فاتح صاحب از استاد جی ۔ بے آواز فلاں فلاں

[عسکری]

تبھی میں کہوں اتنی خاموشی کیوں ہے۔

ویسے اس سے بھی برے القابات سے نوازا گیا ہے ہمیں کوئی فرق نا پڑا اب تک ۔ چرسی موالی تو کچھ بھی نہیں

 

[رانا]

مجھے تو ابھی سے ڈر لگ رہا ہے کہ نجانے کیا کیا انکشافات ہوں اگلے خاکے میں۔۔۔ پہلے مقدس نے مسکین بھیگا بلا بنا کر روح فرسا انکشافات کیے اور بعد ازاں رانا بھائی نے ہمارے ادبی کیریئر کی تباہی کا ذمہ لے لیا۔۔۔ اب بچا کھچا نام ہے وہ تم خاکہ کھینچ کر مٹا دو گی۔ ہاہاہاہا

اچھا!! میرے تو ذہن سے نکل ہی گیا تھا کہ مقدس بہنا بھی آپ کی کھچائی کرچکی ہیں۔ تبھی تو!! میں بھی کہوں کوئی بہنا بھی ہمدردی نہیں جتا رہی بھیا سے۔
اب خیال آیا کہ ایک بہنا تو خود اس طرز کی کاروائی میں ملوث ہیں اور دوسری پر تول رہی ہیں۔

 

[رانا]

ویسے اس سے بھی برے القابات سے نوازا گیا ہے ہمیں کوئی فرق نا پڑا اب تک ۔ چرسی موالی تو کچھ بھی نہیں

ارے عسکری بھائی دل پہ مت لیجئے گا۔ سب مذاق تھا۔ تحریر کی ریکوائرمنٹ تھی ورنہ ہمیں پتہ ہے اُس کوچے میں بھی سارے اپنے یار دوست ہی ہیں۔۔۔

 

[عائشہ عزیز]

ارے ہماری مانو بہنا تو رہ ہی گئی۔ میں تو ابھی اٹھنے لگا تھا آفس سے۔ ابھی نظر پڑی کہ مانو بہنا کو بھی پسند آئیں تھیں ہماری آڑی ترچھی لکیریں۔ بہت بہت شکریہ مانو بہنا۔

بھیا اتنا اچھا تو لکھا آپ نے

 

[عسکری]

ارے عسکری بھائی دل پہ مت لیجئے گا۔ سب مذاق تھا۔ تحریر کی ریکوائرمنٹ تھی ورنہ ہمیں پتہ ہے اُس کوچے میں بھی سارے اپنے یار دوست ہی ہیں۔۔۔

اور اس کوچے والے دن بھر شریف ہوتے ہیں یہ بات بھی ہے

 

[مقدس]

بہت شکریہ مقدس بہنا۔
بھیا کے راز کھلتے دیکھ کر آپ کو مزہ آرہا ہے بہت خوب۔ فاتح بھائی خبر لیں گے آپ کی۔

میں کوئی ڈرتی تھوڑی ہوں بھیا
کھسک جاؤں گی آرام سے
ہی ہی ہی

 

[نیلم]

زبردست تحریر

 

[تعبیر]

آپ کو پسند آیا بہت شکریہ تعبیر جی۔ اتنی ساری ریٹنگز ایک ساتھ۔ بہت نوازش۔

آپ کی تحریروں کے لیے زبردست بھی کم ہے ویسے
اچھا آپ کا شاگرد بننے کے لیے کیا کیا شرائط ہیں؟؟؟
مجھے بھی سیکھنا ہے اس طرح لکھنا

 

[مقدس]

اچھا!! میرے تو ذہن سے نکل ہی گیا تھا کہ مقدس بہنا بھی آپ کی کھچائی کرچکی ہیں۔ تبھی تو!! میں بھی کہوں کوئی بہنا بھی ہمدردی نہیں جتا رہی بھیا سے۔
اب خیال آیا کہ ایک بہنا تو خود اس طرز کی کاروائی میں ملوث ہیں اور دوسری پر تول رہی ہیں۔

ویسے بھی فاتح بھیا سے باقی سب ڈرتے ہوں گے۔۔ ایک میں ہی تو ہوں جس سے فاتح بھیا ڈرتے ہیں۔۔ پوچھ لیں ان سے

 

[رانا]

زبردست تحریر

بہت شکریہ نیلم بہنا پسند کرنے کے لئے۔

 

[محمد خلیل الرحمٰن]

بھئی واہ! مزہ آگیا۔

انشاء جی نے فیض صاحب کی پول کھول کر کچھ کم کیا تھا جو آپ نے فاتح بھائی کو بھی کہیں کا نہ رکھا۔ واقعی سچ سچ ہی ہوتا ہے، کتنا ہی کڑوا کیوں نہ ہو ۔

رانا بھائی داد قبول کیجیے اور فاتح بھائی کی اس سنجیدہ رائے پر زندگی میں کبھی سنجیدگی سے غور کرلیجیے گا۔ ( اگر ابھی غور کرنے بیٹھ گئے تو ہم جیسے نامی گرامی مزاح نگار کا تو بھٹا ہی بیٹھ جائے گا)

بھئی قطع نظر اس کے کہ ہم پر لکھا ہے، بہت ہی اعلیٰ لکھا ہے۔ آپ "سنجیدگی" سے "مزاح" لکھا کریں۔

 

[رانا]

آپ کی تحریروں کے لیے زبردست بھی کم ہے ویسے

بہت شکریہ تعبیر جی اس حوصلہ افزائی کا۔ آپ کی محبتیں ہیں۔
آپ نے شائد مقدس کی مسکین بھیگا بلا نہیں پڑھی۔ وہ تو بہت ہی زبردست ہے۔

اچھا آپ کا شاگرد بننے کے لیے کیا کیا شرائط ہیں؟؟؟

صرف ایک۔ وہی جو سب استادوں کی ہوتی ہے۔ یعنی دس کلو مٹھائی۔ہاہاہاہاہا۔

مجھے بھی سیکھنا ہے اس طرح لکھنا

بھئی ایسا لکھنے کی کچھ شرائط ہیں۔ سب سے پہلے تو ایک عدد شاعر کا ہونا ضروری ہے۔ پھر ان کی دو چار غزلوں کا پڑھ کر کم از کم دو پر داد دینا ضروری ہے۔ تاکہ بوقت ضرورت کام آئے۔۔۔۔ہاہاہا
مذاق برطرف میں تو سمجھتا ہوں لکھنے کے لئے صرف دل میں لکھنے کا خیال آنا ہی کافی ہے۔ اور پھر خیالات الفاظ کی شکل بکھیر دیں۔ بس۔ جملوں کی آہستہ آہستہ خود ہی کچھ نہ کچھ شکل بن جاتی ہے۔

 

[رانا]

بھئی واہ! مزہ آگیا۔
انشاء جی نے فیض صاحب کی پول کھول کر کچھ کم کیا تھا جو آپ نے فاتح بھائی کو بھی کہیں کا نہ رکھا۔ واقعی سچ سچ ہی ہوتا ہے، کتنا ہی کڑوا کیوں نہ ہو ۔
رانا بھائی داد قبول کیجیے اور فاتح بھائی کی اس سنجیدہ رائے پر زندگی میں کبھی سنجیدگی سے غور کرلیجیے گا۔ ( اگر ابھی غور کرنے بیٹھ گئے تو ہم جیسے نامی گرامی مزاح نگار کا تو بھٹا ہی بیٹھ جائے گا)

بہت بہت شکریہ خلیل بھائی۔
چلیں جب کبھی آپ سے ان بن ہوئی تو ضرور غور کروں گا۔

 

[تعبیر]

بہت شکریہ تعبیر جی اس حوصلہ افزائی کا۔ آپ کی محبتیں ہیں۔
آپ نے شائد مقدس کی مسکین بھیگا بلا نہیں پڑھی۔ وہ تو بہت ہی زبردست ہے۔

جی پڑھی ہے لیکن اسکے استاد کا نہیں نا پتہ جبکہ یہاں تو استاد خود موجود ہیں تو میں نے سوچا کہ کیوں نا ڈاریکٹ بات کی جائے
تب مقدس اور فاتح سے اتنیجان پہچان نہیں تھی اس لیے وہاں کوئی تبصرہ نہیں کیا
تب نا فاتح سے ڈر بھی لگتا تھا

صرف ایک۔ وہی جو سب استادوں کی ہوتی ہے۔ یعنی دس کلو مٹھائی۔ہاہاہاہاہا۔

یہاں تو ہم خود مٹھائی کو ترستے ہیں آپ کو کیسے دے سکتی ہوں

بھئی ایسا لکھنے کی کچھ شرائط ہیں۔ سب سے پہلے تو ایک عدد شاعر کا ہونا ضروری ہے۔ پھر ان کی دو چار غزلوں کا پڑھ کر کم از کم دو پر داد دینا ضروری ہے۔ تاکہ بوقت ضرورت کام آئے۔۔۔ ۔ہاہاہا

شاعری اللہ توبہ

مذاق برطرف میں تو سمجھتا ہوں لکھنے کے لئے صرف دل میں لکھنے کا خیال آنا ہی کافی ہے۔ اور پھر خیالات الفاظ کی شکل بکھیر دیں۔ بس۔ جملوں کی آہستہ آہستہ خود ہی کچھ نہ کچھ شکل بن جاتی ہے۔

میرے ساتھ تو اکثر ایسا ہوتا ہے کہ اکثر کچھ ذہن میں آجاتا ہے لیکن پھر وہ دماغ سے پتہ نہیں کہاں اور کیسے چلا جاتا ہے۔
آپ کے جواب کے لیے بہت بہت شکریہ خوش رہیے اور لکھتے رہیے

 

[رانا]

شاعریاللہ توبہ​

ارے بھئی یہ مراد تھوڑا ہی ہے کہ خود کو شاعری آتی ہو۔ میرا مطلب تھا کہ ایک عدد شاعر سے واقفیت ہونی چاہئے۔ جسے تختہ مشق بنایا جاسکے۔ ورنہ خود مجھے شاعری کی الف بے بھی نہیں معلوم کہ وزن کس بھاؤ ملتا ہے اور بحر کس دریا کی رانی ہے۔ میں نے ابھی کچھ دن پہلے بارہ دری میں بہناز اور بھیاز کے درمیان ایک عدد قطعہ شئیر کیا تھا جو اگر میں "آپ کی شاعری پابند بحور" والے سیکشن میں شئیر کرتا تو دیکھنے والوں کے تاثرات کچھ ایسے ہوتے:
الف عین:
وارث بھائی:
فاتح بھائی:
محمد احمد:
بلال:
شمشاد بھائی:
سعود بھائی:

 

[فاتح]

جی پڑھی ہے لیکن اسکے استاد کا نہیں نا پتہ جبکہ یہاں تو استاد خود موجود ہیں تو میں نے سوچا کہ کیوں نا ڈاریکٹ بات کی جائے

آپا! یہاں پر ایک آدھ استاد ہی نہیں بلکہ خود ساختہ (بڑے استاد کی نشانی یہی ہوتی ہے کہ وہ خود بنتا ہے، کوئی اسے بناتا نہیں ) اساتذہ کرام موجود ہیں مثلاً رانا بھائی، مقدس بیٹی اور عدوِ اسلامی جمہوریہ

تب مقدس اور فاتح سے اتنیجان پہچان نہیں تھی اس لیے وہاں کوئی تبصرہ نہیں کیا
تب نا فاتح سے ڈر بھی لگتا تھا

اور اب یہ عالم ہے کہ فاتح کو آپ سے ڈر لگتا ہے۔

 

[محمد بلال اعظم]

آپا! یہاں پر ایک آدھ استاد ہی نہیں بلکہ خود ساختہ (بڑے استاد کی نشانی یہی ہوتی ہے کہ وہ خود بنتا ہے، کوئی اسے بناتا نہیں ) اساتذہ کرام موجود ہیں مثلاً رانا بھائی، مقدس بیٹی اور عدوِ اسلامی جمہوریہ
ماشاءاللہ
کیا بات ہے آپ کی، کیا خوب ترکیب ہے۔

اور اب یہ عالم ہے کہ فاتح کو آپ سے ڈر لگتا ہے۔

 

[مدیحہ گیلانی]

مرکزی خیال
ڈائری کا ایک ورق
27 جولائی 2049

آج ذہن پرانی یادوں کی جگالی کرتے ہوئے ماضی میں کہیں دور بھٹک گیا ۔ سبیل اس کی یوں بنی کہ سر شام ہی ٹی وی پر ایک مشاعرہ آرہا تھا جس میں ملک کے نامور شاعر فاتح الدین بشیر صاحب اپنا کلام سنا رہے تھے اور خوب داد سمیٹ رہے تھے۔ ہمیں وہ دن یاد آگئے جب فاتح صاحب نے ابھی نئی نئی شاعری شروع کی تھی اور ہم سے داد لیا کرتے تھے۔ بڑی محنت کی تھی ہم نے فاتح میاں کو اس مقام تک پہنچانے میں۔ اب یاد آتا ہے تو ابھی کل ہی کی بات لگتی ہے۔ انہیں شاعری کا شوق کیا ہوا ہماری شامت آگئی۔ ہر وقت اصلاح لینے کے لئے آگے پیچھے پھرا کرتے تھے۔ لیکن ہم نے بھی کبھی انکار نہیں کیا کہ نگاہ دوربین سے بھانپ گئے تھے کہ ان میں شاعری کے اچھے خاصے جراثیم ہیں کہیں ضائع نہ ہو جائیں۔ لیکن ان کی شاعری کو نکھارنے کے سفر میں بڑے بڑے کٹھن مرحلے بھی آئے۔ بس اوپر والے نے توفیق دی جو ہم نے اس جوہر کی تراش کرکے ایک اچھے شاعر کی صورت دی۔ کئی مرتبہ تو انکی حماقتوں سے انکا کیرئیر تباہ ہوتے ہوتے بچا اگر ہم بروقت معاملات سنبھال نہ لیتے تو آج کہیں نام بھی نہ ہوتا۔

ایک بار تو حد ہی کردی فاتح میاں نے۔ ایک مصرعہ ان کو بہت آیا ہوا تھا لیکن دوسرا سوجھتا نہ تھا۔ حسب روایت ہم سے مدد مانگی۔ ہم اس وقت ڈسکوری پر قطب جنوبی کے حوالے سے ایک ڈاکیومنٹری بڑے انہماک سے دیکھ رہے تھے بے دھیانی میں قطب جنوبی کا لفظ ہی منہ سے نکل گیا۔ بس پھر کیا تھا اندھا کیا چاہے دو آنکھیں فاتح میاں نے جھٹ دوسرے مصرعہ میں قطب شمالی کے ساتھ جڑ دیا ۔ اور پھر صبر بھی نہ کیا رات ہی رات میں دوستوں کی محفل میں شئیر بھی کردی۔ اب جو صبح اٹھ کر ہم نے دیکھا تو پریشان ہوئے کہ اب تو تدوین کا بھی وقت نہیں رہا۔ اب کیا ہوگا کہیں آغاز شباب میں ہی شاعرانہ کیرئیر ختم نہ ہوجائے ۔ ہم نے سوچا تیل دیکھیئے تیل کی دھار دیکھئے شائد کوئی راہ نکل آئے۔ اتنے میں دو تین دوستوں نے تعریف کردی بس جناب ہم نے بھی ڈونگرے برسا دیئے ہماری دیکھا دیکھی محفل کے منجھے ہوئے شاعر استادوں نے بھی داد دے ڈالی کہ بڑے استاد جی نے اگر داد دی ہے تو کچھ نہ کچھ تو ہوگا ہی۔ اصل میں قصور اس میں ان کا بھی اتنا نہیں بات ساری فرمابرداری کی ہے کہ ہمارے منہ سے اگر لگڑ بھگا بھی نکل جاتا تو بڑی عقیدت کا اظہار کرتے کہ استاد نے جو کچھ فرمایا ہے تو حکمت سے خالی تو نہ ہوگا کیا ہوا اگر ہماری سمجھ میں نہ آیا۔

ایسی لا ابالی کوئی ایک بار تو نہ کی ہوگی۔ کوئی دن نہ جاتا تھا جب ہمیں ان کی کسی بے تکی کاروائی کو سنبھالا نہ دینا پڑتا ہو۔ لیکن دوستی اور مروت ہم میں ایسی تھی کہ ماتھے پر شکن تک نہ لاتے تھے۔ ایسے ہی ایک بار کہیں سے ایک لفظ سن کر آگئے اور سر ہوگئے کہ ہمیں مطلب بتائیے فاحشہ کا۔ ہم نے سوچا ابھی کچی عمر ہے ۔ صحیح بتادیا تو کہیں خراب نہ ہوجائے اس لئے اصل مطلب تو نہ بتایا لیکن لوازمات کچھ اس طرح بے ترتیبی سے بتائے کہ کل کلاں کو اصل مطلب پتہ لگے تو ہمیں غلط بھی سمجھے اور اصل بھی نہ سمجھے۔ لیکن برا ہو اسکی شاعرانہ طبعیت کا کہ کوئی اور عنوان نہ ملا تو اسی پر غزل لکھ ماری۔ ہم نے دیکھا تو سمجھایا کہ میاں یہ کیا کردیا لوگ کیا کہیں گے۔ خدا لگتی کہتے ہیں اس پر تو کوئی داد کا مرض بھی نہ دے گا۔ کاہے کو خانہ اپنا خراب کرتے ہو۔ اب جو ہم نے تفصیل سے سمجھایا تو چہرے پر ہوائیاں اڑنے لگیں منتیں کرنے لگے کہ کوئی ترکیب نکالئے حضور ورنہ کہیں کا نہ رہوں گا۔ اس دل کی نرمی کا کیا کیجئے کہ پگھل گیا۔ پوری غزل غور سے پڑھی کہ شائد کسی سبیل رہائی ہو۔ تو نظر اپنے ہی ایک شعر پر جا ٹھہری جو فاتح میاں نے بغیر اجازت شامل کردیا تھا۔ بس پوری غزل میں وہی ایک شعر تھا جس کی تعریف کی جاسکتی تھی سو ہم نے سب سے پہلے جا کر اس شعر پر داد دے ڈالی۔ بس پھر کیا تھا داد کے انبار لگ گئے۔ فاتح میاں کوبھی اندازہ تھا کہ اس شعر کے علاوہ کوئی شعر داد کے قابل نہیں لیکن بہت ہی بھولے تھے فاتح میاں کہ محفل پر بھی اظہار کردیا کہ ہمیں پتہ تھا آپ کو یہی شعر پسند آئے گا۔

بس فاتح میاں سے کچھ ایسا تعلق ہوگیا تھا کہ صرف شاعری میں ہی نہیں عام اخلاقی تربیت میں بھی ہمارا بہت ہاتھ تھا ورنہ تو آج پتہ نہیں کہاں ہوتے۔ ہمارے محلہ سے دو تین کوس کے فاصلے پر ایک محلہ بنام کوچہ ملنگاں تھا۔ جہاں بھانت بھانت کے چرسی موالی جمع ہوکر ڈیرا جمائے رکھتے تھے۔ ہم اکثر فاتح میاں کو اس طرف سے گزرنے سے منع کرتے تھے کہ بری صحبت کا اثر ہوتےدیر نہیں لگتی۔ لیکن پتہ نہیں کس کے کہنے میں آکر وہاں اُٹھنا بیٹھنا شروع کردیا۔ ہم نے بہتیرا سمجھایا کہ میاں یہ شرفا کا طریق نہیں لوگ کیا کہیں گے۔ لیکن ہر بار ایک ہی جواب ہوتا کہ ہم کوئی ساتھ شامل تھوڑا ہی ہوتے ہیں بس گپ شپ تک رہتے ہیں۔ لیکن ہمیں پتہ تھا کہ صحبت کا اثر ہوکر ہی رہے گا۔ آخر وہی ہوا کہ ایک دن وائن ہاوس جا پہنچے اور بوتل کا مطالبہ کردیا۔ وہاں تو بکتی ہی بوتلیں تھیں کاونٹر بوائے نے ایک نکال کر رکھ دی لیکن کوچہ ملنگاں میں شرط لگا کر آئے تھے کہ ہم بڑی پیتے ہیں اس لئے اڑ گئے کہ ہمیں تو وہ چاہئے جو دروازے پر رکھی ہے۔ بار والوں نے بہترا سمجھایا کہ بھائی وہ بیچنے کی نہیں صرف شوپیس کے طور پر ہے لیکن کہاں مانتے تھے۔ تنگ آکر بار کے مالک نے کہ ہماری بڑی عزت کرتا تھا ہمیں فون گھمادیا کہ بھائی آپ ہی آئیے گا تو کچھ ہوگا۔ ہم بھاگم بھاگ پہنچے بڑا سمجھایا کہ میاں یہ بڑی بوتل بکنے کی نہیں۔ آخر چار بندوں سے وہ بوتل اُٹھوا کر الٹی کرکے دکھائی کہ دیکھو اس کے اندر کچھ بھی نہیں تو پھر کہیں جوش ٹھنڈا ہوا۔ ہم نے بارمین کے کان میں کہا کہ ایک صاف بوتل میں اورنج جوس بھر کر سیل کرکے دے دو۔ وہ ہم نے فاتح میاں کو پکڑائی اور گھسیٹتے باہر لے چلے۔ بار بار مڑ کر بڑی بوتل کو دیکھتے کہ شائد ہم نے انہیں الو بنادیا ہے لیکن کیا کرتے اپنے سامنے کیسے عزیز کو خراب ہوتے دیکھ سکتے تھے۔

بس کیا کیا بتائیں۔ کیا کیا دکھ نہیں جھیلے فاتح میاں کو اس مقام تک پہنچانے میں۔ آخر ہماری محنت رنگ لائی اور آج وہ کافی سمجھدار ہوگیا ہے اور شاعری میں بھی اصلاح کی ضرورت کچھ ایسی خاص محسوس نہیں ہوتی۔ البتہ ہماری عزت بہت کرتا ہے جانتا ہے کہ جو کچھ ہے ہماری ہی وجہ سے ہے۔ آج کے مشاعرے میں بھی فون کرکے بہت اصرار سے بلایا تھا مگر اب طبعیت گھبراتی ہے۔ بس فاتح میاں جہاں رہو خوش رہو۔​

واہ بےحد عمدہ لکھا آپ نے۔۔۔اور آپکی تحریر نے فاتح صاحب کے سارے پوشیدہ راز عیاں کر ڈالے ۔۔۔کہ درحقیقت ان کی تخلیقی صلاحیتوں میں نکھار لانے والے آپ ہی تھے۔ ورنہ وہ کہاں لکھ سکتے تھے آپ کی رہنمائی کے بغیر ۔۔۔ بلاشبہ بہت بڑے استاد ہیں آپ بلکہ استادلاساتذہ ہیں آپ مگر تحریر لاجواب ہے ۔جیتے رہیے۔

 

[رانا]

واہ بےحد عمدہ لکھا آپ نے۔۔۔ اور آپکی تحریر نے فاتح صاحب کے سارے پوشیدہ راز عیاں کر ڈالے ۔۔۔ کہ درحقیقت ان کی تخلیقی صلاحیتوں میں نکھار لانے والے آپ ہی تھے۔ ورنہ وہ کہاں لکھ سکتے تھے آپ کی رہنمائی کے بغیر ۔۔۔ بلاشبہ بہت بڑے استاد ہیں آپ بلکہ استادلاساتذہ ہیں آپ مگر تحریر لاجواب ہے ۔جیتے رہیے۔

آپ کا بہت بہت شکریہ اس حوصلہ افزائی اور پسندیدگی کے لئے۔

 

[تعبیر]

ارے بھئی یہ مراد تھوڑا ہی ہے کہ خود کو شاعری آتی ہو۔ میرا مطلب تھا کہ ایک عدد شاعر سے واقفیت ہونی چاہئے۔ جسے تختہ مشق بنایا جاسکے۔ ورنہ خود مجھے شاعری کی الف بے بھی نہیں معلوم کہ وزن کس بھاؤ ملتا ہے اور بحر کس دریا کی رانی ہے۔ میں نے ابھی کچھ دن پہلے بارہ دری میں بہناز اور بھیاز کے درمیان ایک عدد قطعہ شئیر کیا تھا جو اگر میں "آپ کی شاعری پابند بحور" والے سیکشن میں شئیر کرتا تو دیکھنے والوں کے تاثرات کچھ ایسے ہوتے:
الف عین:
وارث بھائی:
فاتح بھائی:
محمد احمد:
بلال:
شمشاد بھائی:
سعود بھائی:

اف اف اففف

پھر تو صحیح جگہ دستک دی ہے میں نے کہ آپ اقرار کر چکے ہیں کہ آپ شاعری بھی کر چکے ہیں
مجھے بھی دیں وہ لنک ۔میں اپکی کوئی بھی لکھی ہوئی تحریر مس کرنا نہیں چاہتی