غزل ۔ میں کسی طور سُخن سازِ مثالی نہ بنا ۔ محسن احسان

[محمداحمد]

غزل​

​

میں کسی طور سُخن سازِ مثالی نہ بنا​

میرؔ و غالبؔ تو کُجا مومنؔ و حالیؔ نہ بنا​

​

آسمانوں کے مکیں میری زمینوں کو سجا​

عرشِ بے مایہ پر فردوسِ خیالی نہ بنا​

​

پُر ہوا جام سے کچھ پہلے مرا کاسہ ٔ عمر​

اے خدا شُکر ہے میں تیرا سوالی نہ بنا​

​

سیلِ گریہ سے نہ رُک پائے گا خاشاکِ مژہ​

بند مضبوط ہوں دریاؤں پہ جالی نہ بنا​

​

محسن احسان ہے درویش طبیعت انساں​

اُس کا در ، در ہی سمجھ، درگہہِ عالی نہ بنا​

​

محسن احسان​

​

 

[طارق شاہ]

احمد صاحب غزل بہت اچھی ہے
تشکّر شیئر کرنے پر
بہت خوش رہیں

​

 

[محمداحمد]

احمد صاحب غزل بہت اچھی ہے
تشکّر شیئر کرنے پر
بہت خوش رہیں

​

بہت شکریہ۔۔۔۔۔!

 

[مدیحہ گیلانی]

محسن احسان ہے درویش طبیعت انساں​

اُس کا در ، در ہی سمجھ، درگہہِ عالی نہ بنا​

عمدہ انتخاب ہے بھئی ۔​

​