احمد مشتاق غزل ۔ خود چل کے قریب آ گیا تھا ۔ احمد مشتاق

[محمداحمد]

غزل​

​

خود چل کے قریب آ گیا تھا​

میں دُور سے جس کو دیکھتا تھا​

​

گزری ہوئی بُلبُلوں کا سایہ​

اک شاخِ گلاب پر پڑا تھا​

​

سبزہ ہو مراقبے میں گویا​

خاموش تھا اور جُھکا ہوا تھا​

​

بیٹھا تھا کوئی مِرے مقابل​

اور آپ سے آپ ہنس رہا تھا​

​

دِل صبح سے مضطرب ہے میرا​

یہ خواب اگر نہ تھا تو کیا تھا​

​

احمد مشتاق​

 

[امجد میانداد]

گزری ہوئی بُلبُلوں کا سایہ​

اک شاخِ گلاب پر پڑا تھا​

سبزہ ہو مراقبے میں گویا​

خاموش تھا اور جُھکا ہوا تھا​

بہت عمدہ شئیرنگ جناب خوش رہیے۔​