لَفظوں کا دُکھ کیا ہوتا ہے، ہَم سے پوچھو - (غزل)

[عؔلی خان]

*~* غزل *~*

لَفظوں کا دُکھ کیا ہوتا ہے، ہَم سے پوچھو
پیار بِنا جِیون کیسا ہے، ہَم سے پوچھو

بِھیگی آنکھوں سے تو سَب روتے ہیں لیکن
خُشک آنکھوں سے رونا کیا ہے، ہَم سے پوچھو

شَام ڈَھلے جَب گھر واپس نہ آئے کوئی
پھر اُس گھر مِیں کیا جَلتا ہے، ہم سے پوچھو

رَوشنیوں مِیں آنکھیں اَندھی ہو جاتی ہیں
پھر آنکھوں کو کیا دِکھتا ہے، ہم سے پوچھو

© عؔلی خان – www.AliKhan.org/book.pdf