فورم سوفٹویر مائی بی بی 1.6+ کے لیے اردو ایڈیٹر انٹگریشن

نبیل

تکنیکی معاون
السلام علیکم،
مائی بی بی کو اس وقت بہترین اوپن سورس فورم سوفٹویر مانا جاتا ہے اور اس کی فیچرز کا کمرشل فورم سوفٹویر کی فیچرز سے مقابلہ کیا جا سکتا ہے۔ میں نے کافی عرصہ قبل مائی بی بی کے ورژن 1.4 پر مبنی ایک اردو پیکج جاری کیا تھا جس میں محفل فورم کے ہی ایک ممبر کا تیار کردہ اردو ترجمہ شامل تھا۔ اس وقت مائی بی بی کا ورژن 1.6.1 منظر عام پر آ چکا ہے۔ کئی دوست اس ورژن میں اردو ایڈیٹر کی انٹگریشن کے سلسلے میں مجھ سے رابطہ کر چکے ہیں۔ حال ہی میں مکی بھائی نے بھی اردو کوڈر فورم کو بھی مائی بی بی سوفٹویر پر منتقل کر دیا ہے۔ میں یہاں مائی بی بی کے ورژن 1.6.1 میں اردو ایڈیٹر کی شمولیت کے لیے ہدایات فراہم کر رہا ہوں اور اس کے لیے ضروری فائلیں بھی مہیا کر رہا ہوں۔ جب بھی موجودہ ورژن کا اردو ترجمہ دستیاب ہوگا، میں مکمل اردو پیکج بھی تیار کر دوں گا۔ مائی بی بی میں پروٹوٹائپ جاوا سکرپٹ فریم ورک استعمال ہوتا ہے۔ اسی لیے اس میں اردو ایڈیٹر کو بطور پروٹوٹائپ پلگ ان کے شامل کیا گیا ہے۔ میں نے پروٹوٹائپ کے اردو ایڈیٹر پلگ ان کو بھی اپڈیٹ کیا ہے اور اس کے کئی بگ دور کیے ہیں۔

اردو ایڈیٹر انٹگریشن کے لیے ضروری فائلیں

میں اس مرتبہ مائی بی بی میں اردو انٹگریشن کو بطور ایک موڈ کے فراہم کر رہا ہوں۔ یہ انٹگریشن دو تھیم فائلوں اور دو جاوا سکرپٹ فائلوں کی شکل میں ہے۔ ذیل کی دو فائلوں کو مائی بی بی کے jscripts فولڈر میں کاپی کرنے کی ضرورت پیش آئے گی:

general.js
webpad-prototype.js

جبکہ ذیل کی دو تھیمز کو مائی بی بی کے ایڈمن سیکشن میں جا کر امپورٹ کیا جائے گا:

mybb_theme_asiatype.xml
mybb_theme_jameel_noori_nastaleeq.xml

ان تھیمز میں ایڈٹ ایریاز میں اردو ایڈیٹر انٹگریشن کے ساتھ ساتھ ان کی سٹائل شیٹ میں بھی اردو فونٹس کے اعتبار سے ایڈجسٹمنٹ شامل ہے۔ اس بات کا خیال رکھیں کہ ان تھیم کو امپورٹ کرتے وقت Ignore Version Compatibility والے چیک باکس کو چیک کر دیں جیسا کہ ذیل کی تصویر میں دکھایا گیا ہے:

version_ignore.png


اگر بالا کے چیک باکس کو چیک نہ کیا جائے تو ایک ایرر وقوع پذیر ہوتی ہے جیسا کہ ذیل کی تصویر میں دکھایا گیا ہے:

theme_error.png


امپورٹ کرنے کے بعد ان میں سے کسی ایک تھیم کو بطور ڈیفالٹ سیٹ کرکے مطلوبہ نتائج حاصل کیے جا سکتے ہیں۔

متعلقہ فائلیں اٹیچمنٹ والی زپ فائل سے حاصل کی جا سکتی ہیں۔ اردو ایڈیٹر انٹگریشن کے سلسلے میں پیش آنے والے مسائل اور سوالات کے بارے میں اسی تھریڈ کو استعمال کیا جا سکتا ہے۔
والسلام
 

Attachments

  • mybb_1601_urdu_suppprt.zip
    151.9 KB · مناظر: 51

مکی

معطل
بہت شکریہ نبیل بھائی، آپ نے مائی بی بی کے حوالے سے ایک بہت بڑا مسئلہ حل کیا ہے، میں نے آپ کے اس پلگ ان کو اردو کوڈر لینکس فورم پر شامل کردیا ہے، اس حوالے سے کچھ مسائل کی طرف آپ کی توجہ دلانا چاہوں گا:

نئے دھاگے کے صفحہ پر پیغام لکھنے کے خانے میں اگرچہ اوپن پیڈ شامل نظر آتا ہے تاہم یہ کام نہیں کرتا، البتہ موضوع کے خانے میں یہ بالکل ٹھیک کام کرتا ہے:

screenshot001nu.png


فوری جواب کے خانے میں یہ بالکل ٹھیک کام کرتا ہے تاہم جیسے ہی آپ لکھنا شروع کرتے ہیں ایک طویل افقی سکرول بار نمودار ہوجاتا ہے:

screenshot002fq.png


screenshot004qe.png


مزید کچھ ملا تو گوش گزار کروں گا.
 

طاہر شیخ

محفلین
اردو لک تو مائی بی بی 2۔1۔14 استعمال کر رہا ہے
ہاں انہوں نے اردو پیک انسٹال کے لئے فراہم تو کیا ہے لیکن اس میں ابھی بہت سے بگ ہیں
ایک تو ترجمہ میں بہت سے خامیاں ہیں دوسرا کچھ جگہوں پر اردو پیڈ بھی کام نہیں کر رہا
 

طاہر شیخ

محفلین
میرے پاس تو نیاموضوع شروع کرنے پر موضوع کے بکس میں اردو پیڈ نظر ہی نہیں آ رہا اس کے علاوہ لاگ ان پیج پر بھی اردو پیڈ نہیں دکھائی دے رہا
یہ جاوا فائل اردو لک کے مائی بی بی میں شامل ہیں اس میں بھی یہی مسائل ہیں لیکن پیغام لکھنے پر اقفی سکرول بار جس کا ذکر مکی صاحب نے کیا اور وہ مسئلہ ان میں نہیں ہے
ڈاؤن لوڈ اردو پیڈ جاوا سکرپٹ
 

راجہ صاحب

محفلین
اردو لک کی جاوا فائل کے ساتھ نبیل صاحب کی تھیم استعمال کرنے سے نیا موضوع شروع کرنے پر موضوع کے ٹیکسٹ بکس اور میسج بکس میں اردو پیڈ کام کر رہا ہے میسج بکس میں افقی سکرول بار بھی نہیں آ رہا لاگ ان پیج پر بھی اردو پیڈ کام کر رہا ہے
 

راجہ صاحب

محفلین
اب سب ٹھیک ہے
پلگ ان کو ڈی ایکٹیویٹ کر کے دوبارہ ایکٹیویٹ کیا ہے تو سب کچھ ٹھیک ہو گیاہے

یعنی مزے ہی مزے :grin:
 

نبیل

تکنیکی معاون
مجھے بھی لگتا ہے کہ کوئی براؤزر کیشنگ کا مسئلہ ہے۔ براؤزر کیش ڈیلیٹ کرکے دیکھیں۔ امید ہے کہ اس سے معاملہ ٹھیک ہو جائے گا۔

اردو منظر پر کونسی تھیم استعمال ہوئی ہوئی ہے، اور یہ کھل کیوں نہیں رہا ہے؟
 

راجہ صاحب

محفلین
براؤزر کی کیشے ڈیلیٹ کرنے سے اردو پیڈ تو فعال ہو گیا ہے لیکن سکرول بار کا مسئلہ حل نہیں ہوا
تھیم تو ڈیفالٹ ہی ہے
اردو لک ابھی پرانے ورژن 2۔1۔14 پر ہے
نیا ورژن تو انہوں نے ڈاؤنلوڈ کے لئے دیا ہے
 
السلام علیکم
میں مائی بی بی کے 1.4ورژن پر ویڈیو داخل کرنے سے قاصرہوں ۔میرے پاس تو ویڈیو کا بٹن ہی نہیں بنا ہوا آرہا ہے۔۔۔اس کا کیاحل ہوسکتا ہے؟؟؟
 
اس موڈ کو انسٹال کر لیں
پھر صرف یو آر ایل پیسٹ کرنے سے ویڈیو پوسٹ ہو جائے گی
راجہ صاحب توجہ فرمانے کا شکریہ لیکن مسئلہ ابھی بھی جوں کا توں ہی ہے میں نے پلگ ان انسٹال تو کردیا ہے مگر اب بھی لنک پیسٹ کرنے سے صرف لنک ہی نمودار ہوتا ہے ویڈیو نہیں۔۔۔
کیا کیا جائے؟
 
Top