1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

غزل: ٹھوکریں کھا کے اک زمانے تک ٭ نعیم صدیقیؒ

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏مارچ 29, 2020

  1. محمد تابش صدیقی

    محمد تابش صدیقی منتظم

    مراسلے:
    26,773
    جھنڈا:
    Pakistan
    موڈ:
    Breezy
    ٹھوکریں کھا کے اک زمانے تک
    آ گیا تیرے آستانے تک

    عمر ساری قفس میں کاٹی ہے
    آج پہنچا ہوں آشیانے تک

    آہ یہ اپنا دردِ نامعلوم!
    جس سے بیگانہ تھے یگانے تک

    تا بہ مشہد پہنچ سکے دو چار
    رہ گئے لوگ بادہ خانے تک

    عزم کے کتنے قافلے چل کر
    رک گئے نت نئے بہانے تک

    زندگی اپنا ساتھ دے کہ نہ دے
    تیرگی کا حصار ڈھانے تک

    دیکھیے کتنے گھر اجڑتے ہیں
    ایک دنیا نئی بسانے تک

    ایک شب ہے، یہ دے گی ساتھ کہاں
    قصۂ دردِ دل سنانے تک

    ہائے وہ دل جسے جگا نہ سکیں
    ظلمِ اعدا کے تازیانے تک

    ٭٭٭
    نعیم صدیقیؒ
     
    • زبردست زبردست × 1
  2. سحر کائنات

    سحر کائنات محفلین

    مراسلے:
    124
    دیکھیے کتنے گھر اجڑتے ہیں
    ایک دنیا نئی بسانے تک

    کمال
     

اس صفحے کی تشہیر