شاہ حسین مائے نی میں کنوں آکھاں۔۔۔

[فرحت کیانی]

مائےنی میں کنوں آکھاں!
درد وچھوڑے دا حال نی۔
دھواں دھکھے میرے مرشد والا،
جاں پھولاں تے لال نی۔
سُولاں مار دیوانی کیتا،
برہوں پیا ساڈے خیال نی۔
دُکھاں دی روٹی، سُولاں دا سالن،
آہیں دا بالن بال نی۔
جنگل بیلے پھرے ڈھڈیندی،
اجے ناں پائیو لال نی۔
رانجھن رانجھن پھراں ڈھڈیندی،
رانجھن میرے نال نی۔
کہے حُسین فقیر نمانا،
شوہ ملے تے تھیواں نہال نی۔

۔۔۔۔۔شاہ حُسین

 

[محمد وارث]

بہت خوب، لا جواب کلام۔

 

[امیداورمحبت]

بہت خوب فرحت ،بہت اچھا انتخاب ہے-

آج پہلی دفعہ ہی پنجابی فورم کو پڑھنے کا اتفاق ہوا ہے -

 

[فاتح]

واہ۔۔۔ خوبصورت
حامد علی بیلا نے بہت ہی خوبصورت انداز میں گایا بھی ہے اسے۔ اور ہاں پٹھانے خان نے بھی گایا ہے۔

 

[محب علوی]

بہت ہی عمدہ فرحت اور اس کا پہلا مصرعہ تو لتا نے بھی گایا ہے۔

 

[عمر سیف]

بہت خوب۔۔۔۔۔

 

[الف نظامی]

برہوں پیا ساڈے خیال نی۔
اس مصرع وچ "برہوں" دا کی معنا اے؟

 

[فاتح]

برہوں پیا ساڈے خیال نی۔
اس مصرع وچ "برہوں" دا کی معنا اے؟

برہوں: ہجر / فراق / جدائی

سیج سُتی نینیں نیند نہ آوے، ظالم برہوں آن ستاوے
لکھاں کتاب، بھیجاں در تیرے، دل دا حرف پچھانی دا
(شاہ حسین)

 

[فرخ منظور]

مائےنی میں کنوں آکھاں!
گلوکار: حامد علی بیلا

 

[فاتح]

'اقبال باہو' شاہ حسین دی ایہو کافی گاندیاں ہویاں

 

[تلمیذ]

برہوں پیا ساڈے خیال نی۔
اس مصرع وچ "برہوں" دا کی معنا اے؟

برہوں دا مطلب اے ہجر، جدائی، فراق ۔ اردو وچہ اینہوں 'برہا' آکھدے نیں۔ ' برہا کی آگ'


برہوں وچہ تجنا پَیندا اے آسائشاں نوں آراماں نوں
کنڈیاں تے ٹرنا پَیندا اے، گلبدناں نوں گلفاماں نوں

کیوں تِکھیاں شوخ نگاہواں نوں سُرمے دیاں چَساں دینائیں
تیراں نے بوجھل ہو جانا اے، تیراں تے چاہڑ نہ شاماں نوں

میں راز محبت اہدی دا، دل آپنے وچہ چھپایا سی
اج شوخ پُنے وچہ ہنجواں نے دس دتا خاصاں عاماں نوں

- - - - پیر فضل گجراتی

 

[فاتح]

ٹینا ثانی دی آواز وچ

 

[تلمیذ]

ساریاں نے آپنے آپنے رنگ وچہ خوب گایا اے پر حامد علی بیلا دی کیا ای بات اے !!

 

[فرخ منظور]

'اقبال باہو' شاہ حسین دی ایہو کافی گاندیاں ہویاں

شکریہ حضرت لیکن اے کافی سن کے صرف حامد علی بیلا ای ذہن وچ آؤندا اے۔ اے کافی گاون تو پہلے حامد علی بیلا نے وی ایہو گل کیتی اے کے اے کافی بڑے گلوکارں نے گائی اے پر جو حامد علی بیلا نے گائی اے او کوئی نئیں گا سکدا۔

 

[الف نظامی]

بہت شکریہ فاتح‌۔

برہوں وچہ تجنا پَیندا اے آسائشاں نوں آراماں نوں
کنڈیاں تے ٹرنا پَیندا اے، گلبدناں نوں گلفاماں نوں

کیوں تِکھیاں شوخ نگاہواں نوں سُرمے دیاں چَساں دینائیں
تیراں نے بوجھل ہو جانا اے، تیراں تے چاہڑ نہ شاماں نوں

میں راز محبت اہدی دا، دل آپنے وچہ چھپایا سی
اج شوخ پُنے وچہ ہنجواں نے دس دتا خاصاں عاماں نوں

- - - - پیر فضل گجراتی

بہت شکریہ تلمیذ،‌ پیر فضل گجراتی ہوران دا کلام پیش کرن لئی، نوازش!

 

[فاتح]

میری بولی پنجابی نئیں تے ایس کر کے اردو دا اک محاورہ ایتھے ورتن دی اجازت چاہنا واں:
عاطف اسلم نے وی "ریڑھ ماری" اے ایس کافی دی۔
کافی بہتی زیادتی کیتی اے ایس ظالم نے ایس کافی دے نال۔ خورے ایہہ "پاپ" کردیاں میرا مطلب اے گاندیاں ایتھے کداں آ وڑیا اے؟

 

[فرخ منظور]

میری بولی پنجابی نئیں تے ایس کر کے اردو دا اک محاورہ ایتھے ورتن دی اجازت چاہنا واں:
عاطف اسلم نے وی "ریڑھ ماری" اے ایس کافی دی۔
کافی بہتی زیادتی کیتی اے ایس ظالم نے ایس کافی دے نال۔ خورے ایہہ "پاپ" کردیاں میرا مطلب اے گاندیاں ایتھے کداں آ وڑیا اے؟

اللہ رحم کرے۔ میں تے اے عاطف اسلم دی گائی ہوئی اے کافی سننا ہی نئیں چاندا۔

 

[فرخ منظور]

برہوں دا مطلب اے ہجر، جدائی، فراق ۔ اردو وچہ اینہوں 'برہا' آکھدے نیں۔ ' برہا کی آگ'


برہوں وچہ تجنا پَیندا اے آسائشاں نوں آراماں نوں
کنڈیاں تے ٹرنا پَیندا اے، گلبدناں نوں گلفاماں نوں

کیوں تِکھیاں شوخ نگاہواں نوں سُرمے دیاں چَساں دینائیں
تیراں نے بوجھل ہو جانا اے، تیراں تے چاہڑ نہ شاماں نوں

میں راز محبت اہدی دا، دل آپنے وچہ چھپایا سی
اج شوخ پُنے وچہ ہنجواں نے دس دتا خاصاں عاماں نوں

- - - - پیر فضل گجراتی

ایک برہا گانا بھی ہوتا ہے جس کا مطلب برہا یعنی فراق اور جدائی کے گیت گانا۔

 

[تلمیذ]

کافی بہتی زیادتی کیتی اے ایس ظالم نے ایس کافی دے نال۔ خورے ایہہ "پاپ" کردیاں میرا مطلب اے گاندیاں ایتھے کداں آ وڑیا اے؟

اینیہاں پاپ گان آلیان نوں کافی گان تے سُنن دی رمز دا کیہہ پتا، سرکار۔

مینوں شہزاد رائے دا گایا ہویا علامہ اقبال دا کلام 'یارب دلِ مسلم کو وہ زندہ تمنا دے' یاد آگیا اے۔

 

[تلمیذ]

ایک برہا گانا بھی ہوتا ہے جس کا مطلب برہا یعنی فراق اور جدائی کے گیت گانا۔

بالکل ٹھیک، کہہ سکدے او، ایہہ مطلب وی لے سکدے او۔