غزل برائے اصلاح

[ارشد چوہدری]

بحر متقارب مثمن سالم ( فعولن فعولن فعولن فعولن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ردیف کے بغیر ایک تجربہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی سے بھی یارو محبّت نہ کرنا
جو مرنا تو شادی کئے بِن ہی مرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہی مشورہ ہے سبھی دوستوں کو
مگر کوئی الزام مجھ پر نہ دھرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ شادی کا بندھن تو مشکل بہت ہے
یہ ایسے ہے جیسے ہو سولی پہ چڑھنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بہت لوگ شادی کئے بِن ہیں جیتے
اگر ہو جو تم سے تو ایسے ہی کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہیں لوگ تم سے کہ لازم ہے شادی
یہ لازم ہے تم پر وہیں دے دو دھرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے مرضی تمہاری جو مانو نہ مانو
ہو کرنا تمہیں جو سمجھ کے ہی کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے شادی کا قائل بہت ہی یہ ارشد
عمل تم نہ اس کی تو باتوں پہ کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[انیس جان]

یہ شادی کا بندھن تو مشکل بہت ہے
یہ ایسے ہے جیسے ہو سولی پہ چڑھنا

چڑھنا قافیہ میرے خیال سے،،، کرنا مرنا،،، قافیہ کے ساتھ درست نہیں

اور غزل میں متواتر چار دفعہ،، کرنا،، قافیے کا استعمال بھی اچھا نہیں لگتا

 

[الف عین]

انیس جان کی بات درست ہے ۔
اس کے علاوہ روانی کی بھی بہت کمی محسوس ہوتی ہے۔ خود ہی الفاظ بدل کر کوشش کریں اور ہی، تو، بھی بھرتی کے الفاظ سے بچیں