غزل

[منفرد عطاری]

فکرِ سیرابئ صحرا نے کیا اندھا اسے

ورنہ کیا نرگس کو شوقِ دیدِ رعنائی نہیں



شو قِ تفریحِ چمن میں ترکِ صحرا کس لیے ؟

خوگرِ ِ صرصر ! صبا شایانِ سودائی نہیں



ہے سرابِ دشت آئینہ جنونِ قیس کو

چاک ِ دامان و گریباں نقص ِ زیبائی نہیں



حوضِ گلشن ہی مناسب اس تن آساں کیلیے

قانعِ شبنم کنول غواصِ دریائی نہیں



نغمۂ مرغ ِ چمن سے کاش ہم آہنگ ہو

رقصِ طا ٶ س ِ بیاباں شغلِ تنہائی نہیں


شاخ ِ سروِ پا بہ گِل ہے بے نیازِ آ شیا ں

حلقۂ قمری سراغِ مرغِ ہرجائی نہیں



چارۂ بیمارِ بے پروا دمِ عیسٰی سے ہے

نسخۂ پرہیز تجویزِ مسیحائی نہیں



از قبا چاکی ، فروغِ حسنِ اہل ِ گلستاں

جذبۂ زینت میں گل کو شرمِ رسوائی نہیں


خنجرِ بسمل ہو اے صیاد ! تلمیذِ صبا

شانۂ گلچیں مجازِ سنبل آرائی نہیں



یہ درازئ زباں از راہ ِ شوخی ہو تو ہو

سوسنِ گستاخ! تجھ کو طرزِ گویائی نہیں

شاعر : ✍منفؔرد عطاری

 

[فاخر رضا]

کچھ نہ سمجھے خدا کرے کوئی
اس کی شرح بھی لکھ دیں اگر سچ مچ کوئی مطلب ہے

 

[سید عاطف علی]

واہ ۔لیکن مطلع نہیں لائے ۔
اس کے بغیر تو غزل نہیں کہلا سکے گی۔
اشعار پسند آئے لیکن تصنع اورر تکلف سے بوجھل ہیں کئی جگہ۔

 

[الف عین]

مشکل پسندی ہنر ضرور ہے، اس لحاظ سے بہت خوب۔ لیکن پسندیدہ نہیں