غزل برائے اصلاح

[سعید احمد سجاد]

سر الف عین
یاسر شاہ
عظیم
فلسفی
محمد خلیل الرحمٰن


میری سوچیں نکھارنے والے
میری راہیں سدھارنے والے
.....................................
میں غریبِ وطن ہوں سن لینا
دل میں نشتر اتارنے والے
....................................
ہم مسافت سے ہیں بہت نالاں
دُور سے اے پکارنے والے
..................................
دل کی تعمیر روز کرتے ہیں
ہجر میں شب گزارنے والے
.....................................
اپنے جذبوں کو تم نہ کھو دینا.
میرے جذبے ابھآرنے والے
......................................
الجھنوں میں نہ تم الجھ جانا
میری حالت سنوارنے والے
......................................
عشق میں کامیاب ہوتے ہیں
اپنی ہستی کو مارنے والے
......................................
دکھ جوتم نے دئیے مجھے تاعمر
ہیں وہ اب مجھ سے ہارنے والے.

 

[عظیم]

عشق میں کامیاب ہوتے ہیں
اپنی ہستی کو مارنے والے
۔۔۔ہستی کو مارنا جچ نہیں رہا، آپ اپنے کو مارنے والے کیا جا سکتا ہے
باقی غزل مجھے درست لگ رہی ہے۔ مطلع اور اگلا شعر اگر قطعہ ہے تو اس کا ذکر غزل کے شروع میں 'ق' کے نشان سے کرنا چاہیے۔ ورنہ مطلع صرف دو لائینیں ہی بن کر رہ جائے گا!

 

[سعید احمد سجاد]

عشق میں کامیاب ہوتے ہیں
اپنی ہستی کو مارنے والے
۔۔۔ہستی کو مارنا جچ نہیں رہا، آپ اپنے کو مارنے والے کیا جا سکتا ہے
باقی غزل مجھے درست لگ رہی ہے۔ مطلع اور اگلا شعر اگر قطعہ ہے تو اس کا ذکر غزل کے شروع میں 'ق' کے نشان سے کرنا چاہیے۔ ورنہ مطلع صرف دو لائینیں ہی بن کر رہ جائے گا!

شکریہ عظیم بھائی

 

[الف عین]

عظیم سے متفق ہوں
دل کی تعمیر روز کرتے ہیں
ہجر میں شب گزارنے والے
....................................
ابلاغ نہیں ہو سکا دونوں مصرعوں میں ربط نہیں لگتا

 

[سعید احمد سجاد]

عظیم سے متفق ہوں
دل کی تعمیر روز کرتے ہیں
ہجر میں شب گزارنے والے
....................................
ابلاغ نہیں ہو سکا دونوں مصرعوں میں ربط نہیں لگتا

شکریہ سر کوشش کرتا ہوں