غزل ۔ بدل گئے مرے موسم، تو یار اب آئے

[محمداحمد]

غزل

بدل گئے مرے موسم، تو یار اب آئے
غموں نے چاٹ لیا، غمگسار اب آئے

یہ وقت اس طرح رونے کا تو نہیں، لیکن
میں کیا کروں، کہ مرے سوگوار، اب آئے

وہ دھوپ دھوپ میں ہی ہو گیا بسر، چپ چاپ
شجر شجر پہ مرے برگ و بار اب آئے

وہ جن پہ دھوکہ سا جھیلا تھا، ہم نے منزل کا
وہ قافلے تو سرِ راہ گزار، اب آئے

نہ ڈالیوں پہ کوئی پھول ہے، نہ ہونٹوں پر
مزہ تو جب ہے کہ بادِ بہار، اب آئے

فرحت عباس شاہ​

سرگوشی

پسِ نوشت: یہ غزل مجھے محفل پر ملی نہیں، اگر کہیں موجود ہو تو دونوں لڑیوں کو ضم کر دیا جائے۔