غزل برائے اصلاح

سعید احمد سجاد نے 'اِصلاحِ سخن' کی ذیل میں اس موضوع کا آغاز کیا، ‏اپریل 17, 2019

  1. سعید احمد سجاد

    سعید احمد سجاد محفلین

    مراسلے:
    302
    الف عین
    یاسر شاہ
    فلسفی
    عظیم
    سر اصلاح کی درخواست ہے
    جب بھی خوشبو تری سانسوں کی سہانی آئے۔
    منجمد خون میں پھر جا کے روانی آئے
    جب کھلے پھول ترے وصل کی امیدوں کے۔
    شبنمی ہونٹ ترے بن کے نشانی آئے
    ناتواں اس کے مجھے ہجر نے کر ڈالا ہے۔
    صورتِ یار جو دیکھوں تو جوانی آئے۔
    مجھ پہ اب تک ہے وہی روحِ رواں کا عالم۔
    ساعتِ ہجر کو بھولوں ٗ نہ بھلانی آئے۔
    اُن کی خواہش ہے تو جلتا ہوں چتا پر بھی مگر۔
    شرط یہ ہے کہ اُنھیں آگ لگانی آئے ۔
    ناگ بن کر مجھے ڈستا ہے کوئی سوزِ نہاں۔
    جب بھی تنہائی میں اک یاد پرانی آئے۔
    ربط سانسوں میں نہ دھڑکن میں تسلسل باقی۔
    تُو جو آئے تو رگ و پے میں جوانی آئے۔
    سلب ہے قوتِ گویائی بھی سجاد مری۔
    ضبط آنسو نہ ہوں جب درد کہانی آئے
     
  2. عظیم

    عظیم محفلین

    مراسلے:
    6,628
    جب بھی خوشبو تری سانسوں کی سہانی آئے۔
    منجمد خون میں پھر جا کے روانی آئے
    ۔۔۔۔۔'پھر جا کے' کی جگہ 'تب جا کے' بہتر معلوم ہو رہا ہے

    جب کھلے پھول ترے وصل کی امیدوں کے۔
    شبنمی ہونٹ ترے بن کے نشانی آئے
    ۔۔۔۔۔پہلا مصرع بحر میں نہیں
    ہونٹ نشانی بن کر کہاں آئے۔ اس کی بھی وضاحت ہونی
    چاہیے

    ناتواں اس کے مجھے ہجر نے کر ڈالا ہے۔
    صورتِ یار جو دیکھوں تو جوانی آئے۔
    ۔۔۔۔ناتواں کے ساتھ جوانی ٹھیک نہیں رہے گا۔

    مجھ پہ اب تک ہے وہی روحِ رواں کا عالم۔
    ساعتِ ہجر کو بھولوں ٗ نہ بھلانی آئے۔
    ۔۔۔یہ ٹھیک لگ رہا ہے

    اُن کی خواہش ہے تو جلتا ہوں چتا پر بھی مگر۔
    شرط یہ ہے کہ اُنھیں آگ لگانی آئے ۔
    ۔۔۔۔یہ بھی درست معلوم ہو رہا ہے

    ناگ بن کر مجھے ڈستا ہے کوئی سوزِ نہاں۔
    جب بھی تنہائی میں اک یاد پرانی آئے۔
    ۔۔۔۔۔اچھا شعر ہے

    ربط سانسوں میں نہ دھڑکن میں تسلسل باقی۔
    تُو جو آئے تو رگ و پے میں جوانی آئے۔
    ۔۔۔درست معلوم ہو رہا ہے

    سلب ہے قوتِ گویائی بھی سجاد مری۔
    ضبط آنسو نہ ہوں جب درد کہانی آئے
    ۔۔۔۔۔درد کہانی،؟
     
  3. ارشد چوہدری

    ارشد چوہدری محفلین

    مراسلے:
    1,278
    جھنڈا:
    UnitedStates
    موڈ:
    Brooding
    ( ایک تجویز )
    سلب ہے قوتِ گویائی بھی سجاد مری۔
    ضبط آنسو نہ ہوں جب یاد وہ کہانی آئے
     
  4. سعید احمد سجاد

    سعید احمد سجاد محفلین

    مراسلے:
    302
    ارشد بھائی بحر سے خارج ہو جاتا ہے مصرعہ
     
  5. سعید احمد سجاد

    سعید احمد سجاد محفلین

    مراسلے:
    302
    عظیم بھائی امید اور امّید دونوں مستعمل ہیں
     
  6. الف عین

    الف عین لائبریرین

    مراسلے:
    33,854
    جھنڈا:
    India
    موڈ:
    Psychedelic
    وصل کی امیدوں والا مصرع مکمل بحر میں ہے عظیم کو کچھ غلط فہمی ہوئی ہے
     
  7. عظیم

    عظیم محفلین

    مراسلے:
    6,628
    ایک دو بار ذہن میں تقطیع بھی کی مگر جلدی کر گیا
     
    • پسندیدہ پسندیدہ × 3
  8. سعید احمد سجاد

    سعید احمد سجاد محفلین

    مراسلے:
    302
    سر مکمل غزل پہ رائے کے لئے درخواست ہے
     
  9. سعید احمد سجاد

    سعید احمد سجاد محفلین

    مراسلے:
    302
    الف عین سر
     
  10. الف عین

    الف عین لائبریرین

    مراسلے:
    33,854
    جھنڈا:
    India
    موڈ:
    Psychedelic
    عظیم کے مشوروں سے متفق ہوں، جہاں ان کی غلطی محسوس کی، وہاں نشاندہی کر دی تھی متفق کا بٹن دبانے کے بعد
     
    • پسندیدہ پسندیدہ × 1
  11. سعید احمد سجاد

    سعید احمد سجاد محفلین

    مراسلے:
    302
    شکریہ سر
     
  12. سعید احمد سجاد

    سعید احمد سجاد محفلین

    مراسلے:
    302
    جب بھی خوشبو تری سانسوں کی سہانی آئے۔
    منجمد خون میں تب جا کے روانی آئے۔
    جب کھلے پھول ترے وصل کی امیدوں کے۔
    شبنمی ہونٹ خیالوں میں نشانی آئے۔
    ایک بے جان مجسم ہوں جدائی کے سبب
    صورتِ یار جو دیکھوں تو جوانی آئے۔
    سلب ہے قوتِ گویائی بھی سجاد مری۔
    توڑنے ضبط کوئی درد کہانی آئے۔
    عظیم بھائی اب نظر ثانی فرما دیجیے گا
     
  13. عظیم

    عظیم محفلین

    مراسلے:
    6,628
    ہونٹ والے شعر میں ابھی بھی یہ بات واضح نہیں کہ کس کے ہونٹ
    دوسرا صرف 'نشانی کہنے سے بات مکمل نہیں ہو گی۔ بن کے نشانی آئے، کی ضرورت ہے
    پھر بھی یہ کمی رہی جائے گی کہ کس بات کی نشانی بن کر آئے
    تیسرے شعر کے پہلے مصرع میں 'بے جان مجسمہ' ہونا چاہیے تھا اس کے علاوہ جوانی ایسا لگ رہا ہے کہ بس قافیہ استعمال کرنا تھا۔ اس لیے کہ یہ لفظ یہاں فٹ نہیں ہو رہا
    مقطع میں وہی مسئلہ ہے کہ 'درد کہانی' کی سمجھ نہیں آ رہی
     
    • متفق متفق × 1
  14. سعید احمد سجاد

    سعید احمد سجاد محفلین

    مراسلے:
    302
    شکریہ عظیم بھائی
     
    • پسندیدہ پسندیدہ × 1

اس صفحے کی تشہیر