غزل (2 جون ، 2023)

[خورشیداحمدخورشید]

محترم اساتذہ کرام سے اصلاح کی درخواست کے ساتھ:
الف عین ، ظہیراحمدظہیر ، سید عاطف علی ، عظیم ، یاسر شاہ

جبر کا پانی بھرنا چھوڑو
گھُٹ گھُٹ کر تم مرنا چھوڑو

اے کانٹوں سے ڈرنے والو
پیار گلوں سے کرنا چھوڑو

شان سے زندہ رہنا ہے تو
موت سے پھر تم ڈرنا چھوڑو

اندھیری راہوں کے راہی
ان راہوں پر چلنا چھوڑو

مشکل کا حل ڈھونڈو رہبر
ہڑتالیں اور دھرنا چھوڑو

زیر عدو کو کرنا ہے تو
آپس میں تم لڑنا چھوڑو

اوروں کی خوش حالی پر تُم
رشک کرو اور جلنا چھوڑو​

 

[اکمل زیدی]

آج تو 2 جون ہے

 

[ارشد چوہدری]

بہت خوبصورت غزل ، ماشاءاللہ

 

[محمد احسن سمیع راحلؔ]

غزل ایڈوانس میں ہی لکھ لی؟؟؟ لگتا ہے خورشید بھائی کے پاس کوئی اندر کی خبر آئی ہے جس کے لیے وہ تیاری کر رہے ہیں؟ ہم سے بھی یہ خفیہ معلومات شیئر کی جائے تب ہی ہم اصلاح کی طرف آئیں گے. 6 جون کو ایسا کیا ہونے جا رہا ہے؟

 

[خورشیداحمدخورشید]

آج تو 2 جون ہے

سر غلطی ہوگئی تھی،
سدھارنے کا طریقہ مل گیا اب غلطی سدھرگئی ہے۔

غزل ایڈوانس میں ہی لکھ لی؟؟؟ لگتا ہے خورشید بھائی کے پاس کوئی اندر کی خبر آئی ہے جس کے لیے وہ تیاری کر رہے ہیں؟ ہم سے بھی یہ خفیہ معلومات شیئر کی جائے تب ہی ہم اصلاح کی طرف آئیں گے. 6 جون کو ایسا کیا ہونے جا رہا ہے؟

سر راحل صاحب! غلطی ہوگئی تھی۔سدھارنے کا طریقہ مل گیا اب غلطی سدھرگئی ہے۔
اصلاح کی درخواست ہے۔

 

[خورشیداحمدخورشید]

بہت خوبصورت غزل ، ماشاءاللہ

ارشد بھائی! آپ کی تعریف کا بہت شکریہ۔ تعریف کرکے آپ نے میرا حوصلہ بڑھا دیا۔

 

[شکیل احمد خان23]

جبر کا پانی بھرنا چھوڑو۔۔۔۔۔۔۔ اِسے جبر کی بجائے جابر کردیں ۔۔۔۔۔جابر کا دم بھرنا چھوڑو
گھُٹ گھُٹ کر تم مرنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گھٹ گھٹ کر تم مرنا چھوڑو
اے کانٹوں سے ڈرنے والو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیار گلوں سے کرنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جابر کا دم بھرنا چھوڑو
اندھیری راہوں کے راہی۔۔۔۔۔۔۔۔۔۔۔۔۔۔۔۔۔۔۔۔۔۔۔۔اندھی راہوں کے او راہی۔۔۔۔۔۔۔۔۔۔۔گھٹ گھٹ کر تم مرنا چھوڑو
ان راہوں پر چلنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اندھیاروں میں ڈھلنا چھوڑو۔۔۔۔۔۔۔۔۔۔۔اندھی راہوں کے او راہی
اے کانٹو ں سے ڈرنے والو۔۔۔۔۔۔۔۔۔۔۔۔۔۔۔۔۔۔۔۔۔۔کانٹوں سے اے ڈرنے والو۔۔۔۔۔۔۔۔۔۔اندھیاروں میں ڈھلنا چھوڑو
پیار گلوں سے کرنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔پھولوں پر بھی مرنا چھوڑو۔۔۔۔۔۔۔۔۔۔۔۔۔کانٹوں سے اے ڈرنے والو
مشکل کا حل ڈھونڈو رہبر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پھولوں پر بھی مرنا چھوڑو
ہڑتالیں اور دھرنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مشکل کا حل ڈھونڈو رہبر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہڑتالیں اور دھرنا چھوڑو
زیر عدو کو کرنا ہے تو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔زیر عدو کو کرنا ہے تو
آپس میں تم لڑنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آپس میں تم لڑنا چھوڑو
شان سے زندہ رہنا ہے تو۔۔۔۔۔۔۔۔۔۔۔۔۔۔۔۔۔۔۔۔۔۔۔۔شان سےزندہ رہنا سیکھو۔۔۔۔۔۔۔۔۔۔۔شان سے زندہ رہنا سیکھو
موت سے پھر تم ڈرنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔موت سے ڈر کر مرنا چھوڑو۔۔۔۔۔۔۔۔۔۔موت سے ڈر کر مرنا چھوڑو
اوروں کی خوش حالی پر تُم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اوروں کی خوش حالی پر تم
رشک کرو اور جلنا چھوڑو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔رشک کرو اور جلنا چھوڑو

 

[الف عین]

پہلے قوافی درست کر لیے جائیں، کرنا بھرنا تو درست ہے لیکن اس کے ساتھ لڑنا، جلنا غلط

 

[شکیل احمد خان23]

استادِ محترم نے جو بنیادی غلطی پکڑی ہے اور اُسے دُرست کرنے
کا کہا ہے ،وہ یہ ہے کہ غزل کے مطلع میں دونوں مصرعوں میں جو
قوافی ہیں وہ ۔۔۔مرنا اور بھرنا ہیں:
جبر کا پانی بھرنا چھوڑو
گھٹ گھٹ کر تم مرنا چھوڑو
اب پوری غزل کے تمام اشعار آپ کو اِنہی کی پابندی کرنی ہے کہ
ہر قافیے میں ر+ن+ا لازماً آئےیعنی :
مرنا
بھرنا
جھرنا
دھرنا
ڈرنا
گزرنا
ٹھہرنا۔۔۔۔۔۔۔۔۔۔۔۔۔جیسے قافیے تو دُرست مانے جائیں گے
مگر کسی بھی شعر میں
ڈھلنا
چلنا
رہنا
سہنا
کہنا
یا
بکنا ۔۔۔۔۔۔۔۔۔۔۔جیسے قافیے دُرست نہیں مانے جائیں گے اِس
لیے کہ مطلع کے دونوں مصرعوں میں مرنا اور بھرنا لاکر آپ طے کرچکے
کہ آیندہ ہر شعر کے قافیے۔۔۔۔ رنا اور رنا ہی رہیں گے۔البتہ مطلع میں
ایک مصرعے میں بھرنا اور دوسرے میں ڈھلنا لے آتے تو اب آیندہ
اشعار میں :
چلنا
مسلنا
حتیٰ کہ
بہکنا
مہکنا۔۔۔۔۔۔۔۔۔۔۔۔۔۔جیسے قافیوں کے استعمال کی بھی اجازت
مل جاتی۔اب آپ کا مطلع تبدیل کریں تو پوری غزل کے قافیے ٹھیک
ہوجائیں گے:
جابر کا دم بھرنا چھوڑو
جبر میں تم یوں ڈھلنا چھوڑو

اگر اِسے غزل کا مطلع مان لیا جائے تو اب آپ کو اجازت ہے کہ حسبِ
موقع:
چلنا
مہکنا
پھسلنا
برسنا
سنورنا۔۔۔۔۔۔۔۔۔۔۔۔۔۔۔۔۔۔۔۔۔جیسے قافیے لاسکتے ہیں

مثال کے طور پر یہ غزل پڑھیں،شاعر منصورخوشؔتر
۔۔۔۔۔غزل
جہاں سے اب گزرنا چاہتے ہیں
کہ ہم جنت میں رہنا چاہتے ہیں
توجہ آپ فرمائیں اگر تو
کچھ ہم بھی عرض کرنا چاہتے ہیں
ذرا تیغ نگہ کو تیز کیجے
کہ ہم بھی کچھ تڑپنا چاہتے ہیں
چھپا رکھی جو ہے وہ جام دے دے
وہی پی کر بہکنا چاہتے ہیں
مزہ عاشق کو اس میں بھی ہے ملتا
جفائیں تیری سہنا چاہتے ہیں
ہوئے ہیں تنگ اس دنیا سے ایسے
بلا تاخیر مرنا چاہتے ہیں
ورق خوشترؔ کتاب زندگی کا
کوئی تازہ الٹنا چاہتے ہیں

 

[شکیل احمد خان23]

اب غزل کی اِصلاح یہ ہوگی:​

جبر کا پانی بھرنا چھوڑو۔۔۔۔۔۔۔۔۔۔۔۔۔۔۔۔۔۔جابر کا دم بھرنا چھوڑو
گھُٹ گھُٹ کر تم مرنا چھوڑو۔۔۔۔۔۔۔۔۔۔۔۔۔۔جبر میں یوں تم ڈھلنا چھوڑو۔۔۔۔۔۔اور اگر ایطاء نہ در آئے تو:ظلم کے آگے جھکنا چھوڑو
اے کانٹوں سے ڈرنے والو۔۔۔۔۔۔۔۔۔۔۔۔۔کانٹوں سے اے ڈرنے والو
پیار گلوں سے کرنا چھوڑو۔۔۔۔۔۔۔۔۔۔۔۔۔۔۔پیار گلوں سے کرنا چھوڑو
شان سے زندہ رہنا ہے تو۔۔۔۔۔۔۔۔۔۔۔۔۔۔شان سے زندہ رہنا سیکھو
موت سے پھر تم ڈرنا چھوڑو۔۔۔۔۔۔۔۔۔۔۔۔۔موت سے ڈر کر مرنا چھوڑو
اندھیری راہوں کے راہی۔۔۔۔۔۔۔۔۔۔۔۔۔۔اندھی راہوں کے او راہی
ان راہوں پر چلنا چھوڑو۔۔۔۔۔۔۔۔۔۔۔۔۔۔۔۔اندھیاروں میں ڈھلنا چھوڑو
مشکل کا حل ڈھونڈو رہبر۔۔۔۔۔۔۔۔۔۔۔۔۔۔۔مشکل کا حل ڈھونڈو رہبر
ہڑتالیں اور دھرنا چھوڑو۔۔۔۔۔۔۔۔۔۔۔۔۔۔۔۔ہڑتالیں اور دھرنا چھوڑو
زیر عدو کو کرنا ہے تو۔۔۔۔۔۔۔۔۔۔۔۔۔۔۔۔۔۔ہیرو زیرو ہو جاتا ہے
آپس میں تم لڑنا چھوڑو۔۔۔۔۔۔۔۔۔۔۔۔۔۔۔۔۔آپس میں تم لڑنا چھوڑو
اوروں کی خوش حالی پر تُم۔۔۔۔۔۔۔۔۔۔۔۔۔۔۔اوروں کی خوشحالی پر تم
رشک کرو اور جلنا چھوڑو۔۔۔۔۔۔۔۔۔۔۔۔۔۔۔جلنا اور سلگنا چھوڑو

 

[محمد عبدالرؤوف]

ان راہوں پر چلنا چھوڑو

ان راہوں/اندھیاروں سے گزرنا چھوڑو

زیر عدو کو کرنا ہے تو
آپس میں تم لڑنا چھوڑو

دشمن سے گر لڑنا ہے تو
زیر اپنوں کو کرنا چھوڑو

رشک کرو اور جلنا چھوڑو

خود کو بے کل کرنا چھوڑو

 

[محمد احسن سمیع راحلؔ]

ایک مصرعے میں بھرنا اور دوسرے میں ڈھلنا لے آتے تو اب آیندہ
اشعار میں :
چلنا
مسلنا
حتیٰ کہ
بہکنا
مہکنا۔۔۔۔۔۔۔۔۔۔۔۔۔۔جیسے قافیوں کے استعمال کی بھی اجازت
مل جاتی۔اب آپ کا مطلع تبدیل کریں تو پوری غزل کے قافیے ٹھیک
ہوجائیں گے:
جابر کا دم بھرنا چھوڑو
جبر میں تم یوں ڈھلنا چھوڑو

اگر اِسے غزل کا مطلع مان لیا جائے تو اب آپ کو اجازت ہے کہ حسبِ
موقع:
چلنا
مہکنا
پھسلنا
برسنا
سنورنا۔۔۔۔۔۔۔۔۔۔۔۔۔۔۔۔۔۔۔۔۔جیسے قافیے لاسکتے ہیں

مثال کے طور پر یہ غزل پڑھیں،شاعر منصورخوشؔتر
۔۔۔۔۔غزل
جہاں سے اب گزرنا چاہتے ہیں
کہ ہم جنت میں رہنا چاہتے ہیں
توجہ آپ فرمائیں اگر تو
کچھ ہم بھی عرض کرنا چاہتے ہیں
ذرا تیغ نگہ کو تیز کیجے
کہ ہم بھی کچھ تڑپنا چاہتے ہیں
چھپا رکھی جو ہے وہ جام دے دے
وہی پی کر بہکنا چاہتے ہیں
مزہ عاشق کو اس میں بھی ہے ملتا
جفائیں تیری سہنا چاہتے ہیں
ہوئے ہیں تنگ اس دنیا سے ایسے
بلا تاخیر مرنا چاہتے ہیں
ورق خوشترؔ کتاب زندگی کا
کوئی تازہ الٹنا چاہتے ہیں

یہ قوافی بھی درست نہیں. خوشتر صاحب کی غزل کے قوافی بھی غلط ہیں. مصادر کو قافیہ بنانے کا اصول یہ ہے کہ ان کا صیغہ امر بھی ہم آواز ہو ... مثلا ڈھلنا اور چلنا تو قافیہ ہو سکتے ہیں مگر گزرنا اور چلنا قافیہ نہیں ہو سکتے. میں خوشتر صاحب کو نہیں جانتا مگر یہ عیب کئی جدید مشاہیر کے یہاں نظر آتا ہے. امجد اسلام امجد صاحب کی ایک غزل ذہن میں ہے جس میں بعینہ یہی مسئلہ تھا.
سو بھرنا اور ڈھلنا اگر قوافی لائے جائیں تو غزل ایطا کا شکار ہو جائے گی.

 

[محمد احسن سمیع راحلؔ]

سر غلطی ہوگئی تھی،
سدھارنے کا طریقہ مل گیا اب غلطی سدھرگئی ہے۔

سر راحل صاحب! غلطی ہوگئی تھی۔سدھارنے کا طریقہ مل گیا اب غلطی سدھرگئی ہے۔
اصلاح کی درخواست ہے۔

قوافی درست کر لیں، باقی مجھے تو کسی خاص تبدیلی کی ضرورت محسوس نہیں ہوئی.

 

[الف عین]

یہ قوافی بھی درست نہیں. خوشتر صاحب کی غزل کے قوافی بھی غلط ہیں. مصادر کو قافیہ بنانے کا اصول یہ ہے کہ ان کا صیغہ امر بھی ہم آواز ہو ... مثلا ڈھلنا اور چلنا تو قافیہ ہو سکتے ہیں مگر گزرنا اور چلنا قافیہ نہیں ہو سکتے. میں خوشتر صاحب کو نہیں جانتا مگر یہ عیب کئی جدید مشاہیر کے یہاں نظر آتا ہے. امجد اسلام امجد صاحب کی ایک غزل ذہن میں ہے جس میں بعینہ یہی مسئلہ تھا.
سو بھرنا اور ڈھلنا اگر قوافی لائے جائیں تو غزل ایطا کا شکار ہو جائے گی.

البتہ مرنا، ڈھلتا، کہنا، دادا، نانا، بیٹا قوافی ممکن ہیں جو سارے محض الف پر ختم ہو رہے ہوں۔

 

[خورشیداحمدخورشید]

پہلے قوافی درست کر لیے جائیں، کرنا بھرنا تو درست ہے لیکن اس کے ساتھ لڑنا، جلنا غلط

سر الف عین ! قوافی درست کرنے کی کوشش کی ہے۔

جبر کا پانی بھرنا چھوڑو
گھُٹ گھُٹ کر تم مرنا چھوڑو

اے کانٹوں سے ڈرنے والو
پیار گلوں سے کرنا چھوڑو

شان سے زندہ رہنا ہے تو
موت سے پھر تم ڈرنا چھوڑو

ظلمت کی راہوں کے راہی
فاجروں کا دم بھرنا چھوڑو

مشکل کا حل ڈھونڈو رہبر
ہڑتالیں اور دھرنا چھوڑو

کرلو گے تُم زیر عدو کو
لڑنا اور بکھرنا چھوڑو

آگ لگاتا ہے خوشیوں کو
یار حسد تُم کرنا چھوڑو​

 

[محمد احسن سمیع راحلؔ]

اندھیری راہوں کے راہی
عاصیوں کا دم بھرنا چھوڑو

جہاں تک مجھے معلوم ہے، اندھیرا میں ن غنہ ہوتا ہے، جو تقطیع میں شمار نہیں ہوگا، معذرت کہ پہلے اس طرف میرا دھیان نہیں گیا
عاصیوں کی ی کا اسقاط بھی ٹھیک نہیں.

رشک کرو تم فوز پہ سب کی
اور حسد بھی کرنا چھوڑو

مجرد فوز مجھے تو اردو میں نامانوس سا لگتا ہے.

کر لو گے تم زیر عدو کو
ایکا کر لو بکھرنا چھوڑو

دوسرے مصرعے کی روانی مخدوش لگتی ہے.

 

[خورشیداحمدخورشید]

اندھیری راہوں کے راہی
عاصیوں کا دم بھرنا چھوڑو
جہاں تک مجھے معلوم ہے، اندھیرا میں ن غنہ ہوتا ہے، جو تقطیع میں شمار نہیں ہوگا، معذرت کہ پہلے اس طرف میرا دھیان نہیں گیا
عاصیوں کی ی کا اسقاط بھی ٹھیک نہیں.

ظلمت کی راہوں کے راہی
فاجروں کا دم بھرنا چھوڑو​

 

[خورشیداحمدخورشید]

رشک کرو تم فوز پہ سب کی
اور حسد بھی کرنا چھوڑو
مجرد فوز مجھے تو اردو میں نامانوس سا لگتا ہے.

آگ لگاتا ہے خوشیوں کو
یار حسد تُم کرنا چھوڑو​

 

[خورشیداحمدخورشید]

کر لو گے تم زیر عدو کو
ایکا کر لو بکھرنا چھوڑو
دوسرے مصرعے کی روانی مخدوش لگتی ہے.

کرلو گے تُم زیر عدو کو
لڑنا اور بکھرنا چھوڑو​

 

[الف عین]

میں تو مطلع ہی نہیں سمجھ سکا، پانی بھرنا محاورہ ہے کیا؟ بہر حال یہ روز مرہ کا کوئی محاورہ نہیں جس کا مطلب ہر کسی پر واضح ہو.۔

فاجروں کا دم بھرنا چھوڑو

محض فاجر تقطیع ہوتا ہے، وں دونوں کا اسقاط گوارا نہیں۔( ں تو تقطیع میں نہیں آتا، لیکن و کا اسقاط ضرور نا گوار ہے)

یار حسد تُم کرنا چھوڑو

اس میں بھی یار بھرتی ہی لگتا ہے۔ اس کے بغیر باندھنے کی کوشش کرو