ابو کاشان]

آپ کی بات بالکل صحیح ہے۔ ان کی اردو سے محبت اپنی جگہ لیکن جب تک معاشی خوشحالی نہیں ہوگی ساری محبت ہوا ہو جائے گی۔ ہم ان سے تعاون نہیں کریں گے تو کیا آرمینیا سے آ کر لوگ خریدیں گے۔
دوسری طرف انگریزی میں تعلیم یافتہ لوگوں کو اس زبان سے ہی اتنا کچھ مل جاتا ہے کہ انھیں اردو سے کوئی دلچسپی نہیں رہتی۔

 

[شمشاد]

پاکستان میں تو مفت میں چھاپ کر بانٹنا تو بہت مشکل ہے۔ اگر اصل خرچہ ہی نکل آئے تو بڑی بات ہے۔

جہاں تک کمپیوٹر اور انگریزی کا تعلق ہے تو یہ ایک حقیقت ہے کہ اس کے متعلق پاکستان میں ہر کام انگریزی میں ہی ہے، پڑھائی انگریزی میں، پروگرامنگ انگریزی میں تو اس کے متعلق جو کچھ اردو میں کیا جا رہا ہے وہ واقعی داد و تحسین کے قابل ہے۔ اس کو ابھی خاصا وقت اور محنت کی ضرورت ہے کہ انگریزی کی طرح عام ہو سکے۔