1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

قومی زبان کی اہمیت

سیما علی نے 'ہمارا معاشرہ' کی ذیل میں اس موضوع کا آغاز کیا، ‏مئی 30, 2021

  1. سیما علی

    سیما علی لائبریرین

    مراسلے:
    21,622
    جھنڈا:
    Pakistan
    موڈ:
    Cool
    قومی زبان کی اہمیت
    قرطاسِ ادب

    [​IMG]
    دنیا کی پانچ ہزار سالہ تاریخ میں ایک بھی قوم ایسی نہیں جس نے کسی دوسری زبان میں ترقی کی ہو۔۔

    دنیا کا جدید ترین ملک اسرائیل، اسرائیل میں کسی کو انگریزی نہیں آتی۔

    کم مدت میں انتہائی ترقی کرنے والا ملک جرمنی ، جہاں لوگ انگریزی سے نفرت کرتے ہیں۔

    دنیائے اسلام کا ترقی یافتہ ملک ترکی جہاں استاد سے لے کر آرمی چیف۔ اور سائنسدان سے لے کر چیف جسٹس تک سارا نظام ترک زبان میں ہے۔

    چین میں کوئی سرکاری یا نجی عہدہ دار انگریزی زبان بولتا نظر نہیں آئے گا۔

    ایران کا تمام سرکاری نظام فارسی میں ترتیب دیے گئے ہیں، یہاں ہر سال نوبل انعام کے لیے کوئی نہ کوئی نامزد ہوتا ہے۔

    پتا نہیں کس نے ہمارے دماغ میں بٹھادیا کہ ہم انگریزی کے بغیر ترقی نہیں کرسکتے؟

    عجیب ہے کہ اردو ادب کی تاریخ ہزار سالہ پرانی ہےاور انگریزی ادب تین سو سال سے پہلے نظر نہیں آتا۔

    ہمیں اپنی زبان کو اہمیت دینی ہوگی اگر دنیا میں نام بنانا ہے تو۔

    ساری دنیا ترقی کر گئی اپنی زبان کی بدولت اور ہم نے آدھی عمر گنوادی انگریزی زبان سیکھتے سیکھتے...

    قومی زبان کی اہمیت
     
    • زبردست زبردست × 1
    • معلوماتی معلوماتی × 1
  2. عثمان

    عثمان محفلین

    مراسلے:
    10,300
    موڈ:
    Cheerful
    سیما علی صاحبہ، تحریر کا معیار اور ساخت دیکھتے ہوئے میرا خیال تھا کہ کوئی وائرل ٹوئٹ یا کسی واٹس ایپ گروپ کا بھٹکا ہوا مراسلہ ہوگا لیکن یہ تو اردو کے ایک معروف روزنامہ کا شائع کردہ اداریہ نکلا۔
    اسرائیل میں کسی راہگیر سے انگریزی کے جملے سننا کیا مشکل ہوگا؟ جدید ترک زبان جو اپنے حروف تہجی ہی لاطینی طرز پر استوار کر چکی ہے وہ کب سے قومی زبان کے حق میں مثال کے طور پر پیش ہونے لگی؟
    ولیم شکسپئیر اور جیفری چاسر ساڑھے چار سو سال اور سات سو سال پرانے ہیں۔ انگریزی کے تانے بانے اس سےبھی پیچھے جاتے ہیں۔
    اس تحریر کے محض پہلے فقرے پر ہی تبصرہ کرتے ہوئے عرض کروں گا کہ امریکی قوم کی مثال لیجیے جنہوں نے ناصرف قومی زبان میں ترقی کا مغالطہ غلط ثابت کیا بلکہ قوم کی روایتی تعریف ہی کو ازسرنو تبدیل کر ڈالا۔ مختلف نسل، زبان، تاریخ اور اقدار کے حامل دنیا کے مختلف خطوں، ملکوں اور معاشروں سے آئے لوگوں نے ایک بلکل نئی طرز کی قوم بن کر ترقی پائی۔ وہاں اب نہ تو اینگلو سیکسن کوئی واضح اکثریت میں ہیں اور نا امریکی انگریزی وہ انگریزی رہی ہے۔
    ترقی کسی زبان کی محتاج نہیں۔ انگریزی کی اور نہ ہی کسی قومی زبان کی۔ کوئی بھی خاص زبان ایک سہولت ہے جس سے لوگ فائدہ اٹھاتے ہیں اور کیوں نہ اٹھائیں۔ پاکستان میں انگریزی کے حوالے سے بات کی جائے تو پاکستان کے شہری انگریزی سے ایک واضح تعلق رکھتے ہیں۔ جرمنوں، چینیوں اور ایرانیوں کو انگریزی بولنے اور اس سے تعلق جوڑنے میں دقت ہے، پاکستانیوں کو نہیں۔ اس سلسلے میں کوئی عذر پیش کرنے کی ضرورت نہیں۔
    روزنامہ جنگ کو چاہیے کہ اپنی قومی زبان کو اہمیت دینے کا آغاز اپنے اداریے سے کرے ۔ معلومات کی تصدیق سے بھی پہلے کم از کم بے ربط جملوں کو ایک مضمون کی طرز دینے کی کوشش کریں۔
     
    • متفق متفق × 2
  3. زیک

    زیک محفلین

    مراسلے:
    40,938
    جھنڈا:
    UnitedStates
    موڈ:
    Aggressive
    اسرائیل دنیا کا جدید ترین ملک نہیں ہے اور اکثر اسرائیلی کچھ انگریزی جانتے ہیں کہ سکول میں پڑھائی جاتی ہے۔

    جرمنی کو کم مدت میں ترقی کرنے والا قرار دینا بھی سمجھ سے باہر ہے۔ معلوم نہیں لوگ انگریزی سے نفرت کرتے ہیں یا نہیں (میں جتنی بار بھی گیا ان سے انگریزی ہی بولی اور نفرت محسوس نہ کی) لیکن اکثریت انگریزی جانتی ہے۔
     
    • متفق متفق × 2
  4. سیما علی

    سیما علی لائبریرین

    مراسلے:
    21,622
    جھنڈا:
    Pakistan
    موڈ:
    Cool
    ہمارا مطلب قعطناً ایسا نہ تھا بس مقصد قومی زبان کو اہمیت دینا تھی درست کہا آپ نے ۔۔۔جب دوبارہ پڑھا تو بہت ساری غلطیاں ہیں ۔۔۔۔
     
  5. سیما علی

    سیما علی لائبریرین

    مراسلے:
    21,622
    جھنڈا:
    Pakistan
    موڈ:
    Cool
    صد فی صد درست دوبارہ پڑھنے پر بہت سی باتیں درست نہیں بس مقصد قومی زبان کو اہمیت دینا تھی کبھی کبھی ہم قومی زبان کے معاملے میں جانبدار ہو جاتے جو کسی طور صحیح نہیں ٹھنڈے دل سے جب پڑھا تو خامیاں نظر آئیں ۔۔۔۔
     
    • دوستانہ دوستانہ × 1
  6. سیما علی

    سیما علی لائبریرین

    مراسلے:
    21,622
    جھنڈا:
    Pakistan
    موڈ:
    Cool
    کبھی کبھی آپ پر وہ کیفیت ہوتی جب آپ کو صرف اپنی زبان کی حمایت میں آپ بہت زیادہ جانبدار ہوجاتے ہیں اور جب واقعتاً ٹھنڈے دماغ سے پڑھتے ہیں تو بالکل ٹھیک نہیں لگتا اسی لئیے بزنس کمیونیکشن میں جو آپ سوچ رہے ہوتے ہیں وہی آپ پڑھ رہے ہوتے ہیں اور لکھ بھی وہی رہے ہوتے ہیں جو سوچ رہے ہوتے ہیں ۔۔۔ہمیں بہت احساس ہوا کہ اس مضمون کی بہت سی باتیں درست نہیں ہماری غلطی کہ ہم نے وقتی طور پر اُس سے متاثر ہو کر شئیر کیا ۔۔۔
     
  7. سیما علی

    سیما علی لائبریرین

    مراسلے:
    21,622
    جھنڈا:
    Pakistan
    موڈ:
    Cool
    سچ بتاؤں تو اس وقت ہمارے ذہن میں انگلینڈ میں کسی کے کہے ہوئے جملے گونج رہے تھے وہ انگریزی کی حمایت میں اسقدر آگے نکل گئیے کے کہتے ہیں کون سی قومی زبان جسکو ہم خود نہیں مانتے ۔۔ اور ہمیں قائل کرنے لگے کہ آپ نے کیوں مشینری اسکول سے پڑھا اور پھر اپنے بچوں کو بھی پڑھایا کہ اسلئے کہ انگریزی اچھی بول سکیں ۔۔مگر اُس وقت بھی ہمارا جواب یہی تھا کہ سب کے باوجود قومی زبان کی اہمیت کو نظر انداز نہیں کیا جاسکتا ۔۔۔۔
     
    • معلوماتی معلوماتی × 1

اس صفحے کی تشہیر