فرحان محمد خان
محفلین
غزل
موت ہے زیست میں شرمندۂ احساں ہونا
زہر ہے درد کا منّت کشِ درماں ہونا
تیری قسمت میں جو اے دل ہے پریشاں ہونا
خاک ہونا بھی تو خاکِ درِ جاناں ہونا
نیو کھودی گئی جس دن مرے کاشانے کی
جوش زن خاک کے پردے سے تھا ویراں ہونا
دلِ مایوس میں جب کوئی تمنا ہی نہیں
عین ساماں ہے مرا بے سر و ساماں ہونا
اے مرے قتل کا اقرار نہ کرنے والے
تجھ سے یہ کس نے کہا تھا کہ پشیماں ہونا
اے مری صبح وطن خندہ زنی سے باز آ
تیری قسمت میں تو ہے شامِ غریباں ہونا
اہلِ دل چاہیے رفتارِ صفیؔ کی تقلید
نہ بہت ڈور کے چلنا نہ پشیماں ہونا
موت ہے زیست میں شرمندۂ احساں ہونا
زہر ہے درد کا منّت کشِ درماں ہونا
تیری قسمت میں جو اے دل ہے پریشاں ہونا
خاک ہونا بھی تو خاکِ درِ جاناں ہونا
نیو کھودی گئی جس دن مرے کاشانے کی
جوش زن خاک کے پردے سے تھا ویراں ہونا
دلِ مایوس میں جب کوئی تمنا ہی نہیں
عین ساماں ہے مرا بے سر و ساماں ہونا
اے مرے قتل کا اقرار نہ کرنے والے
تجھ سے یہ کس نے کہا تھا کہ پشیماں ہونا
اے مری صبح وطن خندہ زنی سے باز آ
تیری قسمت میں تو ہے شامِ غریباں ہونا
اہلِ دل چاہیے رفتارِ صفیؔ کی تقلید
نہ بہت ڈور کے چلنا نہ پشیماں ہونا
صفیؔ لکھنوی