فرحان محمد خان
محفلین
غزل
غبارِ خواب نقشِ رایگاں رہنے دیا ہوتا
کوئی تو میرے ہونے کا نشاں رہنے دیا ہوتا
اے شامِ ہجر جو کچھ چھینا تھا چھین لیتی تُو
کسی کے لوٹ آنا کا گماں رہنے دیا ہوتا
ہم آشفتہ سروں پر اس زمیں نے تنگ ہونا تھا
تو پھر سر پر ذرا سا آسماں رہنے دیا ہوتا
کنارِ مرگ سب رکتے مگر آوارگی تُو نے
ہمیں اس کنجِ راحت میں کہاں رہنے دیا ہوتا
بنے نقشِ کفِ پا ہم بھی رستے میں پڑے رہتے
ہمیں تصویرِ گردِ کارواں رہنے دیا ہوتا
ہوس کس کو تھی ننگ و نام پانے کی مگر سرمدؔ
ہمارا ذکر زیبِ داستاں رہنے دیا ہوتا
غبارِ خواب نقشِ رایگاں رہنے دیا ہوتا
کوئی تو میرے ہونے کا نشاں رہنے دیا ہوتا
اے شامِ ہجر جو کچھ چھینا تھا چھین لیتی تُو
کسی کے لوٹ آنا کا گماں رہنے دیا ہوتا
ہم آشفتہ سروں پر اس زمیں نے تنگ ہونا تھا
تو پھر سر پر ذرا سا آسماں رہنے دیا ہوتا
کنارِ مرگ سب رکتے مگر آوارگی تُو نے
ہمیں اس کنجِ راحت میں کہاں رہنے دیا ہوتا
بنے نقشِ کفِ پا ہم بھی رستے میں پڑے رہتے
ہمیں تصویرِ گردِ کارواں رہنے دیا ہوتا
ہوس کس کو تھی ننگ و نام پانے کی مگر سرمدؔ
ہمارا ذکر زیبِ داستاں رہنے دیا ہوتا
سرمدؔ صہبائی