فرحان محمد خان
محفلین
غزل
کُھلا ہے سینۂ گُل ، ہے چراغِ مشک بُو عُریاں
کوئی پہلوئے شب میں ہو رہا ہے ہُو بُہو عُریاں
کلی کے نرم تَالو میں کوئی نقشِ دمیدہ ہے
حجابِ نیم وا میں ہے کوئی شوقِ نمُو عُریاں
ہُمکتی ہے بلوغت کی مہک اُس کُجِ کمسن میں
خمِ زہرہ پہ ہوتا ہے غُبارِ سبز مُو عُریاں
عجب اک خلوتِ دیدار میں گم ہو گئی آنکھیں
دمِ حیرت نہیں کھلتا کہ یہ میں ہوں کہ تُو عُریاں
پری ہے یا بَلا کوئی لیے پھرتی ہے جو ہم کو
کہیں ظاہر کہیں غائب کبھی اُوجھل کبھو عُریاں
اُڑی آبِ بدن اس تنگیِ پوشاک سے باہر
ہوئی ہے تُندیِ صہبا تہِ جام و سبُو عُریاں
خرامِ یار میں سنبھلے کہاں وہ مضطرب آنچل
کبھی سبدِ سُریں عُریاں کبھی چاکِ گُلو عُریاں
اُسی چشمِ فسوں سے جسم و جاں کی رُت بدلتی ہے
کفِ دستِ حنا میں ہے گُلِ صد آرزو عُریاں
تڑپ کر موجِ زریں ساقِ ساحل سے لپٹتی ہے
کنارِ آب جو ہوتا ہے میرا ماہ رُو عُریاں
یہاں پردے ہزاروں ہیں کسی کو کیا دکھائی دے
وگرنہ رات دن سرمدؔ پھرے ہے کُو بہ کُو عُریاں
کُھلا ہے سینۂ گُل ، ہے چراغِ مشک بُو عُریاں
کوئی پہلوئے شب میں ہو رہا ہے ہُو بُہو عُریاں
کلی کے نرم تَالو میں کوئی نقشِ دمیدہ ہے
حجابِ نیم وا میں ہے کوئی شوقِ نمُو عُریاں
ہُمکتی ہے بلوغت کی مہک اُس کُجِ کمسن میں
خمِ زہرہ پہ ہوتا ہے غُبارِ سبز مُو عُریاں
عجب اک خلوتِ دیدار میں گم ہو گئی آنکھیں
دمِ حیرت نہیں کھلتا کہ یہ میں ہوں کہ تُو عُریاں
پری ہے یا بَلا کوئی لیے پھرتی ہے جو ہم کو
کہیں ظاہر کہیں غائب کبھی اُوجھل کبھو عُریاں
اُڑی آبِ بدن اس تنگیِ پوشاک سے باہر
ہوئی ہے تُندیِ صہبا تہِ جام و سبُو عُریاں
خرامِ یار میں سنبھلے کہاں وہ مضطرب آنچل
کبھی سبدِ سُریں عُریاں کبھی چاکِ گُلو عُریاں
اُسی چشمِ فسوں سے جسم و جاں کی رُت بدلتی ہے
کفِ دستِ حنا میں ہے گُلِ صد آرزو عُریاں
تڑپ کر موجِ زریں ساقِ ساحل سے لپٹتی ہے
کنارِ آب جو ہوتا ہے میرا ماہ رُو عُریاں
یہاں پردے ہزاروں ہیں کسی کو کیا دکھائی دے
وگرنہ رات دن سرمدؔ پھرے ہے کُو بہ کُو عُریاں
سرمد صہبائی