1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

لیڈر سے خطاب۔نظمِ معری برائے اصلاح

منذر رضا نے 'اِصلاحِ سخن' کی ذیل میں اس موضوع کا آغاز کیا، ‏جولائی 6, 2019

  1. منذر رضا

    منذر رضا محفلین

    مراسلے:
    302
    جھنڈا:
    Pakistan
    السلام علیکم
    اساتذہ سے اصلاح کی درخواست ہے
    الف عین
    یاسر شاہ
    محمد وارث
    سید عاطف علی

    یہ عجیب سی بستی
    اور عجیب سے افراد
    جن کے بخت ہیں تاریک
    جن کا قصہ فرسودہ
    خوف جن کا پیراہن
    جہل جن کے سر کا تاج
    مسکراہٹیں جن کی
    بے بسی کی زنجیریں
    کھلکھلاہٹیں جن کی
    بے کسی کی تصویریں
    تشنۂ محبت ہیں
    ان کو ہے ضرورت صرف
    پیار کی محبت کی
    تم انہیں محبت دو
    بے پناہ محبت دو
    تم انہیں ڈراؤ مت
    تم انہیں بھگاؤ مت
    تم۔انہیں جلاؤ مت
    اور یاد رکھنا تم
    تم اگر نہ یہ کر پائے
    ان کو دور ہی رکھا
    اپنے آپ سے تم نے
    پھر یہ لوگ نکلیں گے
    اور تمہیں چبائیں گے
    محل بھی جلائیں گے
    خود ہی خود کو بدلیں گے
    اس لیے ذرا سوچو
    آگ چاہتے ہو یا
    پھول چاہتے ہو تم
    جنگ چاہتے ہو یا
    امن چاہتے ہو تم

    شکریہ!
     
    • پسندیدہ پسندیدہ × 2
  2. سید عاطف علی

    سید عاطف علی محفلین

    مراسلے:
    7,053
    جھنڈا:
    SaudiArabia
    موڈ:
    Cheerful
    یہاں تم کی تکرار اگر چہ کچھ زیادہ عیب نہیں بلکہ تاکید کے طور پر قابل قبول ہے ۔ لیکن یاد رکھنا والے مصرع میں تسلسل رواں نہیں اسے یوں کہنا چاہیئے ۔
    اور یہ بھی رکھنا یاد۔
    یہ ایک مثال ہے اسی طرح مجموعی تسلسل اور روانی پوری نظم میں ذرا اور بہتری لاسکتی ہے کیوں کہ قافیہ سے معری ہونے کی آزادی ہے ۔
    بہر حال نظم اچھی ہے ۔
     
    آخری تدوین: ‏جولائی 7, 2019
    • پسندیدہ پسندیدہ × 2
    • متفق متفق × 1
  3. الف عین

    الف عین لائبریرین

    مراسلے:
    33,314
    جھنڈا:
    India
    موڈ:
    Psychedelic
    تم انہیں محبت دو
    بے پناہ محبت دو
    دوسرا مصرع بحر سے خارج ہو جاتا ہے اور محبت کی تکرار اس پہ مستزاد۔ دوسرے مصرعے میں چاہت کر دو درست ہو جائے گا
    عنوان بھی اس قسم کا راست دینے کی ضرورت نہیں
    خوف کی بستی
    یا اس قسم کا عنوان بہتر ہو گا
     
    • پسندیدہ پسندیدہ × 3

اس صفحے کی تشہیر