غزل برائے اصلاح

[ارشد چوہدری]

بحر -- ( مضارع مثمن اخرب مکفوف محذوف ) مفعول فاعلاتُ مفاعیل فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ سے کسی نے پیار کا وعدہ کیا نہیں
اپنا کسی نے پیار بھی مجھ کو دیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکمہ کسی نے پیار کے ہے نام پر دیا
ایسا ملا ہے زخم جو میں نے سیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوتا نہیں ہے پیار مجھے اب کسی سے بھی
شربت کسی کے پیار کا میں نے پیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا میں جی رہا ہوں میں جینے کے واسطے
جیتا ہوں جس طرح سے میں کوئی جیانہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا رہا ہوں میں تو وفا ہر کسی سے ہی
احسان میں نے اب بھی کسی کا لیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا نہیں ہوں پیار میں لوگوں کے ساتھ اب
دنیا نے مجھ سے پیار کبھی بھی کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کسی سے پیار بھی کرتا نہیں ہے اب
اُس کو کسی نے پیار جو اب تک کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

استادِ محترم -- چند دن پہلے نوید ناظم صاحب کی ایک غزل اسی بحر میں پڑھی تو خیال آیا کیوں نہ میں بھی کوشش کروں ۔ اب صحیح یا غلط کا فیصلہ تو آپ کریں گے ۔

 

[ارشد چوہدری]

الف عین

 

[الف عین]

مجھ سے کسی نے پیار کا وعدہ کیا نہیں
اپنا کسی نے پیار بھی مجھ کو دیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

چکمہ کسی نے پیار کے ہے نام پر دیا
ایسا ملا ہے زخم جو میں نے سیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چکمہ چوری جیسے منفی افعال کے سلسلے میں استعمال کیا جاتا ہے، پیار محبت میں دھوکا یا فریب بہتر ہے، یہ مصرع یوں بہتر ہو گا
دھوکا دیا کسی نے بنام وفا مجھے
لیکن دوسرا مصرع سوال اٹھاتا ہے کہ کیوں نہیں سیا؟ کسی نے روکا تھا؟ یا اگر اتنا پسند آیا تھا زخم تو اولی مصرع میں کچھ اس کا ذکر کرنا تھا!

ہوتا نہیں ہے پیار مجھے اب کسی سے بھی
شربت کسی کے پیار کا میں نے پیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ بے معنی لگتا ہے کہ اس وجہ سے کسی سے عشق نہ ہونا سمجھ میں نہیں آتا

دنیا میں جی رہا ہوں میں جینے کے واسطے
جیتا ہوں جس طرح سے میں کوئی جیانہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک ہے

کرتا رہا ہوں میں تو وفا ہر کسی سے ہی
احسان میں نے اب بھی کسی کا لیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہی اور اب بھی بھرتی کے ہیں، کسی سے احسان کا تعلق وفا سے کیا ہے، یہ سمجھ نہیں سکا

کرتا نہیں ہوں پیار میں لوگوں کے ساتھ اب
دنیا نے مجھ سے پیار کبھی بھی کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ بھی دو لخت ہے، ایک مصرع میں دلیل کی ضرورت ہے
کسی کے ساتھ پیار کرنا بھی غلط محاورہ ہے

ارشد کسی سے پیار بھی کرتا نہیں ہے اب
اُس کو کسی نے پیار جو اب تک کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ارشد کسی سے پیار بھی اب تک نہ کر سکا، بہتر ہو گا

 

[ارشد چوہدری]

تبدیلیوں کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ سے کسی نے پیا کا وعدہ کیا نہیں
اپنا کسی نے پیا بھی مجھ کو دیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دھوکہ دیا کسی نے بنامِ وفا مجھے
ایسا کبھی بھی کام تو میں کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا رہا ہوں پیار مگر کچھ تو تھی کمی
شربت کسی کے پیار کا تب ہی ملا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا میں جی رہا ہوں میں جینے کے واسطے
جیتا ہوں جس طرح سے میں کوئی جیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا سدا ہی مجھ سے تو کرتی رہی جفا
بدلہ کسی سے میں نے کبھی بھی لیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا نہیں ہوں پیار میں لوگوں سے اس لئے
دنیا نے مجھ سے پیار کبھی بھی کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کسی سے پیار بھی اب تک نہ کر سکا
دنیا نے اُس سے پیار جو اب تک کیا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

ٹھیک ہے غزل لیکن میرا وہی مشورہ
ہے کہ ہی، بھی. تو جیسے الفاظ کے بغیر کام چلائیں
شربت کسی کے پیار کا تب ہی ملا نہیں
۔۔۔۔۔۔۔۔۔ یوں ہی ملا نہیں
بہتر ہو گا ۔