مائیکروسوفٹ کا لینکس کو سپورٹ کرنے کا اعلان

[نبیل]

یہ غالباً انفارمیشن ٹیکنالوجی میں حالیہ وقتوں کی سب سے دھماکہ خیز خبر ہے۔ خبروں کے مطابق مائیکروسوفٹ اور نوویل (Novell) جو کہ سوزے لینکس (Suse Linux) مارکیٹ کرتا ہے، آئندہ ایسی ٹیکنالوجیز ڈیویلپ کرنے میں تعاون کریں گے جن کے ذریعے لینکس اور ونڈوز کو ساتھ ساتھ ایک ہی کمپیوٹر پر استعمال کرنا آسان ہو جائے گا۔ اس کے علاوہ مائیکروسوفٹ سوزے لینکس کی مارکیٹنگ میں بھی تعاون کرے گی۔ ابھی اس کی تفصیلات آنا باقی ہیں اور عنقریب ایک پریس کانفرنس میں اس ڈیل کی تفصیلات بیان کی جائیں گی۔ دوسری جانب آئی ٹی انڈسٹری کے تجزیہ نگاروں نے طرح طرح کی افواہوں اور اندازوں سے آسمان سر پر اٹھا لیا ہے۔

 

[دوست]

آج کل بہت دھماکے ہورہے ہیں لینکس کی دنیا میں۔
گوگل نے لینکس کے میدان میں‌کودنے کا فیصلہ کرلیا ہے۔ اوریکل نے بھی لینکس کی سپورٹ کا اعلان کردیا ہے۔ اور اب مائیکرو سافٹ کیسے پیچھے رہ سکتا تھا۔

 

[قیصرانی]

میرا خیال یہ ہے کہ مائیکروسافٹ لینکس کی قبر کھودنے کی کوشش کر رہا ہے۔ ڈیسک ٹاپ پر پہلے ہی مائیکرو سافٹ نے بہت بڑی مارکیٹ سنبھالی ہوئی ہے۔ سرور اینڈ پر لینکس چھایا تھا۔ اب مائیکروسافٹ لینکس کی سرور ٹیکنالوجی کے ذریعے یہ میدان بھی اپنے نام کرنا چاہ رہا ہے

 

[دوست]

جبکہ لینکس اب ڈیسکٹاپ پر بھی چھا رہا ہے۔ اس کو آپ کیا کہیں گے۔
اوبنٹو اور اس طرح کی دوسری اقسام تیزی سے مقبول ہورہی ہیں۔

 

[قیصرانی]

بھائی جی، بات بہت عجیب سی ہے۔ ساری گیم ایک دوسرے کو نیچا دکھانے کی چل رہی ہے۔ اب مائیکروسافٹ کے عروج یا کاروباری ترقی کی وجہ یہی تھی کہ ونڈوز ہر یوزر کو الگ سے بیچی جاتی تھی لیکن یوزر اس کو مزید آگے مفت تقسیم کرنے سے معذور ہوتا تھا (قانونی طور پر) اب اگر ونڈوز لینکس کو اپناتی ہے، تو کیا مائیکروسافٹ اس کی ہر کاپی کو اسی قیمت پر بیچ پائے گا جس پر ونڈوز بکتی ہے؟ اگر ہاں تو اس بات کی کیا گارنٹی ہوگی کہ ہر یوزر اسے آگے نہیں‌ بیچے گا؟

دوسرا وہ افراد جو مائیکروسافٹ کے آپریٹنگ سسٹم کو اچھا سمجھتے ہیں، کیا وہ اس بات کو اچھا سمجھیں گے کہ ونڈوز اپنے اصل کام کو چھوڑ کر اپنے مقابل کی نقالی پر لگ گئ ہے؟

اس طرح کے بہت سے سوالات ہیں‌جو تشنہ طلب ہیں۔ اب دیکھیں، وقت گزرنے پر ہی پتہ چلے گا کہ حقیقت کیا ہے

 

[نبیل]

میرے خیال یوزر اس بات کو بالکل برا نہیں مانیں گے کہ مائیکروسوفٹ لینکس کے ساتھ بہتر انٹر آپریٹ کرنا چاہ رہا ہے۔ یہ بات یوزرز کے حق میں ہی جاتی ہے کہ وہ دونوں آپریٹنگ سسٹم بہتر طور پر ساتھ ساتھ استعمال کر سکیں۔ گزشتہ کئی سال سے Vmware, Colinux اور cygwin کی صورت میں اسی کی کاوش ہوتی رہی ہے۔ دوسرے اس پوری خبر میں نقالی کا کوئی ذکر نہیں ہے۔ جہاں تک نقالی کا تعلق ہے تو لینکس کے گنوم اور کے ڈی ای کیا ونڈوز کے انٹرفیس کی نقالی نہیں ہیں؟